Levítico 27:28 - Bible in Tzeltal Bachajón

²⁸ Pero ma xhu' ya yich' chonel soc ma xhu' ya yich' manel loq'uel te bin ch'ultesbil, te jc'axel ac'bil ta stojol Jehová; ta spisil te bintic ay yu'un, teme ants-winic, chambahlam, sq'uinal te a'bibil yu'untay, spisil te bin jc'axel ac'bil ta stojol Jehová mero ch'ultesbil ta stojol Jehová.

Bible in Tzeltal de Oxchuc y Tenejapa

²⁸ “Teme ay mach'a jc'axel ya yac'bon jtebuc te bila ay yu'une: winic, ants, chambalam, q'uinal te ac'bot yu'unin yu'un te state; te bila jc'axel ya yich' aq'uel ta jtojole, ma xju' ya yich' chonel, soc ma xju' ya xcha'manot xan sujt'el. Spisil te jc'axel ac'bil ta jtojol, mero ch'ultesbil me, ja' me cu'un.

Levítico 27:28 Referans Kwoze

Éxodo 22:20

Te mach'a ya ya'be milbil smahtan yantic diosetic, teme ma ha'uc ya ya'be stuquel te Jehová, ya me yich' milel.

Levítico 27:21

Te c'alal ya xhil ta libre ta yorahil te ha'bil yu'un hilel ta libre, ch'ultesbil ya xc'oht te q'uinal ta stojol Jehová, hich te bin ut'il q'uinal te jc'axel ac'bil; ha yu'un te sacerdotehetic ya xc'oht.

Deuteronomio 25:19

Ha yu'un te c'alal Jehová te Dios awu'un la ya'batix acux awo'tan yu'un spisil acontratac ta ajoyobal tey ta q'uinal ya ya'bat ta acuenta yu'un yac awu'untay, jc'axel me xatup'be sc'oblal Amalec ta ye'tal ch'ulchan; ma me xch'ay ta awo'tan.

1 Samuel 15:18

Te Jehová ay bin la sticonat ta spasel, hich la yalbat: Bahan, jc'axel lajina te jmulawiletic ta Amalec, a'beya guerra ha to c'alal yac alajinlan spisilic, xchi.

Josué 7:1

Pero te snich'nab Israel la sta smulic yu'un te bintic parte ac'bil scuenta lajel, como te Acán snich'an Carmi, snich'an Zabdi, snich'an Zera, te ha sts'umbal Judá, la stsac te bin parte ac'bil scuenta lajel; hich tihl yilimba Jehová ta stojol te snich'nab Israel.

Josué 6:26

Ha yorahil a te Josué hich la yal ta jamal: Ma lecuc sc'oblal ya xc'oht ta stojol Jehová te winic te ya scha'pas xan ha'i pueblo Jericó ini. Ta scuenta stojol scuxlejal te sba-nich'an ya me ya'be hahchel te yich'o-ip; ta scuenta stojol scuxlejal te ihts'inal ya me yotsesbe te puertahetic yu'une, xchi.

Números 18:14

Spisil te bintic ay ta Israel te ac'bil ta jtojol, ha'at me awu'un.

Gálatas 3:13

Cristo la scoltayotic loq'uel ta stojol te chopol c'oblalil yu'un te Ley, ha chopol sc'oblal c'oht stuquel ta jcuentatic, (yu'un hich ts'ihbabil: Chopol sc'oblalic spisil mach'atic ya yich'ic johc'anel ta te', xchi),

Gálatas 3:10

Spisil te mach'atic te ayic ta scuenta spasel bin ya yal te Ley, ayic ta scuenta chopol c'oblalil, como hich ts'ihbabil: Chopol sc'oblalic spisil mach'atic ma ba ya spasic spisil bintic ts'ihbabil ta libro yu'un te Ley, xchi.

1 Corintios 16:22

Te mach'a ma ba c'ux ya ya'iy ta yo'tan te Cajwaltic Jesucristo, ihlaybil me ac'a c'ohtuc. Talelix te Cajwaltique.

Romanos 9:3

yu'un co'tanuc te ya xbohlob jc'oblal soc te pihtesbilon yu'un Cristo ta scaj te c'ux ta co'tan te quermanotac, ha te jmohlol-ts'ahquil ta scuenta ch'ich'-baq'uet;

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

Jueces 21:18

Pero te ho'otic ma xhu' ya ca'betic te cantsil-nich'nabtic, como hich calojtic ta jamal: Bohlobuc me sc'oblal te mach'a ya ya'be yihnam te snich'nab Benjamín, xchihic.

Jueces 21:11

Pero hich me yac apasic: ya me amilic spisil winiquetic soc spisil antsetic te ma ach'ixuquix, xchihic.

Jueces 21:5

Hich la sjoc'oyic: Ta spisil te jchahpalchahp Israel ¿mach'atic a te ma ba c'ohtic ta tsoblej ta stojol Jehová? xchihic. Yu'un jc'axel yalojiquix ta jamal te mach'a ma ba ya xc'oht ta stojol Jehová ta Mizpa, ya me xlaj.

Josué 7:25

Te Josué hich la yalbe: ¿Bin yu'un la awac' jwocolcotic? Te Jehová ac'a ya'bat awocol yo'tic, xchi. Hich spisil te snich'nab Israel la sch'ojic ta ton soc la schiq'uic te c'alal laj sch'ojbelic ta ton.

Levítico 27:27

Yan teme chambahlam te bohloben sc'oblal, ya xhu' ya xmanot loq'uel, chican jayeb stojol yac awal, soc jun xan ta yo'ebal a yac atoj. Yan teme ma ba ya xmanot loq'uel, ya yich' chonel, chican jayeb stojol te yac awale.

Levítico 27:29

Mayuc mach'a te parte ac'bil scuenta lajel te ya xhu' ya xmanot loq'uel, ya me yich' milel.

Deuteronomio 7:26

Soc ma me xawich' bahel ta ana te bin ihlaybil, scuenta yu'un ma ba jc'axel ya xbohlob ac'oblal a. Spisil me xap'aj soc xawihlay, como jc'axel bohloben sc'oblal stuquel.

Ezequiel 44:29

Ya me swe'ic te mahtanil harina, te milbil mahtanil scuenta stojel mulil, soc te mahtanil yu'un stahel falta. Spisil te bintic ch'uhltesbilic ta Israel, ha yu'unic.

Ezequiel 48:14

Ma ba ya schonic soc ma ba ya sjelic, ma ba ya xc'ax ta stojol te tsahbil q'uinal ini, como ch'ultesbil yu'un te Jehová.

Levítico 21:22

Ya xhu' ya swe' te we'elil yu'un Dios, te bin mero ch'ultesbil soc te bintic ch'ultesbile.

2 Crónicas 31:14

Te levita Coré snich'an Imna, te jcanan-ti'nahil ta stojol banti ya xloc' tal c'ahc'al, scuentahinej te mahtaniletic yac'ojic ta sc'anojel yo'tanic ta stojol Dios, soc scuentahinej spuquel te mahtaniletic ac'bilic ta stojol Jehová soc te bintic ch'ultesbilique.