Levítico 27:15 - Bible in Tzeltal Bachajón

¹⁵ Pero te mach'a la yac' te sna, teme ya sc'an ya sman xane, ya me yac' jun xan ta yo'ebal a te stojole, hich yu'un ya xc'oht.

Bible in Tzeltal de Oxchuc y Tenejapa

¹⁵ Pero teme ay bi ora ya sc'an ya sujt' xan ta stojol te sna te mach'a la yac' ta jtojol, ya sc'an te ya sc'ases jun xan ta yo'ebal a te bit'il te stojol albilixe, jich me ya xcha'sujt' ta swenta te snae.

Levítico 27:15 Referans Kwoze

Levítico 27:13

Teme ya sc'an ya smambe scolel, ya me yac' jun xan ta yo'ebal a te stojole.

Levítico 27:14

Teme ay mach'a ya ya'be Jehová te sna te hich ch'ultesbil ya xc'oht, te sacerdote ya yal jayeb stojol, teme lec o ma lecuc. Te jayeb stojol ya yal te sacerdote, hich nix ya xhil a.

Levítico 27:16

Teme ay mach'a ya ya'be Jehová j'ohlil te sq'uinale, te stojole ha chican jayeb ya yich' ts'unel tey a: te jun homer cebada ts'unubil, ha lajuneb yoxwinic (50) siclo plata.

Levítico 5:16

Soc ya me stoj te bin stahoj falta a ta stojol te bin ch'ultesbil, soc ya yac' xan jun ta yo'ebal te stojole, ha ya ya'be te sacerdote. Te sacerdote ya spasbe te stojel mulil ta scuenta te tat tuminchij ya yich' aq'uel scuenta milbil mahtanil yu'un stahel falta, hich ya sta perdón a.

Levítico 27:27

Yan teme chambahlam te bohloben sc'oblal, ya xhu' ya xmanot loq'uel, chican jayeb stojol yac awal, soc jun xan ta yo'ebal a yac atoj. Yan teme ma ba ya xmanot loq'uel, ya yich' chonel, chican jayeb stojol te yac awale.