Levítico 26:43 - Bible in Tzeltal Bachajón

⁴³ Pero ya xhil yu'unic te q'uinale, bayel me yutsil te jayeb tiempo ya scux yo'tan, te bin ut'il jochol hilel yu'unic. Ya me yich'ic te castigo yu'un smulic, ta scaj te mayuc sc'oblal ta yo'tanic te mandariletic cu'un soc te la yihlayic te bintic chapal cu'une.

Bible in Tzeltal de Oxchuc y Tenejapa

⁴³ Ja' me ya xjil ta libre awu'unic, bayal me yutsil ya x'ain te jayeb c'aal te ya xcux yo'tan awu'unic, te bit'il ma ba ya xnainex tey a. Ya me atojic te amulique, melel la awilaybonic te bitic chapal cu'un soc te mandaliletic te la ac'axintaybonique.

Levítico 26:43 Referans Kwoze

Romanos 8:7

Como te mach'a ya ya'telin sna'ulanel te bintic scuenta ch'ich'-baq'uet, scontrahinej Dios abi, yu'un ma ba ya yac' sba ta cuentahinel yu'un te Ley yu'un Dios, soc ma ba ya xhu' yu'un;

Levítico 26:15

teme yac ap'ajbonic te bintic caloj ta mandar, teme mayuc sc'oblal ta awo'tanic te bintic chapal cu'un, teme ma ba yac awaq'uic c'ohtuc ta pasel te mandariletic cu'un, teme mayuc ta cuenta ya xc'oht awu'unic te chapbil-c'op cu'une,

San Juan 7:7

Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

Zacarías 11:8

Ta junax u la jloq'ues oxtuhl jcananetic, como c'ax co'tan yu'unic, soc ha'ic nix la yihlayonic.

Amós 5:10

La sp'ajic te jtsitsawetic te ayic ta yochibal te pueblo, soc la yihlayic te mach'a smelelil bin ya yal.

Daniel 9:14

Ha yu'un te Jehová la schahpan te bin chopol, la yac' tal ta jtojolcotic; como te Jehová te Dios cu'untic, stojil ay spisil bintic ya spas, pero ho'otcotic ma ba la jch'uhumbecotic te sc'ope.

Jeremías 31:19

C'alal la jpitix jba, la jsuhtes co'tan; c'alal la jna'ix te ay jmul, la jmajulan jtahn yu'un. Q'uexawon soc pehc'ajon, como la jcuch te q'uexlal yu'un te jqueremil, xchi.

Isaías 26:16

La slehat, Jehová, te c'alal ayic ta wocol a, ta sajsaj-c'op la sc'oponat te c'alal la awac'ticlambe castigo.

Salmos 119:75

Jna'oj, Jehová, te toj bintic achapoj, soc te la awa'bon jwocol ta scuenta te stalel jun awo'tan ta jtojol.

Salmos 119:71

Lec te c'ax jwocol, hich la jnopbat a te halbil mandariletic awu'une.

Salmos 119:67

Te c'alal ma to ba c'axem jwocol a, howiyon, pero yo'tic ya jch'uhumbatix spasel te ac'ope.

Salmos 50:17

Yac ap'aj te tojobtesel cu'un soc yac awac' ta apat te jc'ope.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Job 5:17

Bayel me yutsil te mach'a ya xtojobtesot yu'un Dios; ha yu'un ma me xap'aj te tojobtesel yu'un te Mach'a spisil ya xhu' yu'un.

2 Crónicas 33:12

Pero te c'alal ay ta wocol, la sc'opon te Jehová te Dios yu'un, mero peq'uel la yac' sba ta stojol te Dios yu'un te sme'state.

Levítico 26:41

te ha la jcontrahinic yu'un soc te la cac' ochuquic ta sq'uinal te scontrahic, teme ya spehc'an te yo'tanic te ma ba yich'ojic circuncisión, teme ya sna'ic te ay smulique,

Levítico 26:30

Ya jlajimbeyex te toyol awilaletic awu'unic, ya jimbeyex te scajtajib ta chiq'uel pom awu'unic soc ya jbusambeyex te chamen-abaq'uetalic ta sba te chamen-sbaq'uetal loc'ombahetic awu'unic; ihlaybil ya xc'ohex ta co'tan.

Levítico 26:11

Ya xnahinon ta awohlilic, soc ma ba ya quihlayex ta co'tan.

Deuteronomio 32:36

Te Jehová ya me schahpan te pueblo yu'un, soc ya me sna'be yo'bolil sbahic te a'batetic yu'un c'alal ya yil te lajix yipic, soc te mayuquix hilem a'bat o te mach'a libre aye.

2 Crónicas 36:21

scuenta yu'un ya xc'oht ta pasel te bin yaloj te Jehová ta scuenta Jeremías, ha to c'alal ts'acay te yorahil te ya scux yo'tan te q'uinale. Te q'uinal la scux yo'tan te jayeb ora jihnem, ha to c'alal c'ax te lajuneb schanwinic (70) ha'bil.