Levítico 26:42 - Bible in Tzeltal Bachajón

⁴² hich ya jna' a te jc'op la jchahp soc Jacob, soc te jc'op la jchahp soc Isaac, soc te jc'op la jchahp soc Abraham, soc ya jna' te lumq'uinale.

Bible in Tzeltal de Oxchuc y Tenejapa

⁴² Jich me ora ya jna' te trato cu'un soc Jacob, Isaac, Abraham, soc ya me jna' te lumq'uinal awu'unique.

Levítico 26:42 Referans Kwoze

Ezequiel 16:60

Pero ya me jna' te chapbil-c'op te la jpas ta atojol te c'alal alalat to a, soc ya jpas chapbil-c'op soc ha'at te sbahtel q'uinal ay.

Salmos 106:45

la sna' xan te chapbil-c'op yu'un ta stojolic, hich la sut sc'op ta scaj te bayel sc'uxul yo'tan.

Éxodo 6:5

Soc ca'iybeyejix te yahcanic te snich'nab Israel te ayic ta mosohil yu'un te egipciohetic; soc ay ta co'tan te chapbil-c'op cu'une.

Éxodo 2:24

A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob.

San Lucas 1:72

yu'un ya sc'uxultay te jme'jtatic, soc yu'un sna'el te ch'ul chapbil-c'op yu'une,

Joel 2:18

Te Jehová, te bin ut'il xut'et yo'tan ta scuenta te q'uinal yu'un, ya me sna'be yo'bolil sba te pueblo yu'une.

Salmos 136:23

Te mach'a la sna'otic te c'alal ayotic ta wocol a, como sbahtel q'uinal ay sc'uxul yo'tan;

Deuteronomio 4:31

como ay sc'uxul yo'tan te Jehová te Dios awu'un: ma ba ya yihquitayat, ma ba ya slajinat, soc ma ba ya xch'ay ta yo'tan te chapbil-c'op te jc'axel la yalbe ta jamal te ame'atatique.

Génesis 28:15

Ya joquinat, ya jcanantayat bayuc ya xbahat soc ya quic'at suhtel tal li' ta q'uinal ini; ma ba ya jpihtesat ha to c'alal ya xc'oht ta pasel cu'un spisil te bin la jcalbat, xchi.

Génesis 26:5

te bin ut'il la ya'iybon jc'op te Abraham soc la sch'uhumbon jmandar, la sch'uhun spasel spisil bin la jcalbe, xchi.

Génesis 9:16

C'alal ya xchicnaj te xojob ta yohlil te tocal, ya me quil soc ya me jna' te chapbil-c'op te ma xlaj sc'oblal ta stojol Dios soc ta stojol spisil bintic cuxajtic ta bahlumilal, xchi.

Génesis 9:15

Hich ya jna' a te jc'op la jchap ta atojol soc ta stojol spisil te bintic cuxajtic, ma ba ya xtal xan puhlel te ya slajin spisil te bintic cuxajtique.

Génesis 26:2

Te Jehová la yac' sba ta ilel ta stojol, hich la yalbe: Ma me xcohat bahel ta Egipto, nahinan ta q'uinal banti ya calbat.

Génesis 28:13

Te Jehová teq'uel ta yahc'olal, hich la yal: Ho'on Jehovahon, Dioson yu'un atat Abraham, soc Dioson yu'un Isaac. Te lumq'uinal te banti metselat ya ca'bat aq'uinalin soc ats'umbal.

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Génesis 35:12

Te q'uinal la jca'be te Abraham soc Isaac, ha'at ya ca'bat soc ats'umbal ta patil bahel, xchi.

Jueces 2:1

Te ch'ul a'bat yu'un Jehová loc' tal ta Gilgal, baht ta Boquim, hich la yal: Ho'on la jloq'uesex tal ta Egipto soc la jquiq'uex tal ta q'uinal te la jcalbe ta jamal te ame'atatic te ya ca'be, hich la jcalbe: Mayuc bin ora ya jlajimbe sc'oblal te chapbil-c'op cu'un ta atojolic;

Ester 4:14

Como teme jc'axel ma ba ya xc'opojat yo'tic, yan banti ya xtal te scolel te judiohetic, pero te ha'at soc te mach'atic ay yu'un te atat ya me xlajex. Ha wan scuentahil te ochematix ta ajwalil-ants ta hich ora, xchi.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Deuteronomio 9:27

Na'a me te awa'bat Abraham, Isaac soc Jacob; ma me xawich'be ta cuenta te stulanil yo'tan te pueblo ini soc te sbohlil soc te smule.

Isaías 14:1

Te Jehová ya me sna'be yo'bolil sba te Jacob, ya stsa yan buelta te Israel soc ya yac' ayinuc xan ta sq'uinalic. Ya xjoquinotic yu'un jyanlumetic te junax ya xc'ohtic soc te sts'umbal Jacob.