Levítico 26:41 - Bible in Tzeltal Bachajón

⁴¹ te ha la jcontrahinic yu'un soc te la cac' ochuquic ta sq'uinal te scontrahic, teme ya spehc'an te yo'tanic te ma ba yich'ojic circuncisión, teme ya sna'ic te ay smulique,

Bible in Tzeltal de Oxchuc y Tenejapa

⁴¹ ja' nix jichon ya me jtoy jba ta atojolic, ya me quiq'uex bael ta slum-sq'uinalic te acontroique, tey me ya xc'o spejc'an sba a te stoybail awo'tanic swenta amulic, soc ya me atojic te amulique.

Levítico 26:41 Referans Kwoze

Ezequiel 44:7

La awaq'uic ochel jyanlumetic ta ch'ul awilal cu'un, ha te mach'atic ma ba yich'ojic circuncisión ta yo'tanic soc ta sbaq'uetalic, la abohlobtesbeyic sc'oblal te ch'ul awilal cu'un c'alal yac awa'bonic jmahtanin we'elil, sjuhp'el soc ch'ich', soc la ajimbonic te chapbil-c'op cu'un ta scuenta spisil te bintic ilobtic sba awu'unique.

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

2 Crónicas 32:26

Pero te Ezequías soc te mach'atic nahinemic ta Jerusalén la spehc'an sbahic yu'un te stoybahilic, hich ma ba tal te yilimba Jehová c'alal cuxul te Ezequías.

1 Reyes 21:29

¿La bal awilix te Acab te la spehc'anix sba ta jtojol? Te bin ut'il bic'tajix ta jtojol, ma ba ya cac' taluc wocol te jayeb c'ahc'al cuxul, ha to ya xc'oht ta scuenta te snich'ane, xchi.

Colosenses 2:11

Ha nix ta scuenta te la awich'ic te circuncisión te ma pasbiluc ta c'abal, awich'ojic te circuncisión yu'un Cristo, ha te hilix awu'unic te apoco'-talelic yu'un mulil.

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Ezequiel 20:43

Tey yac ana'ic a te behetic awu'unic soc spisil bintic la apasic te la abohlobtes abahic a; ya me ap'aj abahic ta scaj spisil amulic te la apasique.

Jeremías 6:10

¿Mach'a ya jc'opon soc ya jtsits, yu'un ya ya'iy? Macal schiquinic, ma xhu' ya ya'iyic c'op. Ya xq'uexawic yu'un te sc'op Jehová, mayuc yutsil yo'tanic yu'un.

Deuteronomio 30:6

Te Jehová te Dios awu'un ya ya'bat circuncisión ta awo'tan soc ta yo'tanic te patil al-nich'aniletic awu'un, scuenta yu'un c'ux yac awa'iy ta awo'tan te Jehová te Dios awu'un ta spisil awo'tan soc ta spisil ach'uhlel, scuenta yu'un hich ya xcuxajat a.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

San Lucas 18:14

Ya calbeyex, te winic ini lec ay ta stojol Dios a suht bahel ta sna, ma ha'uc te yane, como mach'ayuc a te ya stoy sba, peq'uel ya x'ac'ot, yan te mach'a peq'uel ya yac' sba, ya xtohybot sc'oblal, xchi.

San Lucas 14:11

Como spisil te mach'a ya yac' sba ta ich'el ta muc', ya me yich' pehc'anel, yan te mach'a peq'uel ya yac' sba, ha me ya xtohytesbot sc'oblal stuquel, xchi.

San Mateo 23:12

Como te mach'a ya stoy sba, ya me yich' pehc'anel, yan te mach'a ya spehc'an sba, ya xtoybot sc'oblal.

Ezequiel 44:9

Hich yaloj te Jehová, te Ajwalil: Mayuc jtuhluc jyanlum te ma ba yich'ojic circuncisión ta yo'tanic soc ta sbaq'uetalic ya xhu' ya x'och ta ch'ul awilal cu'un, ta spisil te jyanlumetic te nahinemic ta yohlil te israeletique.

Ezequiel 6:9

Ha'ex te ya xloq'uex ta ahnel ya me ana'onic ta nacionetic ta banti ya xbahex ta chuquel; como c'ax jwocol ta scaj te ay ta yo'tanic antsiwej te hich la yihquitayonic hilel, soc ta scaj sitic te la st'unic te loc'ombahetic yu'unique. Ha'ic nix ya xq'uexawic ta scaj te bintic chopol la spasic ta scuenta spisil te bintic ilobtic sba yu'unique.

Salmos 39:9

Ch'abon, ma ba la jam que, como ha'at la apas ini.

Nehemías 9:33

Pero te ha'at, toj awo'tan yu'un spisil te bintic c'oht ta jtojolcotic; como toj bin la apas, yan te ho'otcotic chopol bin jpasojcotic.

Esdras 9:15

¡Jehová, Dios yu'un Israel, toj awo'tan! Ay mach'atic cuxul hilel cu'uncotic, hich te bin ut'il ta ora ini. Li' ayotcotic ta atojol soc te jmulcotic, ma spas te ya x'ayinotcotic ta atojol ta scaj te jmulcotic, xchi ta sc'oponel Dios.

Esdras 9:13

Te c'alal c'ax spisil bintic c'oht ta jcuentacotic ta scaj te chopol ca'telcotic soc te muc'ul mulil cu'uncotic, ha'at, Diosat cu'uncotic, ma ba hich la awa'botcotic castigo te bin ut'il te jmulcotic, soc ay mach'atic la awihquitaybotcotic hilel hich te bin ut'il ini.

2 Crónicas 33:23

Pero mayuc bin ora la spehc'an sba ta stojol Jehová, hich te bin ut'il la spehc'an sba te Manasés te state; bayel xan mulil la spas.

2 Crónicas 33:19

Te bin la yal ta sc'oponel Dios soc te bin ut'il a'iybot sc'op yu'un, spisil te smul soc te ma junuc yo'tan, soc te bantic la spasticlan te toyol awilaletic soc te la stehc'an loc'ombahetic yu'un Asera soc yantic loc'ombahetic, te c'alal ma to ba spehc'anej sba a, ha ts'ihbabil hilel ta hun yu'un te jalwanejetique.

2 Crónicas 12:12

Te c'alal la spehc'an sba te Roboam, lahmaj te yilimba Jehová ta stojol, hich ma ba la slajin ta spisil; yu'un ay to bintic lec ta Judá.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Levítico 26:24

ha nix hich ya jcontrahinex, ya jtoybeyex huqueb buelta castigo yu'un te amulique.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Números 5:7

Ya me yal ta jamal te smul spasoj, ts'acal me ya ya'be sjelol te bin la sjin soc ya ya'be jun xan ta yo'ebal te mach'a la sta smul ta stojole.

Deuteronomio 10:16

Pasahic circuncisión ta awo'tanic, ma me xawac' tonobuc xan awo'tanic.

Deuteronomio 31:21

Te c'alal ya xtal bayel swocolic soc mel-o'tan, hich te c'ayoj ya me sjac' ta scuenta testigo ta stojolic, como ya me xtal ta yo'tanic te sts'umbalique. Como nahil jna'ojix te bin ya snop ta yo'tanic, te c'alal ma to ba cac'oj ochel a tey ta q'uinal te jc'axel la jcalbe ta jamal ya ca'beyic, xchi.

Ezequiel 14:23

Ya me yaq'uic te ya xmuc'ub q'uinal awa'iyic te c'alal yac awilic te stalelic soc te ya'telique; hich me yac ana'ic a te ma tojoluc spisil te bintic la jcac' taluc ta stojol, xchi te Jehová, te Ajwalil.