Levítico 26:39 - Bible in Tzeltal Bachajón

³⁹ Te mach'atic hilem awu'unic ya xlaj bahel yipic ta sq'uinal acontrahic ta scaj smulic; soc pajal ya xlaj bahel yipic soc sme'static ta scaj te smulique.

Bible in Tzeltal de Oxchuc y Tenejapa

³⁹ Te mach'atic cuxulic ya xjil ta sq'uinal acontroique, ya me xlajic ta scaj te smul spasojique. Pajal me ya xlajic soc sme'-static ta swenta te smulique.

Levítico 26:39 Referans Kwoze

Ezequiel 4:17

C'alal ya xlaj te pan soc te ha', talel c'axel me ya yil sbahic soc xiwel soc ya me xlajic bahel ta scaj smulic, xchi.

Ezequiel 33:10

Snich'anat winic, halbeya te sna Israel: Hich awalojic te ha'exe: Te jtoybahilcotic soc te jmulcotic ay ta jtojolcotic, soc ha ta scuentahic te yacotic ta ch'ayel bahel, ¿bin ut'il ya xcuxajotic hiche? xchihex.

Ezequiel 24:23

ay me ta ajolic te spohtsil ajolic soc alapoj atepic; ma ba yac amel awo'tanic soc ma ba ya x'oq'uex, pero ya xlajex ta scaj te achopolilic soc talel c'axel ya x'ahcanajex.

Ezequiel 6:9

Ha'ex te ya xloq'uex ta ahnel ya me ana'onic ta nacionetic ta banti ya xbahex ta chuquel; como c'ax jwocol ta scaj te ay ta yo'tanic antsiwej te hich la yihquitayonic hilel, soc ta scaj sitic te la st'unic te loc'ombahetic yu'unique. Ha'ic nix ya xq'uexawic ta scaj te bintic chopol la spasic ta scuenta spisil te bintic ilobtic sba yu'unique.

Deuteronomio 28:65

Ta yohlil te nacionetic ma ba yac acux awo'tan, soc ma ba ya scux yo'tan te stahn awoc. Te Jehová tey ya ya'bat xiwel ta awo'tan, ya xlaj yip asit soc yac amel awo'tan a.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Zacarías 10:9

Aunque la jpucticlan bahel ta yohlil te pueblohetic, aunque namal ayic, ya me sna'onic tey a, ya xcuxajic soc te yal-snich'nabic soc ya suhtic xan talel.

Oseas 5:15

Ya suhton bahel ta banti cawil, ha to c'alal ya sna'ic te smulic soc ya slehbonic jsit quelaw. ¡Te c'alal ay swocolic a ya me slehonic! xchi.

Ezequiel 36:31

Hich yac ana'ic a te achopol talelic soc te awa'telic te ma lecuc, soc ha'ex nix ya xq'uexawex yu'un te amulic soc te bintic ilobtic sba awu'unique.

Ezequiel 20:43

Tey yac ana'ic a te behetic awu'unic soc spisil bintic la apasic te la abohlobtes abahic a; ya me ap'aj abahic ta scaj spisil amulic te la apasique.

Ezequiel 18:19

Teme hich yac ajoc'oyic: ¿Bin yu'un te nich'anil ma ba ya smulimbe smul te stat? teme xchihexe. Melel te nich'anil la spas te bin yich'oj scuentahil soc te bin stojil, la sch'uhun spasel spisil te mandariletic cu'un, ha me ya xcuxaj.

Lamentaciones 4:9

Ha lec xan a te mach'atic lajic ta espada te bin ut'il te mach'atic ya xlajic ta wi'nal, como c'unc'un chamic ta scaj te mayuc sit awal-ts'unubil ta q'uinal.

Jeremías 31:29

Ta hich ora ma hichuc ya yaliquix: Te me'iltatiletic la slo'ic pajal ts'usub, te snich'nabic sijub yehic yu'un, te xchihique.

Jeremías 29:12

Hich ya xtal ac'opononic; ya me xtal ac'opononic soc ho'on ya ca'iybeyex ac'opic.

Jeremías 3:25

Ac'a jmehtsan jbahtic ta jq'uexlaltic, ac'a smucotic te pehc'anel cu'untique; como jtahoj jmultic ta stojol Jehová te Dios cu'untic, ho'otic soc te jme'jtatic, c'alal ta jqueremiltic c'alal ora ini, soc ma ba la jch'uhumbetic sc'op te Jehová te Dios cu'untique, xchihic.

Nehemías 1:9

pero teme ya suhtex tal ta jtojol soc teme yac ach'uhumbonic te mandariletic cu'un, teme yac awaq'uic c'ohtuc ta pasele, aunque ya xpuhquex bahel ta sjehch sti'il ch'ulchan, tey ya jtsobex tal a, ya quiq'uex ta lugar te tsahbil cu'un te banti ya cac' nahinuc te jbihile, te xchihate.

Deuteronomio 30:1

Te c'alal c'ohemix ta atojol spisil ini, ha te bendición soc te chopol c'oblalil te la jca'batix atsa, teme yac ana'ulan xan tey ta nacionetic te banti la sch'ojat bahel te Jehová te Dios awu'un,

Deuteronomio 5:9

Ma me xaquejan aba ta stojolic soc ma me xawac' aba ta a'batinel yu'unic, como ho'on Jehovahon te Dioson awu'un xut'et co'tan, ya ca'be castigo yu'un smulic te me'iltatiletic te yal-snich'nabic ta yoxcajal soc ta schancajal te mach'atic ya yil-o'tantayonic,

Números 14:18

Te Jehová ma orahuc ya x'ilin soc ay bayel sc'uxul yo'tan, ya spas perdón yu'un mulil soc toybahil, pero xuht' ma xyal te mayuc smul te mach'a ay smul, soc te smul te me'iltatiletic ya yac' c'ohtuc ta stojol te yal-snich'nabic c'alal ta yoxcajal soc schancajal, te xchihate.

Éxodo 34:7

ay sc'uxul yo'tan ta stojol bayel ta mil, ya spas perdón yu'un te bin chopol, te toybahil, soc te mulile; pero ma ba ya yal te mayuc smul te mach'a ay smul, ha ya ya'be stoj smul te me'iltatiletic te yal-snich'nabic soc smamatac c'alal ta yoxcajal soc schancajal te sts'umbalique, xchi.

Isaías 14:21

Chahpana jmilaw yu'un te yal-snich'nab ta scaj smul te sme'statique; ma me xhahchic, ma me xyich'ic te q'uinal, soc ma me snojesic ta pueblohetic te bahlumilale.

Isaías 24:16

C'alal ta sti'il bahlumilal ya ca'iytic c'ayoj te hich ya yal: ¡Ay yutsil sc'oblal te mach'a toj yo'tan! xchi. Hich la jcal: ¡Ay me jwocol, ay me jwocol, ay yo'bolil jba! Te j'ac'awetic ta c'abal ya x'ac'awanic ta c'abal, ta scuenta schopolilic ya x'ac'awanic ta c'abal, xchihon.

Lamentaciones 1:3

Ic'ot bahel ta chuquel te Judá, ay swocol soc ay ta tulan mosohil; nahinemix ta yohlil te nacionetic, ma sta banti ya scux yo'tan. Spisil te jnutsawetic yu'un la stahic c'ohel ta yorahil swocol.

Deuteronomio 8:20

Hich te bin ut'il Jehová ya slajinlan te nacionetic ta atojolic, ha nix hich ya xlajex, ta scaj te ma ba la ach'uhumbeyic sc'op te Jehová te Dios awu'unique.

2 Crónicas 34:24

te hich ya yal te Jehová: Ya cac' taluc wocol ta stojol te lugar ini, ha spisil bintic chopol sc'oblal te ts'ihbabil hilel ta libro te la yich' ilel ta stojol te ajwalil yu'un Judá;

Esdras 9:7

C'alal ta yorahil te jme'jtatcotic ha to c'alal ora yo'tic bayel te jmulcotic. Ta scaj te jmulcotic, te ho'otcotic soc te ajwaliletic soc sacerdotehetic cu'uncotic ac'otcotic ta sc'ab te ajwaliletic ta yantic nacionetic, ac'otcotic ta lajel ta espada, ta chuquel, ta elc'anel soc ta q'uexlal, hich te bin ut'il ta ora ini.