Levítico 26:36 - Bible in Tzeltal Bachajón

³⁶ Te mach'atic hilem awu'unic, ya cac' taluc xiwel ta yo'tanic tey ta sq'uinalic te scontrahique; nutsbil ya ya'iy yu'un teme ya ya'iybe sc'op ya'binal te' tembil ta ic', ya me xloq'uic ta ahnel hich te bin ut'il tembilic ta espada ya ya'iyic, soc ya xyahlic aunque mayuc mach'a nutsbilic yu'un.

Bible in Tzeltal de Oxchuc y Tenejapa

³⁶ “Te ja'exe, teme ay to cuxulex jilel tey ta slumal te acontroique, ya me cac' taluc xiwel ta awo'tanic. Manchuc me jun nax yabenal te' xchajlujet ya xc'ot ta lum te c'alal ya xyal coele, ya me axi'ic. Ya me xloq'uex ta anel, jich te bit'il tenbilex ta puñal ya awaiyique.

Levítico 26:36 Referans Kwoze

Ezequiel 21:7

Te c'alal hich ya sjoc'obat: ¿Bin yu'un ya x'ahcanajat? te xchihique, hich yac awal: Ta scaj te c'op te ya xtale. C'alal ya xtal ya xlaj yip spisil yo'tanic soc ya xlaj yip spisil sc'abic, spisil ya me smel yo'tanic yu'un soc ya xlaj yip sjol yacanic hich te bin ut'il ha'. Ya xtalix, ya xc'ohtix ta pasel, xchi te Jehová, te Ajwalil.

Isaías 30:17

Jmil ta tuhl ya x'ahnex bahel ta scuenta jtuhl nax te ya xiwteswan; ya x'ahnex bahel apisilic ta scuenta ho'tuhl te ya xiwteswanic, ha to c'alal hich ya xhilex te bin ut'il uhnen te' ta ba wits, hich te bin ut'il bandera ta ba tsehl.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Ezequiel 21:15

scuenta yu'un ya xlaj yip yo'tan soc ya xlaj bayelic. Ta spisil te ochibaletic yu'unic cac'oj xiwel yu'un te espada. ¡Ah! chapalix yu'un ya xtihl soc chapalix yu'un ya xmilawan.

Ezequiel 21:12

Snich'anat winic, awonan soc oc'an, como ha sc'oblal te pueblo cu'un, ha sc'oblal spisil te jcuentahinwanejetic yu'un Israel: pajal ya xyahlic ta espada soc te pueblo cu'une. ¡Majulana awa' yu'un!

Isaías 7:4

hich me xawalbe: Tsahtaya aba soc lamaluc q'uinal yac awa'iy; ma me xiwat, ma me xnihc awo'tan yu'un te cheb xutunte' ini te xtomet sch'ahilel, yu'un te sc'ahc'al yilimba te Rezín soc te Siria soc te snich'an Remalías.

Isaías 7:2

C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Proverbios 28:1

Te mach'a chopol yo'tan ya x'ahn bahel aunque mayuc mach'a ya xnutsot yu'un; yan te mach'a toj yo'tan, jun yo'tan ay hich te bin ut'il choj.

2 Crónicas 14:14

Soc la ya'beyic guerra spisil te pueblohetic ta sjoyobal Gerar, yu'un c'oht ta stojolic te xiwel yu'un Jehová. La spojbeyic sbiluc spisil te pueblohetic, yu'un ay bayel biluquetic tey a.

1 Samuel 17:24

Spisil te winiquetic yu'un Israel te ya yilic te winique, ya x'ahnic loq'uel ta stojol soc ya xiwic yu'un.

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Deuteronomio 1:44

Pero loq'uic tal stahex te amorreohetic te nahinemic tey ta witsiltic, la snutsex bahel hich te bin ut'il ya spas xux, la stsalex bahel ta Seir c'alal ta Horma.

Génesis 35:5

C'alal hahchic ta behel, tal tulan xiwel yu'un Dios ta stojol te pueblohetic ta sjoyobalic, hich ma ba la snutsic te snich'nab Jacob.

Génesis 4:12

Te c'alal yac achahpan te lumq'uinal, ma ba ya ya'batix te bintic ya xcol tey a; ha jbehyomat soc jyanlumat ya xc'axat ta q'uinal, xchi sc'oblal.

Levítico 26:35

Te jayeb tiempo jihnem ya xhil, ya scux yo'tan yu'un te jayeb tiempo ma ba la scux yo'tan te c'alal nahinex tey a.

Josué 7:5

Te mach'atic ayic ta Hai la smilic waclajuneb scha'winic (36) winiquetic, la snutsic bahel c'alal ta yochibal te pueblo ha to c'alal ta Sebarim, la slajinic ta banti cohel bahel. Hich laj yip yo'tanic te israeletic, hich c'oht yo'tanic te bin ut'il ha'.

Job 13:25

¿Ya bal awuts'in te ya'binal te' lichbil ta ic', ya bal anuts taquin ac?

Salmos 53:5

Tey tsacotic ta tulan xiwel ta banti mayuc xiwel, como Dios la spucbe sbaquel te mach'atic la scontrahinat. La awac' te ya xq'uexawic como ch'ayotic hilel yu'un te Diose.

Jeremías 37:10

Aunque yac atsalic spisil te soldadohetic yu'un te caldeohetic te yac ta yaq'uel guerra ta atojolic, teme ha xanix ya xhilic te mach'atic ehchenajemic, ta jujutuhl ya me xhahchic tal ta snahilpaq'uic, ya me ya'beyic sc'ahc'al te pueblo ini, xchi.

Jeremías 46:16

Bayel buelta yahlic, jujutuhl yahl ta sba te yane; hich la yalic: ¡Hahchan! suhtucotic bahel ta jlumaltic, ta banti ayinotic, ahnucotic bahel ta stojol te espada te ya xtsalawan, xchihic.

Lamentaciones 1:3

Ic'ot bahel ta chuquel te Judá, ay swocol soc ay ta tulan mosohil; nahinemix ta yohlil te nacionetic, ma sta banti ya scux yo'tan. Spisil te jnutsawetic yu'un la stahic c'ohel ta yorahil swocol.

Lamentaciones 1:6

Ch'ay spisil st'ujbilal te yantsil-nich'an Sión; te príncipaletic yu'un hich c'ohemic te bin ut'il ha'mal chijetic te ma ba ya sta swe'elic; mayuc yipic a ahnic bahel ta stojol te mach'atic nutsotic yu'unique.

Lamentaciones 4:19

Te jnutsawal cu'untic c'ax hich ya x'ahnimajic a te bin ut'il jxic ya xwihl ta ch'ulchan; la snutsotic ta witsiltic, la smacliyotic ta jochol taquin q'uinal.

Salmos 53:6

¡Ha'uc ya xloc' tal ta wits Sión te scolel te Israel! Te bin ora Dios ya suhtes tal ta chuquel te pueblo yu'une, stse'el me yo'tan Jacob soc bayel me yutsil yo'tan Israel yu'un.

Salmos 89:43

La alajimbe ye te espada yu'un, ma ba la acoltay ta guerra.

Oseas 8:3

Pero te Israel la sp'aj te bin lec, ya xnutsot yu'un scontra.