Levítico 26:33 - Bible in Tzeltal Bachajón

³³ Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Bible in Tzeltal de Oxchuc y Tenejapa

³³ Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Levítico 26:33 Referans Kwoze

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.

Ezequiel 20:23

Soc la jach jc'ab ta jochol taquin q'uinal, la jcalbe ta jamal te ya jpucticlan bahel ta yohlil te nacionetic soc ta yohlil te q'uinaletic,

Deuteronomio 4:27

Te Jehová ya me spuquex bahel ta yantic pueblohetic, soc ma me ayuc bayel ya xhilex ta nacionetic te banti ya yiq'uex bahel te Jehová.

Ezequiel 22:15

Ya jpuquex bahel ta yohlil te nacionetic, ya jpuquex bahel ta yantic q'uinaletic, soc ya jloq'ues ta awohlil te bohlobtesel awu'une.

Salmos 44:11

La awac'otiquix ta lajel hich te bin ut'il tuminchijetic soc la apucotcotic bahel ta stojol te nacionetique.

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

Lamentaciones 4:15

¡Q'ueja abahic! ¡Bohloben ac'oblalic! xchi sc'oblalic ta awtayel. Loc'anic, loc'anic, ma me xapiquic, xchi sc'oblalic. Hich ahnic loq'uel, puhquic bahel. Hich la yich' halel ta yohlil te nacionetic: Ma xhu' ya x'ayiniquix li'i, xchihic. Mayuc ta stojol te Diose.

Jeremías 9:16

Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.

Lamentaciones 1:3

Ic'ot bahel ta chuquel te Judá, ay swocol soc ay ta tulan mosohil; nahinemix ta yohlil te nacionetic, ma sta banti ya scux yo'tan. Spisil te jnutsawetic yu'un la stahic c'ohel ta yorahil swocol.

Santiago 1:1

Santiago, ya'bat te Dios soc te Cajwaltic Jesucristo, ya jpatbeyex awo'tanic te lajchaychahp sts'umbal Israel te puhquemex ta bayuc.

2 Crónicas 7:19

Yan teme ya suhtex ta apatic, teme yac awihquitayic hilel te chahpambil mandariletic soc te mandariletic cu'un te la jca'beyex ta atojolic, teme yac awac' abahic ta a'batinel yu'un yantic diosetic, soc teme yac ach'uhuntayique,

Nehemías 1:8

Na'a me te bin la awalbe te awa'bat Moisés, te hich la awal: Teme yac ata amulic ya me jpuquex bahel ta pueblohetic,

Salmos 106:27

soc ya yac' yahluquic te sts'umbalic ta yohlil te nacionetic soc ya spucticlan bahel ta yantic q'uinaletic.

Isaías 1:7

Jihnemix te aq'uinal, lajic ta chiq'uel te pueblohetic awu'unic; ta asitic la swe'beyex te ts'unub awawalic te jyanlumetic, jihnem, hich te bin ya yich' jinel yu'un jyanlumetic.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Jeremías 13:24

Ha yu'un ya jpuquex bahel ta ic' te ya xtal ta jochol taquin q'uinal hich te bin ut'il suhlil trigo te ya xc'ax bahele.

Jeremías 15:4

Ya cac' te xiweltic sba ya xc'ohtic ta stojol te nacionetic ta q'uinal ta scaj te bin la spasic ta Jerusalén te Manasés snich'an Ezequías, ajwalil yu'un Judá.

Jeremías 31:10

A'iybeya awa'iyic te sc'op Jehová, nacionetic, halbeyahic sc'oblal ta sti'il mar te namal ayic: Te mach'a la spuc bahel te Israel ya stsob tal soc ya scanantay, hich te bin ut'il te jcanan ya scanantay te jtsohb tuminchijetic yu'une, xchihex me.

Ezequiel 5:2

C'alal ya sts'acay te joytayel ta guerra, chic'a ta yohlil te pueblo jun ta yoxebal te stsotsel ajol. Ich'a jun xan ta yoxebal, set'ticlana ta espada ta sjoyobal te pueblo. Te jun xan ta yoxebal puca bahel ta ic', ho'on ya jloq'ues te espada ta sna, ya jnuts bahel a.

Amós 9:4

Teme ya x'ic'otic bahel ta chuquel yu'un te scontratac, tey ya jticon bahel a te espada te ya xmilotic yu'un. Ya cac' jsit ta stojolic yu'un ya jpasbe te bin ma lecuc, ma ha'uc te bin leque.

1 Reyes 8:46

Te c'alal ya sta smulic ta atojol, (como mayuc mach'a ma sta smul), teme ilinat ta stojolic, teme la awac' ta sc'ab te scontra yu'un ya yic' bahel ta chuquel ta sq'uinal te scontra, teme namal o nopol,

2 Reyes 25:9

La schic'be te sna Jehová, te sna ajwalil soc spisil te nahetic ta Jerusalén, spisil te snahic mach'atic ich'bilic ta muc'.

Nehemías 1:3

Hich la yalbonic: Te mach'atic te hilemic, te colemic tal ta chuquel, te ayic ta sq'uinal Judea, ay swocolic soc ayic ta q'uexlal. Te sts'ahcul te Jerusalén jihnem, lajem ta c'ahc' te puertahetic yu'une, xchihic.

Ester 3:8

Te Amán hich la yalbe te ajwalil Asuero: Ay jun pueblo te puhquemic ta yohlil te pueblohetic ta spisil ta jujusehp q'uinal te ban c'alal acuentahinej, te leyetic yu'unic ma pajaluc soc te leyetic yu'un te yantic pueblohetic, soc ma ba ya sch'uhunic spasel te leyetic yu'un te ajwalil. Mayuc bin ya xtuhun yu'un te ajwalil teme cuxul ya xhilic.

Salmos 44:12

C'ax peq'uel la achon te pueblo awu'un, ¡mayuc bin loc' awu'un a!

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Jeremías 8:3

Ya slehic slajelic, ma ha'uc scuxlejalic, spisil te mach'atic cuxul ya xhilic yu'un te jcaj ts'umbalil ini te chopol yo'tanic, ta spisil banti ya jpucticlan bahel, xchi te Jehová te scuentahinej spisil.

Lamentaciones 1:1

¡Mero stuquel hil te Jerusalén, te nojel ta ants-winiquetic ta nahil to! Te mach'a muc' ta yohlil te nacionetic hich c'ohem te bin ut'il me'ba' ants; te ants ich'bil ta cuenta ta jsehpelsehp q'uinal ochix ta mosohil.

Lamentaciones 4:16

Ha nix te Jehová te la spucticlan bahel, ma ba ya yilix xan; ma ba ich'otic ta muc' te sacerdotehetic, ma ba na'bot yo'bolil sbahic te mamaletique.

Ezequiel 12:20

Te pueblohetic te ay mach'atic nahinemic tey a jimbil ya xhilic soc jochol ya xhil te q'uinale. Ya me ana'ic te ho'on Jehovahon, xchi.

Oseas 9:6

Bahtic ta scaj te jinele; ha ya x'ic'otic yu'un Egipto, ya xmucotic yu'un Menfis. Ya x'u'untayotic yu'un ch'ix te bintic pasbilic ta plata yu'unic, soc ya xcol ch'ixetic ta snahic.