Levítico 26:32 - Bible in Tzeltal Bachajón

³² Ya jin te lumq'uinal, mero xcham yo'tanic yu'un te acontratac te ya xnahinic tey a.

Bible in Tzeltal de Oxchuc y Tenejapa

³² “Ya me jlajinbeyex te alum-aq'uinalic, te acontroic te ya xtalic ta nainel tey a, yan nax q'uinal ya yaiyic yu'un.

Levítico 26:32 Referans Kwoze

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Jeremías 25:11

Spisil te q'uinal ini ya xc'atp'uj ta jimbil q'uinal; soc te nacionetic ini ya me yac' sbahic ta a'batinel ta stojol te ajwalil yu'un Babilonia lajuneb schanwinic (70) ha'bil.

Jeremías 19:8

Ya cac' te xiweltic sba ya xc'oht te pueblo ini soc te ya xlabanot. Spisil te mach'atic ya xc'axic tey a xcham yo'tanic yu'un soc ya slabanic ta scaj spisil te jinel yu'une.

Jeremías 18:16

La sutp'inic ta jochol q'uinal te sq'uinalic, te labambil spisil ora. Spisil mach'atic ya xc'axic tey a xcham yo'tanic yu'un, ya sjimulan sjolic yu'un.

Ezequiel 5:15

Ya me awich' labanel, tse'layel, tulan nohptesel soc xiweltic sba ta stojol te nacionetic ta ajoyobal, te c'alal ya ca'bat castigo soc sc'ahc'al co'tan soc quilimba soc tulan tsitsel. Ho'on Jehovahon hich caloj.

Jeremías 25:18

ta Jerusalén, ta pueblohetic yu'un Judá, ta stojol te ajwaliletic soc te príncipaletic yu'une, scuenta yu'un jimbil soc jochol ya xc'ohtic, ya yich'ic tse'layel, labanel, soc halel ma lecuc sc'oblalic, hich te bin ut'il ta ora ini.

1 Reyes 9:8

Te Na ini te ich'bil ta muc', spisil te mach'atic ya xc'axic tey a, xcham yo'tanic yu'un soc ya me slabanic soc hich me ya yalic: ¿Bin yu'un te hich la spas te Jehová ta stojol te q'uinal soc te Na ini? xchihic me.

Deuteronomio 28:37

Xiweltic aba ya x'ilotat soc tsahbil-c'op soc labanel ya yalic ta acuenta ta spisil te pueblohetic banti ya yic'at bahel te Jehová.

San Lucas 21:20

Pero te c'alal yac awilic te joytaybilix yu'un soldadohetic te Jerusalén, na'ahic me te la stahix yorahil te ya yich' jinel.

Habacuc 3:17

Aunque ma xnichin te higuera, soc mayuc sit te ts'usubiletic, aunque ma xyac' sit te olivo, soc mayuc bin ya yac' te chahpambil q'uinal, aunque mayuquix tuminchijetic ta stsobojibal yu'unic, soc mayuc wacaxetic ta corral,

Daniel 9:18

Ac'a achiquin a, Dios cu'un, a'iya awa'iy; jama asit, ilawil te jinel cu'uncotic soc te muc'ul pueblo te yich'oj te abihile. Ma yu'unuc te ay bin ya jc'ambatcotic ta scaj te toj bin ya jpascotic, pero ta scaj bayel sc'uxul awo'tan.

Daniel 9:2

ta shahchibal ha'bil yochel ta ajwalil a, ho'on Daniel, la jquil ta hunetic te bin halbot yu'un Jehová te Jeremías te jayeb ha'bil te ya xhalaj te jinel yu'un Jerusalén, ha lajuneb schanwinic (70) ha'bil.

Lamentaciones 5:18

ta scaj te wits Sión te jochol hilem, soc ya xbehenix waxetic tey a.

Lamentaciones 4:12

Te ajwaliletic ta q'uinal soc spisil te mach'atic nahinemic ta bahlumilal ma ba la sch'uhunic te ya x'ochic ta ochibaletic yu'un Jerusalén te scontrataque.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Jeremías 44:2

Hich yaloj te Jehová te scuentahinej spisil, te Dios yu'un Israel: Awilojic spisil te bintic chopol la jquich' tal ta stojol Jerusalén soc spisil te pueblohetic yu'un Judá. Yo'tic jihnemiquix, mayuc mach'a nahinemic tey a

Jeremías 25:38

Hich loc' tal te bin ut'il choj ta sch'en, jc'axel jihn te q'uinal yu'unic ta scaj yilimba te j'uts'inwanej, ta scaj sc'ahc'al te yilimbahe.

Isaías 64:10

Jochol taquin q'uinal c'ohem te ch'ul pueblohetic awu'un, te Sión ha jochol taquin q'uinal, te Jerusalén jc'axel jihnemix.

Isaías 24:1

Ilawil, te Jehová ya sjohchobtes te lumq'uinal, mayuc bin ya xhil yu'un; ya syanijtesbe te sba te q'uinal soc ya spucticlan bahel te mach'atic nahinemic tey a.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Isaías 5:9

Te Jehová te scuentahinej spisil la yalbon ca'iy ta jchiquin te ya me yich'ic jinel bayel nahetic, mayuc yajwal ya xhil te muc'ul nahetic soc t'ujbil nahetic.

Isaías 5:6

Ya cac' te jochol taquin q'uinal ya xc'oht; ma ba ya yich' c'abayel o aq'uintayel, ya xcol ch'ixetic soc ha'maletic tey a. Ya jpas ta mandar te tocaletic te ma me xyaq'uic ha'al ta stojol.

Jeremías 12:11

Jochol taquin q'uinal c'ohem, jochol hil, la yoq'uetay sba ta jtojol. Spisil te q'uinal jochol hil, mayuc mach'a ay sc'oblal yu'un.

Jeremías 33:10

Hich yaloj te Jehová: Ta lugar ini te yac awalic te ha jochol q'uinal, te mayuc ants-winiquetic o chambahlametic, ya me schicnaj ta pueblohetic yu'un Judá soc ta callehetic ta Jerusalén te jochol, te mayuc mach'a nahinem tey a, ni ants-winiquetic ni chambahlametic,