Levítico 26:30 - Bible in Tzeltal Bachajón

³⁰ Ya jlajimbeyex te toyol awilaletic awu'unic, ya jimbeyex te scajtajib ta chiq'uel pom awu'unic soc ya jbusambeyex te chamen-abaq'uetalic ta sba te chamen-sbaq'uetal loc'ombahetic awu'unic; ihlaybil ya xc'ohex ta co'tan.

Bible in Tzeltal de Oxchuc y Tenejapa

³⁰ Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

Levítico 26:30 Referans Kwoze

2 Reyes 23:20

Soc la smilticlan ta sba te scajtajib ta chiq'uel mahtaniletic spisil te sacerdotehetic yu'un te toyol awilaletic te tey ayic a. La schic'ticlambe sbaquel ants-winiquetic ta sba. Patil suht bahel ta Jerusalén.

Isaías 27:9

Hich ya xpasbot perdón yu'un smul te Jacob, soc ha ini ha spisil te sit yu'un te ya yich' loq'uesel te smule: Ha te spisil te tonetic yu'un te scajtajib ta chiq'uel mahtanil hich ya xc'oht te bin ut'il tonetic yu'un tan te juch'ticlambilic, soc te ma ba teq'uelix ya xhil te loc'ombahetic yu'un Asera o te loc'ombahetic yu'un te c'ahc'ale.

Ezequiel 6:13

Ya me ana'ic te ho'on Jehovahon, c'alal limilic te schamen baq'uetalic ta yohlil te loc'ombahetic yu'unic, ta sjoyobal te scajtajib ta chiq'uel mahtanil yu'unic, ta spisil te toyol tsehletic, ta spisil te ba witsetic, ta ye'tal spisil te'etic te pimic ya'binal, soc ta ye'tal spisil jihte'etic te bayel sc'abc'ab, ha te banti la schic'beyic pom te loc'ombahetic yu'unique.

Jeremías 14:19

¿Jc'axel bal ach'ayoj bahel te Judá? ¿Ap'ajoj bal te Sión? ¿Bin yu'un la awehchentesotcotic scuenta yu'un ma xhu' ya xlecubotcotic? La jmahliycotic lamal q'uinal, pero mayuc bin lec la jtahcotic. La jmahliycotic yorahil poxtayel, pero ha nax ay tulan xiwel.

Salmos 89:38

Pero ha'at la ach'ayix, la awihlayix te mach'a tsahbil awu'un, ilinemat ta stojol.

2 Crónicas 31:1

C'alal laj ta pasel ini, spisil te israeletic te tey ayic a bahtic ta pueblohetic yu'un Judá, la swuyic te ch'ultesbil tonetic, la sjinticlanic te loc'ombahetic yu'un Asera, te toyol awilaletic soc te scajtahib ta chiq'uel mahtaniletic ta spisil sq'uinal Judá soc Benjamín, soc nix ta Efraín soc Manasés, ha to c'alal laj spisil. Patil suhtic bahel spisil te israeletic ta pueblohetic yu'unic, jujutuhl ta sq'uinalic.

2 Crónicas 23:17

Ta patil spisil te pueblo bahtic ta templo yu'un Baal, la sjinic cohel; soc la sjinic te scajtajib ta chiq'uel mahtaniletic yu'un, la swuyic te loc'ombahetic soc la smilic ta stojol te scajtajib ta chiq'uel mahtaniletic te Matán sacerdote yu'un Baal.

2 Reyes 23:16

Te Josías, c'alal la suht sba yil te muquenaletic te tey nix ayic ta tut wits, la sticon ta loq'ueslanel te baquetic te ayic ta muquenaletic, la schic'ticlan ta sba te scajtajib ta chiq'uel mahtanil yu'un ya sbohlobtesbe sc'oblal, hich te bin ut'il te sc'op Jehová te yal te winic yu'un Dios te ya xc'oht ta pasele.

2 Reyes 23:8

La yic' tal spisil te sacerdotehetic ta pueblohetic yu'un Judá soc la sbohlobtesbe sc'oblal te toyol awilaletic c'alal ta Geba ha to ta Beerseba, te banti la schiq'uic pom te sacerdotehetique. La sjinticlan te scajtajib ta chiq'uel mahtaniletic yu'un yantic diosetic te ayic ta ochibal yu'un Josué te gobernador yu'un te pueblo, te ay ta q'uexam yu'un te yochibal te pueblo.

1 Reyes 13:2

Ta scuenta smandar Jehová tulan c'opoj ta scontrahinel te scajtajib ta chiq'uel pom, hich la yal: Scajtajib, scajtajib ta chiq'uel pom, hich ya yalbat te Jehová: Ta sts'umbal David ya x'ayin jtuhl querem Josías sbihil, ha me ya smilticlan ta aba te sacerdotehetic yu'un te toyol awilaletic te ya schiq'uic pom ta aba, soc ta aba ya yich' schiq'uel sbaquel winiquetic, xchi te Jehová, xchi.

Levítico 26:15

teme yac ap'ajbonic te bintic caloj ta mandar, teme mayuc sc'oblal ta awo'tanic te bintic chapal cu'un, teme ma ba yac awaq'uic c'ohtuc ta pasel te mandariletic cu'un, teme mayuc ta cuenta ya xc'oht awu'unic te chapbil-c'op cu'une,

Levítico 26:11

Ya xnahinon ta awohlilic, soc ma ba ya quihlayex ta co'tan.

Levítico 20:23

Ma me xapasic te bin ya spasic te nacionetic ya jtenticlan loq'uel ta atojolic; como ha'ic la spasic spisil ini, hich ihlaybil c'ohtic cu'un.

Génesis 19:13

yu'un ya me jlajincotic te lugar ini, como bayel c'opetic ta scontra te yajwal te pueblo ini te c'ohtix ta stojol Jehová; ha yu'un te Jehová la sticonotcotic talel ta slajinel, xchihic.

Deuteronomio 32:19

La yil te Jehová, tihl hahchel yilimba, tijbot hahchel yilimba yu'un te ach'ix queremetic yu'une.

1 Reyes 13:32

Como ya me xc'oht ta pasel te bin la yal ta scuenta smandar te Jehová ta scontrahinel te scajtajib ta chiq'uel pom ta Bet-el soc ta scontrahinel spisil te nahetic ta toyol awilaletic te ayic ta pueblohetic ta Samaria, xchi.

Salmos 106:40

Ha yu'un tihl yilimba te Jehová ta stojol te pueblo yu'un, la sp'aj te bin ay yu'une;

Ezequiel 43:7

Hich la yal: Snich'anat winic, ha yawil te huctajibal cu'un ini, te banti ya cac' te coc, te banti ya xnahinon ta yohlil te israeletic sbahtel q'uinal. Te sna Israel o te ajwaliletic yu'un ma ba ya sbohlobtesboniquix sc'oblal te jch'ul bihil ta scuenta te antsinel yu'unic soc te schamen baq'uetetic yu'un te ajwaliletic yu'unic ta toyol awilaletic.

Amós 6:8

Te Jehová yaloj ta jamal ta scuenta stuquel, te Jehová, te Dios te scuentahinej spisil, hich yaloj: Ya quihlay te ya scuy sba ta muc' te Jacob, ya jp'aj te t'ujbil muc'ul nahetic yu'une; ya cac' ta c'abal te muc'ul pueblo soc spisil te bintic ay tey a, xchi.

Amós 7:9

Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Jeremías 16:18

Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

Ezequiel 16:39

Ya cac'at ta sc'abic, ya me slajinic te toyol awilaletic awu'un soc ya me sbusq'uinic cohel te scajtajib ta chiq'uel mahtaniletic awu'une. Ya me spojbat ac'u' apac', ya me yich'bat at'ujbil ch'ahlelaletic soc watal ya xhilat yu'unic.

Oseas 10:2

Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.