Levítico 26:28 - Bible in Tzeltal Bachajón

²⁸ ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Bible in Tzeltal de Oxchuc y Tenejapa

²⁸ ja' ni me jich tulan ya cac' jba ta atojolic uuc, buen ilinemon me a ya cac'beyex castigo juqueb xan buelta yu'un.

Levítico 26:28 Referans Kwoze

Isaías 59:18

Ha chican bintic spasojic, hich ya ya'be stojic: ha ya yilintay te scontratac, soc ya ya'be spacol te mach'atic ya xcontrahinot yu'unic, ¡Ya me ya'be stoj te mach'atic nahinemic ta ti'ti'mar!

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

Ezequiel 5:15

Ya me awich' labanel, tse'layel, tulan nohptesel soc xiweltic sba ta stojol te nacionetic ta ajoyobal, te c'alal ya ca'bat castigo soc sc'ahc'al co'tan soc quilimba soc tulan tsitsel. Ho'on Jehovahon hich caloj.

Ezequiel 5:13

Hich ya xlaj te quilimba, ya cac' c'ohtuc ta stojolic te sc'ahc'al co'tan, hich ya xlahmaj a. Hich me ya sna'ic a te ho'on Jehovahon c'opojonix soc xut'et co'tan, c'alal ya jts'acaytes ta stojolic te quilimbahe.

Jeremías 21:5

Ho'on jachoj jc'ab ta ya'beyelex guerra soc yip jc'ab, soc quilimba soc smuc'ul sc'ahc'al co'tan.

Isaías 66:15

Como ilawil, te Jehová ya xtal soc c'ahc', te carretahetic yu'un hich ayic te bin ut'il sutu-ic', yu'un ya yac' tal sc'ahc'al te yilimba, soc ya xtal soc yat c'ahc' te utel yu'une.

Isaías 63:3

Jtuquel jts'o'oj ta teq'uel ta sp'e'ojibal; mayuc mach'atic ta pueblohetic te sjoquinejonic. La jts'o' ta teq'uel soc quilimba, la jtenticlan soc sc'ahc'al co'tan; te sch'ich'el la sts'itbon a te jc'u' jpac', hich la yatin spisil te jc'u'e.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Nahúm 1:2

Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Isaías 27:4

Ma ba ilinemon. Teme ya scontrahinon ta ch'ixileltic soc ch'ixetic, ya xc'axon bahel tey a, jc'axel ya jchic'ticlan.

Levítico 26:24

ha nix hich ya jcontrahinex, ya jtoybeyex huqueb buelta castigo yu'un te amulique.

Levítico 26:27

Teme ma to xawa'iybonic te jc'op, teme ya to acontrahinonic,

Levítico 26:41

te ha la jcontrahinic yu'un soc te la cac' ochuquic ta sq'uinal te scontrahic, teme ya spehc'an te yo'tanic te ma ba yich'ojic circuncisión, teme ya sna'ic te ay smulique,

Salmos 79:12

Soc sutbeya spacol huqueb buelta te jpat-xuhcotic yu'un te la spehc'ambat ac'oblal, Jehová.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Lamentaciones 4:11

Te Jehová ts'acal c'oht te yilimba, la smal cohel te sc'ahc'al yo'tan, la ya'be sc'ahc'al te Sión te la slajin c'alal ta yich'o-ip.