Levítico 26:25 - Bible in Tzeltal Bachajón

²⁵ Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

Bible in Tzeltal de Oxchuc y Tenejapa

²⁵ Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

Levítico 26:25 Referans Kwoze

Números 14:12

Ya quehchenteslan ta jmilawal-chamel soc ya jlajinlan; yan te ha'ate jun nación ya xc'ohat cu'un te c'ax hich smuc'ul soc c'ax hich yip a, xchi.

Ezequiel 5:17

Ya jticon bahel ta atojolic wi'nal soc ti'awal chambahlametic, mayuc awal-anich'nabic ya xhilex yu'unic; ya xc'ax ta awohlil jmilawal-chamel soc malel ch'ich', soc ya jticon bahel espada ta atojol. Ho'on Jehovahon calojix, xchi.

Ezequiel 33:2

Snich'anat winic, c'opona te alumal, hich xawalbe: Te c'alal ya cac' tal espada ta q'uinal, soc te ants-winiquetic yu'un te q'uinal ya slehic jtuhl slumal yu'un ya ya'be ya'tel ta il-q'uinal;

Ezequiel 29:8

Ha yu'un hich yaloj te Jehová, te Ajwalil: Ya cac' scontrahinat te espada, soc ya jmilticlambat te ants-winiquetic soc chambahlametic,

Ezequiel 20:37

Ya cac' te ya xc'axex ta ye'tal te bastón, soc ya cac' ya x'ochex ta chucojibal yu'un te chapbil-c'op cu'une;

Ezequiel 14:17

O teme ya cac' taluc espada ta stojol te q'uinal, teme hich ya cal: ¡Espada, c'axan bahel ta q'uinal! teme xchihone, soc teme ya cac' lajuc ants-winiquetic soc chambahlametic tey a,

Ezequiel 6:3

hich xawalbe: ¡Witsetic yu'un Israel, a'iya awa'iyic te sc'op Jehová, te Ajwalile! Te Jehová, te Ajwalil, hich ya yalbe te witsetic, tsehletic, sjuclejetic soc te spamlejtic: Ilawil, ho'on nix ya cac' taluc te espada ta atojolic soc ya jimbeyex te toyol awilaletic awu'unique.

Jeremías 24:10

Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Deuteronomio 32:25

Ta fuera ya me xlajic ta espada, ta yutil nahnatic ya x'ayin xiwel; ya xlajic querem soc ach'ix, chu'alal soc mach'a saquix sjol.

Deuteronomio 28:21

Te Jehová ya me sticombat tal jmilawal-chamel ta atojol ha to c'alal ya slajinat tey ta q'uinal te banti ya x'ochat yu'un yac awu'untay.

San Lucas 21:11

ya xtal tulan nihquel, soc ya xtal wi'nal soc tulan chamel ta bayuc; ya xchicnaj te bintic xiweltic sba soc muc' señahiletic ta ch'ulchan.

Amós 4:10

La jticombeyex tal jmilawal-chamel hich te bin ut'il ta Egipto; la jmil ta espada te queremetic awu'unic, chucotic bahel te acawuhic, la jcac' mohuc ta ani'ic stuhil te campamento awu'unic, pero ma ba suhtex tal ta jtojol yu'un, xchi te Jehová.

Lamentaciones 2:21

Limilic ta callehetic te alaletic soc mamaletic; lajic ta espada te queremetic soc ach'ixetic cu'un. La amajticlan ta yorahil awilimba; la alajinlan, ma ba la ana'be yo'bolil sbahic.

Jeremías 9:16

Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.

Salmos 94:1

Jehová, ha'at Diosat te yac awa'be spacol, ha'at Diosat te yac awa'be spacol, ac'a aba ta ilel.

2 Samuel 24:15

Ha yu'un te Jehová la sticon tal jmilawal-chamel ta stojol Israel ta sab ha to c'alal ts'acay te yorahil halbile. Ta Dan c'alal ta Beerseba chamic waxacpic soc ho'lajunbahc' (70,000) ants-winiquetic.

Deuteronomio 32:41

Te c'alal ya juxbe ye te espada cu'un te mero xlipet soc te ya xhahchon ta stojil chahpanwanej, ya me ca'be spacol te jcontra, soc ya ca'be stojic te mach'atic ya yihlayonique.

Deuteronomio 32:35

Ho'on ay ta jcuenta sutbeyel spacol soc te ya ca'be stoj; ya me sta yorahil te ya xbilts'uj yoc, como nopolix ya xhahch swocolic, ahnimal ya xtal te bin chapal ya yich'ique.

Números 16:49

Te jaytuhl lajic yu'un te jmilawal-chamel, ha jpic soc ho'lajunwinic shuclajunbahc' (14,700) ta tuhl; parte te mach'atic lajic yu'un te la stoy sbahic soc Coré.

Levítico 26:6

Ya cac' lamal q'uinal, soc mayuc mach'a ya xiwtesex c'alal wayalex a; ya cac' loc'uc ta aq'uinalic te chopol chambahlametic, soc ma xc'ax ta aq'uinalic te espadahe.

Números 31:3

Ha yu'un te Moisés la yalbe te pueblo: Ac'a schahpan sbahic winiquetic ta awohlilic yu'un ya ya'beyic guerra te Madián, yu'un ya sutbeyic spacol ta scuenta Jehová te Madián.

Jueces 15:11

C'alal hich la ya'iyic, talic j'ohlil swaxacbahc' (3,000) ta tuhl winiquetic yu'un Judá ta ch'en yu'un te ch'entiquil ta Etam, hich la yalbeyic te Sansón: ¿Yu'un bal ma xana' te ha ajwalil cu'untic te filisteohetique? ¿Bin yu'un hich la apasbotcotic? la yutic. Te Sansón la sjac': La jca'be spacol te bin la spasbonic, xchi.

1 Reyes 8:33

Te c'alal ya xtsalot yu'un scontra te pueblo Israel awu'un ta scaj smulic ta atojol, teme ya suht tal ta atojol soc ya yalic ta jamal te abihil, teme ya sc'oponat soc te ya yalbat wocol li' ta Na ini,

1 Reyes 8:37

Teme ay wi'nal ta q'uinal, o jmilawal-chamel, schamel o stotol awal-ts'unubiletic, muc'ul c'ulubetic o tut c'ulubetic; teme joytaybilix yu'un scontra a ta q'uinal te banti nahinemic, o biluc wocol o chamel te ya xtale,

Jeremías 50:28

Ya xchicnaj sc'op te mach'atic loq'uic ta ahnel ta sq'uinal Babilonia, yu'un ya yalbeyic ta Sión sc'oblal te spacol a'botic yu'un Jehová te Dios cu'untic, te a'botic spacol yu'un te templo yu'une.

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Éxodo 5:3

Hich la sjaq'uic: Te Dios yu'un te hebreohetic tal stahotcotic; ha yu'un ac'awotcotic bahel te oxeb c'ahc'al ya xbehenotcotic ta jochol taquin q'uinal, ya ca'becotic milbil smahtan te Jehová te Dios cu'uncotic, scuenta yu'un ma ba ya xtal ta jtojolcotic soc jmilawal-chamel o espada, xchihic.

2 Reyes 17:3

Te Salmanasar ajwalil yu'un Asiria baht ya'be guerra te Oseas, te ha och ta a'bat yu'un soc la stoj spatan ta stojol.

2 Crónicas 24:24

Aunque mayuc bayel soldadohetic yu'un Siria te talic, a'botic ta sc'abic yu'un Jehová te ipal soldadohetic yu'un Judá, ta scaj te la yihquitayic te Jehová te Dios yu'un te sme'statique. Hich la yich' castigo te Joás.

Isaías 1:20

yan teme ma xac'anic soc teme yac atoy abahique, ya me xlajex ta espada, xchi. Hich yaloj te Jehová.

Isaías 65:12

ho'on ya cac' te ya xlajex ta espada, soc apisilic yac aquejan abahic ta stojol te lajele. Como la jquiq'uex, pero ma ba la ajac'bonic, c'opojon, pero ma ba la awa'iybonic; ha la apasic te bin chopol ta jtojol soc la atsahic te bin ma jmulan, xchi te Jehová.

Jeremías 19:7

Ta lugar ini ya jimbe te bin schapojic te Judá soc te Jerusalén. Ya cac' te ya xlajic ta espada ta stojol te scontratac, ta stojol te mach'atic ya slehbe scuxlejalic. Te schamen baq'uetalic ya cac' ta ti'beyel yu'un te mutetic ya xwihlic ta toyol soc te chambahlametic ta q'uinal.

Oseas 11:6

Ya xc'oht espada ta stojol te pueblohetic yu'unic, ya sjinticlan te tut pueblohetic yu'unique; ha ya sjinticlan ta scaj te bintic schapoj ta yo'tanique.

Habacuc 3:5

Te jmilawal-chamel ya xnahilij bahel ta stojol, soc ta spat te yoc ya xloc' c'ahc'.