Levítico 26:22 - Bible in Tzeltal Bachajón

²² Soc ya jticombeyex tal ta atojolic ti'awal chambahlametic te ya slajimbeyex awal-anich'nabic, te ya smilbeyex awacaxic soc te ya spehc'ambeyex awahtalulic, hich jochol ya xhil te behetic awu'unique.

Bible in Tzeltal de Oxchuc y Tenejapa

²² Ya me jticunbeyex ta atojolic jti'awal ja'mal chambalametic te ya slajinbeyex spisil awal-anich'nabic. Ya me smilbeyex te chambalametic awu'unic, soc ya me spejc'anbeyex awajtalulic, asta ma'yuquix mach'a ya xbeenix ta beetic.

Levítico 26:22 Referans Kwoze

Ezequiel 14:15

Teme ya jticon bahel ti'awal chambahlametic ta sq'uinal yu'un ya smilticlambe te swinquilel, te hich ya xc'atp'uj ta jochol taquin q'uinal, te mayuc mach'a ya xc'ax tey a ta scaj te ti'awal chambahlametic,

Deuteronomio 32:24

Ya xlajic yu'un wi'nal, ya xlajinotic yu'un tulan c'ahc' soc jmilawal-chamel; soc ya jticon sbaquel ye jti'awal chambahlametic ta stojolic, soc veneno yu'un chanetic ayic ta q'uinal.

Jueces 5:6

Ta yorahil te Samgar snich'an Anat, ta yorahil te Jael, jochol hilic te behetic, como te jbeheletic behenic ta chuhcul behetic.

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.

Lamentaciones 1:4

Ayic ta mel-o'tan c'ohem te behetic yu'un Sión, como mayuc mach'a ya xtal ta muc'ul q'uinetic. Jochol spisil te ochibaletic yu'un, ya x'ahcanajic te sacerdotehetic; ayic ta mel-o'tan te ach'ixetic yu'un, mero pich'il yo'tanic.

Isaías 33:8

Te muc'ul behetic jochol ayic, mayuc mach'a ya xbehenic tey a; lajix sc'oblal te chapbil c'op, p'ajbil te pueblohetic, ma xyich' ta cuenta winiquetic.

2 Reyes 17:25

Te c'alal ochic ta nahinel tey a ma ba la yich'ic ta muc' te Jehová, ha yu'un la sticon tal chojetic ta stojolic te ha milotic yu'unic.

Levítico 26:6

Ya cac' lamal q'uinal, soc mayuc mach'a ya xiwtesex c'alal wayalex a; ya cac' loc'uc ta aq'uinalic te chopol chambahlametic, soc ma xc'ax ta aq'uinalic te espadahe.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Ezequiel 33:28

Ya cac' te jochol soc jihnem ya xhil te q'uinal, soc ya xlaj te stoybahil yu'un te yipe; soc te witsiltic yu'un Israel jochol ya xhilic, mayuc mach'a ya xc'ax tey a.

Ezequiel 14:21

Ha yu'un hich yaloj te Jehová, te Ajwalil: ¡C'ax to xan hich a te c'alal ya jticon bahel ta stojol Jerusalén te chaneb castigo te xiweltic sbahic, ha te espada, wi'nal, ti'awal chambahlametic soc jmilawal-chamel, yu'un ya slajinlanic ants-winiquetic soc chambahlametic tey a!

Ezequiel 5:17

Ya jticon bahel ta atojolic wi'nal soc ti'awal chambahlametic, mayuc awal-anich'nabic ya xhilex yu'unic; ya xc'ax ta awohlil jmilawal-chamel soc malel ch'ich', soc ya jticon bahel espada ta atojol. Ho'on Jehovahon calojix, xchi.

Jeremías 15:3

Ya jticon ta stojolic chanchahp castigo, xchi te Jehová: ha te espada te ya xmilawan, ts'i'etic te ya xti'awanic, mutetic te ya xwihlic ta toyol soc chambahlametic ta q'uinal yu'un ya xti'awanic soc ya xlajinwanic.

Isaías 24:6

Ha scuentahil te laj te q'uinal yu'un bohlob sc'oblal, soc te mach'atic nahinemic tey a ya xc'ax swocolic yu'un smulic. Ha scuentahil te lajinot te mach'atic nahinemic ta q'uinal, mayuc tsobol hil te ants-winiquetique.

2 Crónicas 15:5

Ta hich ora mayuc lamal q'uinal yu'un te mach'a ya xtal xbaht, ay bayel wocol ta stojol spisil mach'atic nahinemic ta q'uinal.

2 Reyes 2:24

Te Eliseo la sut sba, la yil soc la sc'ambe chopol c'oblalil ta scuenta sbihil Jehová. Ora loc' talel ta ha'mal cha'coht osohetic te la stuch'ticlanic cheb yoxwinic (42) ta tuhl queremetic.

Jeremías 42:2

ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.