Levítico 26:20 - Bible in Tzeltal Bachajón

²⁰ Tojol yac alajin awipic, como te q'uinal awu'unic mayuc bin ya yac' soc ma ba ya yac' sit te te'etic ay ta q'uinale.

Bible in Tzeltal de Oxchuc y Tenejapa

²⁰ Tojol me ya alajin awipic ta ts'unbajel, melel te lumq'uinal ma'yuc bila ya xju' ya yac'beyex sit, soc ni ja'uc ya yac' sitic awu'unic te te'etic ta aq'uinalique.

Levítico 26:20 Referans Kwoze

Isaías 49:4

Pero hich la jcal: Tojol nax a'tejemon; tojol la jlajin quip, mayuc bin la jta a. Pero te bin ut'il ayon, ay ta scuenta Jehová, te stojol jc'ab ay ta scuenta te Dios cu'une, xchihon.

Salmos 127:1

Teme ma ha'uc te Jehová ya spas te nahe, tojol ya x'a'tejic te mach'atic ya spasique. Teme ma ha'uc te Jehová ya scanantay te pueblohe, tojol ya xcanantayot yu'un te jcananetique.

Deuteronomio 11:17

te hich ya xtihl sc'ahc'al yo'tan Jehová ta atojolic, te ya smac te ch'ulchan te hich ma xtal ha'al a soc ma ba ya yac' sit te ts'unub awalil, te ora ya xlajex tey ta lequil q'uinal te ya ya'beyex te Jehová.

Habacuc 2:13

¿Ma bal ha'uc te Jehová te scuentahinej spisil te ya yac' te ya yich' lajinel ta c'ahc' te ya'tel te ants-winiquetic, soc te tojol ya xluhbic te nacionetique?

Levítico 26:4

ya jticombeyex tal ha'al ta yorahil, soc te awal-ts'unubil soc te te'etic ya me yac'ticlan sit.

Gálatas 4:11

Ya jxi' te tojol a'tejemon ta awohlilic.

1 Corintios 3:6

Ho'on la jts'un, te Apolos la ya'be ya'lel, pero Dios la yac' ch'ihyuc.

Hageo 2:16

¿bin yilel acuxlejalic a? Teme ay mach'a tal ta banti busul jtahb efa sc'oblal, ha nax ay lajuneb; teme ay mach'a tal ta yawil ta pits'el ts'usub yu'un ya sloq'ues lajuneb yoxwinic (50) q'uib sc'oblal, ha nax jtahb (20) ya sta.

Isaías 17:11

soc te bin c'ahc'alil yac ats'un, yac awac' coluc, yac awac' te ya xchicnaj loq'uel spuhl ta sab, te sit ya yich' tsobel, busul ya xhil ta sc'ahc'alel chamel soc tulan sc'uxul.

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Job 31:40

¡ac'a coluc ch'ixetic scuenta sjelol te trigo, ac'a coluc chopol ha'maletic scuenta sjelol te cebada! xchi te Job. Tey laj te sc'op te Job.

Deuteronomio 28:42

Spisil te te'etic awu'un soc te sit ats'unub-awawal te ya xloc' tey ta aq'uinal, ya xlaj ta c'ulub.

Deuteronomio 28:18

Chopol sc'oblal awal-anich'nab, te sit ats'unub-awawal, te yalatac wacaxetic, tuminchijetic soc tentsunetic awu'un.

Deuteronomio 32:22

Como tihlix hahchel sc'ahc'al quilimba, ya me schic' c'alal ta sc'ubulil yawil mach'atic chamenic; ya slajin te q'uinal soc te bintic ya sitin tey a, ya yac'ticlambe sc'ahc'al te yich'o-ip te witsiltique.

Isaías 17:10

Como la ach'ay ta awo'tan te Dios te la scoltayat, ma ba la ana' te Muc'ul Ton yu'un ahnibal awu'un. Ha yu'un aunque yac ats'un t'ujbil ts'unubiletic soc yac ats'un ts'unubiletic te talemic ta yan q'uinal,

Jeremías 12:13

La sts'unic trigo, pero ch'ix la stsobic; tulan a'tejic, pero mayuc bin la stahic a. Ya me xq'uexawic yu'un te sit ya stsobic, ta scaj sc'ahc'al yilimba te Jehová.

Génesis 4:12

Te c'alal yac achahpan te lumq'uinal, ma ba ya ya'batix te bintic ya xcol tey a; ha jbehyomat soc jyanlumat ya xc'axat ta q'uinal, xchi sc'oblal.

1 Reyes 18:2

Hich baht te Elías ta stojol te Acab. Mero tulan te wi'nal ta Samaria.

Oseas 2:11

Ya jch'aybe spisil te stse'elil yo'tan, te q'uinetic yu'un, te yach'il u, c'ahc'aletic yu'un cux-o'tanil, soc spisil te muc'ul q'uinetic ya spas.