Levítico 26:19 - Bible in Tzeltal Bachajón

¹⁹ Ya jlajimbe te yip atoybahilic, ya cac' te taq'uin ya xc'oht te ch'ulchan soc bronce ya xc'oht te aq'uinale.

Bible in Tzeltal de Oxchuc y Tenejapa

¹⁹ Ya me jlajinbey te abol toybailique. Ya me cal mandal te ma ba ya xtal ja'al ta ch'ulchan, soc te ma ba ya yac' sit te bila ya yich' ts'unel ta lumq'uinale.

Levítico 26:19 Referans Kwoze

Deuteronomio 28:23

Te ch'ulchan ay ta yahc'olal ajol ha bronce ya xc'oht, soc te lum ay ta ye'tal awoc ha hierro ya xc'oht.

1 Reyes 17:1

Te Elías te talem ta Tisbe, te nahinem ta Galaad, hich la yalbe te Acab: ¡Yiloj Jehová, te Dios yu'un Israel, te yacon ta a'batinel yu'un, ma ba ya xtal ha'al o ts'ujul ta ha'biletic bahel, ha to teme ho'on ya cal! la yut.

San Lucas 4:25

Soc melel ya calbeyex te ay tsobol me'ba' antsetic ta Israel c'alal cuxul a te Elías te c'alal la yich' maquel oxeb ha'bil soc waqueb u te ch'ulchan soc tal bayel wi'nal ta spahmal q'uinal.

Sofonías 3:11

Ta hich ora ma ba ya xq'uexawatix yu'un jchahpuc te a'teliletic te la atoy aba ta jtojol yu'une, como ya jloq'ues ta awohlil te mach'atic tse'el yo'tanic yu'un te stoybahilic, mayuquix bin ora yac atoy aba ta ch'ul wits cu'un.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Ezequiel 30:6

Hich yaloj te Jehová: Soc ya xyahlic te mach'atic ya scoltayic te Egipto, ya xch'ay te stoybahil yu'un te yipe; c'alal Migdol c'alal ta Asuán ya xlajic ta espada tey a, xchi te Jehová, te Ajwalil.

Jeremías 13:9

Hich yaloj te Jehová: Hich ya cac' c'a'uc te stoybahil Judá soc te bayel stoybahil Jerusalén.

Isaías 25:11

Te Moab tey ya shach sc'ab a, hich te bin ut'il ya shach sc'ab te mach'a yac ta nuxel. Dios ya xpehc'ambot stoybahil yu'un soc te bin ya xhu' yu'unic spasel ta sc'abic.

1 Samuel 4:11

Pojot bahel te scaxahul te chapbil-c'op yu'un Dios soc lajic schebal snich'nab Elí, ha te Ofni soc Finees.

Ezequiel 7:24

Ha yu'un ya cac' taluc te mach'atic c'ax chopol yo'tanic ta nacionetic, ya me yich'beyic te nahetic yu'unique. Hich ya cac' lajuc stoybahil te mach'atic ay yipic, soc ya yich'ic bohlobtesel te ch'ul awilaletic yu'unique.

Isaías 26:5

Como la sjin cohel te mach'atic nahinemic ta toyol, la spehc'an te pueblo te toyol ay, la sjin cohel c'alal ta lum.

Isaías 2:12

Como te Jehová te scuentahinej spisil ay sc'ahc'alel te ya xtal scontrahin spisil jtoybahetic soc te muc' yac'oj sbahic, spisil mach'atic stoyoj sc'oblalic, ya me yich'ic pehc'anel;

1 Samuel 4:3

Te c'alal suhtic ta campamento te winiquetic, hich la yalic te mamaletic yu'un Israel: ¿Bin yu'un te Jehová la yac'otic ta tsalel yo'tic ta stojol te filisteohetique? Conic ta Silo, ya quich'tic tal te scaxahul te chapbil-c'op yu'un Jehová, scuenta yu'un teme ay ta cohliltic ya me scoltayotic ta sc'ab te jcontratique, xchihic.

1 Reyes 8:35

Te c'alal ya xmahc te ch'ulchan, te ma ba ya yac' ha'al ta scaj stahoj smulic ta atojol, teme ya sc'oponat li' ta lugar ini soc teme ya yalic ta jamal te abihile; teme ya suhtes yo'tanic yu'un te smulic te c'alal yac awa'be swocolic,

Isaías 28:1

¡Ay me swocol te corona yu'un toybahil yu'un te jyacubeletic yu'un Efraín, soc te snich te yac ta taquijel, ha te t'ujbil yutsilal, te ay ta shahchibal te spamlej te lec slumil, ha te mach'atic tsalbilic yu'un te vino!

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Ezequiel 24:21

Halbeya te sna Israel te hich yaloj te Jehová: Ya jbohlobtesbe sc'oblal te ch'ul awilal cu'un, te yutsilal te bin awipinejic, te bin ya smulan asitic soc te bin c'ux ta awo'tanique. Te ach'ix-queremetic awu'unic te la awihquitayic hilel, ya me xlajic ta espada.

Deuteronomio 11:17

te hich ya xtihl sc'ahc'al yo'tan Jehová ta atojolic, te ya smac te ch'ulchan te hich ma xtal ha'al a soc ma ba ya yac' sit te ts'unub awalil, te ora ya xlajex tey ta lequil q'uinal te ya ya'beyex te Jehová.

Ezequiel 33:28

Ya cac' te jochol soc jihnem ya xhil te q'uinal, soc ya xlaj te stoybahil yu'un te yipe; soc te witsiltic yu'un Israel jochol ya xhilic, mayuc mach'a ya xc'ax tey a.