Levítico 26:15 - Bible in Tzeltal Bachajón

¹⁵ teme yac ap'ajbonic te bintic caloj ta mandar, teme mayuc sc'oblal ta awo'tanic te bintic chapal cu'un, teme ma ba yac awaq'uic c'ohtuc ta pasel te mandariletic cu'un, teme mayuc ta cuenta ya xc'oht awu'unic te chapbil-c'op cu'une,

Bible in Tzeltal de Oxchuc y Tenejapa

¹⁵ teme ya ach'ayic soc teme ma'yuc sc'oplal awu'unic te bitic chapal cu'une, soc teme ma ba la awaq'uic c'otuc ta pasel te mandaliletic cu'une, jich me ma'yuc ta wenta c'ot awu'unic a te trato cu'une.

Levítico 26:15 Referans Kwoze

2 Reyes 17:15

Ha la sch'aybeyic te mandariletic, te chapbil-c'op la schap soc te sme'static soc te scomelic te halbotic yu'une. La st'unic diosetic te mayuc stuquic, soc ha nix hich mayuc stuc bahtic yu'un, ha la st'umbeyic stalel te nacionetic ayic ta sjoyobal, te pasotic ta mandar yu'un Jehová te manchuc hich ya spasique.

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Ezequiel 16:59

Pero ay yan bin yaloj te Jehová, te Ajwalil: Ya ca'bat te bin ya sc'an pasel ta atojol, como la ap'aj te bin halbil ta jamal, te bin ut'il la ajin te chapbil-c'ope.

Jeremías 11:10

Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Isaías 24:5

Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.

Números 15:31

Te bin ut'il mayuc sc'oblal ta yo'tan te sc'op Jehová soc la sc'axuntaybe smandar, jc'axel me ya yich' loq'uesel soc scuchoj smul ya xhil, xchi.

Hebreos 8:9

Ma hichuc te bin ut'il te chapbil-c'op la jchap soc te antiguo sme'static te c'alal la jnit loq'uel ta sc'abic ta sq'uinal Egipto. Como ma ba jun yo'tanic ta stojol te chapbil-c'op, ha yu'un la jquihquitayic hilel, xchi te Cajwaltique.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

Romanos 8:7

Como te mach'a ya ya'telin sna'ulanel te bintic scuenta ch'ich'-baq'uet, scontrahinej Dios abi, yu'un ma ba ya yac' sba ta cuentahinel yu'un te Ley yu'un Dios, soc ma ba ya xhu' yu'un;

Hechos 13:41

Ilawilic, ha'ex jlabanwanejex, xiwanic soc ch'ayanic ta q'uinal, yu'un ay bin ya jpas ta yorahil awu'unic te ma ba yac ach'uhunic, aunque ya xhalbotex awa'iyic, te xchihe, xchi te Pablo.

Jeremías 31:32

Ma hichuc te bin ut'il te chapbil-c'op la jpas soc te sme'static c'alal la jnit loq'uel ta sc'abic ta sq'uinal Egipto; como la sc'axuntaybonic te chapbil-c'op cu'un, aunque ha smamalal c'ohon, xchi te Jehová.

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Proverbios 5:12

te hich yac awal: ¡Mero la jp'aj te tojobtesele! ¡Mayuc sc'oblal c'oht ta co'tan te tsitsele!

Proverbios 1:30

ma ba la sc'anic te bin ya ca'be sna'ic soc la sp'ajic spisil te tojobtesel cu'une,

Proverbios 1:7

Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Salmos 50:17

Yac ap'aj te tojobtesel cu'un soc yac awac' ta apat te jc'ope.

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

Levítico 26:43

Pero ya xhil yu'unic te q'uinale, bayel me yutsil te jayeb tiempo ya scux yo'tan, te bin ut'il jochol hilel yu'unic. Ya me yich'ic te castigo yu'un smulic, ta scaj te mayuc sc'oblal ta yo'tanic te mandariletic cu'un soc te la yihlayic te bintic chapal cu'une.

Éxodo 24:7

Patil la stsac te libro yu'un te chapbil-c'op, la yilbe ya'iy te pueblo; hich la yalic yu'un: Ya jpascotic spisil te bin yalojix te Jehová, ya jch'uhuncotic spasel, xchihic.

Éxodo 19:5

Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

Génesis 17:14

Yan te mach'a ma ba yich'oj circuncisión ya yich' loq'uesel ta alumal, como la sc'axuntaybon te chapbil-c'op cu'un, xchi.

Levítico 26:9

yu'un ho'on ya suhton ta atojolic, ya cac' xp'ohluquex, ya cac' esmajuquex soc ya cac' c'ohtuc ta acuentahic te chapbil-c'op cu'une.

Levítico 26:11

Ya xnahinon ta awohlilic, soc ma ba ya quihlayex ta co'tan.

1 Samuel 12:15

Yan teme ma ba yac awa'iybeyic sc'op te Jehová, teme yac atoy abahic ta stojol te mandariletic yu'une, ya me scontrahinex te sc'ab Jehová hich te bin ut'il la scontrahin te ame'atatique.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.