Levítico 26:14 - Bible in Tzeltal Bachajón

¹⁴ Pero teme ma ba yac awa'iybonic te jc'op soc teme ma ba yac apasic spisil te mandariletic cu'un,

Bible in Tzeltal de Oxchuc y Tenejapa

¹⁴ “Pero teme ja'ex ma x'ac'anic ya ach'uunbonic te jc'ope, soc teme ma ba ya awaq'uic c'otuc ta pasel spisil te mandaliletic cu'une,

Levítico 26:14 Referans Kwoze

Lamentaciones 2:17

Te Jehová la spas te bin snopoj ta yo'tan, la sc'ohtes ta pasel te sc'op te nameyix la schahpambe sc'oblale. La sjin, ma ba la sna' yo'bolil sbahic, la yac' te tse'el yo'tan ta atojol te acontra soc la stoybe yip te acontrataque.

Jeremías 17:27

Yan teme ma ba yac ach'uhumbonic jc'op ta sch'ultesel te sc'ahc'alel cux-o'tan, te yac awich'ic ochel tal ihcatsil ta ochibaletic yu'un Jerusalén ta sc'ahc'alel cux-o'tan, ya ca'be sc'ahc'al te ochibaletic yu'un te ya slajinlan te muc'ul nahetic yu'un Jerusalén, mayuc mach'a ya xhu' yu'un stup'el, xchi.

Levítico 26:18

Teme ma ba yac awa'iybonic jc'op aunque hich ya jpasbeyex, ya jtoy huqueb xan buelta te castigo yu'un te amulique.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Hechos 3:23

soc spisil te mach'a ma ba ya ya'iybe sc'op, ya me yich' bulel loq'uel ta pueblo, xchi.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.

Lamentaciones 1:18

Pero te Jehová toj yo'tan stuquel, como la jtoy jba ta stojol te sc'ope. A'iya awa'iy apisilic, pueblohetic, ilawilic te jwocole: Te queremetic soc te ach'ixetic cu'un, ic'otic bahel ta chuquel.

Josué 23:15

Pero hich te bin ut'il c'ohtix ta pasel spisil te bin lec la yalbeyex te Jehová, te Dios awu'unic, ha nix hich te Jehová ya me yac' tal ta atojolic spisil te bintic chopol, ha to teme ya stup'ex bahel ta lequil q'uinal te la ya'beyex te Jehová te Dios awu'unic

Jueces 2:15

Bayuc banti bahtic ta yaq'uel guerra, contrahinotic yu'un te sc'ab Jehová yu'un ya ya'be swocolic, hich te bin ut'il yaloj te Jehová soc te jc'axel yaloj ta jamal. Ay bayel swocolic.

1 Samuel 12:15

Yan teme ma ba yac awa'iybeyic sc'op te Jehová, teme yac atoy abahic ta stojol te mandariletic yu'une, ya me scontrahinex te sc'ab Jehová hich te bin ut'il la scontrahin te ame'atatique.

2 Crónicas 7:19

Yan teme ya suhtex ta apatic, teme yac awihquitayic hilel te chahpambil mandariletic soc te mandariletic cu'un te la jca'beyex ta atojolic, teme yac awac' abahic ta a'batinel yu'un yantic diosetic, soc teme yac ach'uhuntayique,

Proverbios 3:33

Chopol sc'oblal yu'un Jehová te sna te mach'a chopol yo'tan, pero ya ya'be bendición te sna mach'a toj yo'tan.

Jeremías 11:8

Pero ma ba la ya'iyic, ma ba la yich'ic ta cuenta; ha la st'unic bahel te bintic chopol la snop ta yo'tanic. Ha yu'un ya me cac' ta stojolic spisil bin ya yal te chapbil-c'op ini, ha te la jpas ta mandar te ya me sch'uhunic spasel, pero ma ba la spasic, xchi.

Jeremías 26:4

Hich yac awalbe: Hich yaloj te Jehová: Teme ma ba yac awich'bonic ta cuenta soc ma ba yac at'unic te Ley cu'un te la jca'beyexe,

Jeremías 28:8

Te jalwanejetic te nahil c'axic cu'untic ta namey la yalic ta sc'op-jalwanej sc'oblal guerra, wocol soc jmilawal-chamel ta stojol bayel ta chahp nacionetic soc muc'ul ajwaliletic.

Jeremías 40:2

Te capitán la yic' tal te Jeremías, hich la yalbe: Te Jehová te Dios awu'un la schahpambe sc'oblal te bin chopol ini ta stojol te lugar ini.

Daniel 9:13

Hich te bin ut'il ts'ihbabil ta ley yu'un Moisés, c'oht ta jtojolcotic spisil te bintic wocol ini; pero ma ba calbeyejcotic wocol Jehová te Dios cu'untic, ma ba la jquihquitaycotic te jchopolilcotic o ma ba la jquich'cotic ta cuenta te smelelil c'op awu'une.

Oseas 7:12

Te c'alal ya xbahtic tey a, ya jlim bahel jyac ta stojolic; hich ya cac' cohuc tal te bin ut'il mutetic ya xwihlic ta toyol, ya ca'be castigo hich te bin ut'il halbil ta tsoblej yu'unique.

2 Reyes 22:13

Bahan, joc'obeyahic te Jehová ta jcuenta soc ta scuenta spisil Judá sc'oblal bin ya yal te libro ini te la yich' tahel, como muc' te yilimba Jehová te tihlem ta jtojoltic ta scaj te ma ba la yich'ic ta cuenta te jme'jtatic te bin ya yal te libro ini, ma hichuc la spasic te bin ut'il ts'ihbabil tey a, xchi.

2 Crónicas 34:24

te hich ya yal te Jehová: Ya cac' taluc wocol ta stojol te lugar ini, ha spisil bintic chopol sc'oblal te ts'ihbabil hilel ta libro te la yich' ilel ta stojol te ajwalil yu'un Judá;

Salmos 81:12

Ha yu'un la jquihquitay yu'un ya spasic te bin la sc'an yo'tanic, yu'un ya st'unic te snopojibal yu'unique.

Jeremías 32:23

Ha'ic ochic talel soc la yu'untayic, pero ma ba la sch'uhumbat ac'op soc ma ba la st'unic te Ley awu'une; mayuc bin la spasic te la awalbe ta mandar. Ha yu'un la aticombe tal ta stojolic spisil te bintic chopol ini.