Levítico 26:13 - Bible in Tzeltal Bachajón

¹³ Ho'on Jehovahon, te Dioson awu'unic, te la jloq'uesex tal ta sq'uinal Egipto scuenta yu'un ma ba ya smosohinex; la jtuch'be schuhquil te yugo awu'unic soc la jcac' te atoyoj ajolic a ya xbehenex.

Bible in Tzeltal de Oxchuc y Tenejapa

¹³ Jo'on me te Ajwalilon te Dioson awu'unic, te la quiq'uex loq'uel tel ta Egipto, te ja' la quiq'uex loq'uel tel yu'un te ma ba ya smozoinexix a te egipcioetique. Jo'on la jin te yugo te ay awocolic yu'une, buen atoyoj ajolic ya xbeenex cu'un.

Levítico 26:13 Referans Kwoze

Ezequiel 34:27

Te te'etic ta q'uinal ya me yac' sitic soc ya me yac' sit te ts'unub-awalil ta q'uinal. Jun yo'tanic ya xnahinic ta sq'uinalic, soc ya me sna'ic te ho'on Jehovahon, te c'alal ya jtuch'be schucojibal te yugo yu'unic soc ya jcoltay ta libre ta sc'abic te mach'atic smosohinejique.

Salmos 116:16

Jehová, ho'on awa'baton ta mero melel; ho'on awa'baton, yalon te awa'bat-antse. Ha'at la atuch'bon te cadena te chuculon a.

Levítico 25:38

Ho'on, Jehovahon, te Dioson awu'unic te la jloq'uesex tal ta sq'uinal Egipto yu'un ya ca'beyex te sq'uinal Canaán scuenta yu'un ho'on Dioson awu'unic ya xc'ohon.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Jeremías 2:20

Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.

Levítico 25:55

como ha a'batetic cu'un te snich'nab Israel; ha a'batetic cu'un te la jloq'ues tal ta sq'uinal Egipto. Ho'on, Jehovahon, te Dioson awu'unic.

Isaías 51:23

Ha ya ca'be ta sc'ab te j'uts'inwanejetic awu'un, te mach'atic hich la yalbat: Pahc'ana aba ta lum, yu'un ya xc'axotcotic ta aba, te xchihique. Hich la awac' apat te bin ut'il lum, hich te bin ut'il be yu'un ya xbehenic tey a.

Levítico 25:42

como ha a'batetic cu'un te la jloq'ues tal ta sq'uinal Egipto; ma me xyich'ic chonel hich bin ut'il moso.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Ezequiel 30:18

Ya x'ihc'ub te c'ahc'alel ta Tafenes te c'alal ya jlajimbe yip te Egipto soc te ya xlaj te stoybahil yu'un te yipe; ya xmacot ta yihc'al q'uinal, soc te mach'atic nahinemic ta tut pueblohetic yu'un ya x'ic'otic bahel ta chuquel.

Oseas 11:4

La jnit ta lazo scuenta yutsil-o'tanil, ta lazo scuenta c'uxul-o'tanil; hich c'ohon ta stojolic te bin ut'il mach'a ya sloq'ues yugo ta snuc', soc la cac'ticlambe swe'elic.

Éxodo 14:8

Te Jehová la stulanubtesbe yo'tan te faraón, ajwalil yu'un Egipto, hich la snuts bahel te snich'nab Israel. Pero te snich'nab Israel mayuc xiwel ta yo'tanic a yaquic ta loq'uel bahel.

Isaías 9:3

La awac' p'ohluc te ants-winiquetic soc la awa'be bayel yutsil yo'tanic. Tse'el yo'tanic ta atojol hich te bin ut'il ta yorahil stsobel sit awal-ts'unubil, hich te bin ut'il c'alal ya spucbe sbahic te bintic pojbile.

Jeremías 28:2

Hich yaloj te Jehová te scuentahinej spisil, te Dios yu'un Israel: Ya jwac'be te yugo yu'un te ajwalil yu'un Babilonia.

Jeremías 28:4

Soc ya cac' suhtuc tal ta lugar ini te Jeconías snich'an Joacim, ajwalil yu'un Judá, soc spisil te mach'atic yu'un Judá te ic'otic bahel ta Babilonia, xchi te Jehová, yu'un ya jwac'be te yugo yu'un te ajwalil yu'un Babilonia, xchi te Hananías.

Nahúm 1:13

Ya jwuybat te yugo acuchoj soc ya jtuch'bat achucojibal, xchi.