Levítico 26:1 - Bible in Tzeltal Bachajón

¹ Ma me xapas loc'ombahetic o bin loc'taylambil, ma me xatehc'an ch'ultesbil ton, soc ma me xawac' ta aq'uinalic chahpambil ton yu'un yac aquejan abahic ta stojol; como ho'on, Jehovahon, te Dioson awu'unique.

Bible in Tzeltal de Oxchuc y Tenejapa

¹ “Ma me xapas awajcananic soc ma me xapas loc'ombaetic, ma me xawaq'uic chicnajuc ta alum-aq'uinalic ch'ultesbil tonetic soc loc'ombaetic te loc'taybilic ta tone. Ma me xapajc'an abaic ta stojolic, melel jo'on te Ajwalilon te Dioson awu'unique.

Levítico 26:1 Referans Kwoze

Levítico 19:4

Ma me xach'uhuntayiquix loc'ombahetic, soc ma me xapas awahcananic ta uhltesbil taq'uin. Ho'on, Jehovahon, Dioson awu'unic.

Deuteronomio 27:15

Chopol sc'oblal te mach'a ya spas te bin lop'taylambil, o loc'omba pasbil ta uhltesbil taq'uin, ha ya'tel te mach'a ya sna' spasel, te muquen ya stehc'an, ha ihlaybil yu'un Jehová, xchihic. Hichuc, xchihic me spisil te pueblo.

Números 33:52

ya me atenic loq'uel ta atojolic spisil te mach'atic nahinemic tey ta q'uinal. Jinticlanahic spisil te yahcananic pasbilic ta ton soc te loc'ombahetic pasbilic ta uhltesbil taq'uin, soc jinticlanahic spisil te toyol awilaletic yu'unique.

Éxodo 23:24

Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Éxodo 20:23

Ma me xapasic diosetic ta jtojol te pasticlambil ta oro o ta plata.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Hechos 17:29

Ha yu'un, te bin ut'il ha sts'umbalotic te Diose, ma me jcuytic te Dios te ha pajal soc oro, o plata o ton, te ha loc'omba pasbil ta sc'ab winiquetic te hich nax la snop shachel.

Éxodo 34:17

Ma me xapas diosetic ta uhltesbil taq'uin.

Isaías 2:20

Ta hich ora te ants-winiquetic ya me sch'ojic bahel ta stojol te ch'ohetic soc sots'etic, te loc'ombahetic yu'unic te pasbilic ta plata soc ta oro, te la spasic yu'un ya sch'uhuntayic.

Salmos 97:7

Ya xq'uexawic spisil mach'atic ya sch'uhuntayic loc'ombahetic, ha te mach'atic stoyoj sbahic yu'un te loc'ombahetique. Spisil te diosetic ya squejan sbahic ta stojol.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Levítico 25:55

como ha a'batetic cu'un te snich'nab Israel; ha a'batetic cu'un te la jloq'ues tal ta sq'uinal Egipto. Ho'on, Jehovahon, te Dioson awu'unic.

Deuteronomio 5:6

Ho'on Jehovahon te Dioson awu'un te la jloq'uesat tal ta Egipto te banti nahinat ta mosohil.

Salmos 78:58

La yaq'uic ilinuc Dios yu'un te toyol awilaletic yu'unic, la shahchbeyic xut'et yo'tan yu'un te loc'ombahetic yu'unique.

Levítico 7:33

Te snich'an Aarón te ya yac' te sch'ich'el te milbil mahtanil scuenta lamal q'uinal soc te sjuhp'ele, ha yu'un ya xc'oht te swa'el ya'.

Jueces 18:30

Te snich'nab Dan tey la stehc'anic a te loc'omba pasbil ta c'abal yu'un ya yich' ch'uhuntayel. Te Jonatán snich'an Gersón, te snich'an Moisés, soc te snich'nab Jonatán ha sacerdotehetic c'ohtic yu'un te jchahp yu'un Dan ha to ta yorahil te och ta c'abal te q'uinale.

2 Reyes 17:8

soc la st'umbeyic te costumbrehetic yu'un te nacionetic te ch'ojotic loq'uel yu'un Jehová ta stojol te snich'nab Israel, soc te costumbrehetic te hahch spasic te ajwaliletic yu'un Israel.

2 Reyes 17:10

Soc la stehc'anic ch'ultesbil tonetic soc loc'ombahetic yu'un Asera ta jujun toyol tsehletic soc ta ye'tal spisil te'etic te ay bayel ya'binal;

2 Reyes 17:16

La sch'aybeyic spisil te mandariletic yu'un te Jehová te Dios yu'unique. La spasic cheb sloc'omba jcolel torohetic ta uhltesbil bronce, soc loc'ombahetic yu'un Asera; la sch'uhuntayic spisil te bintic ayic ta ch'ulchan soc la yac' sbahic ta a'batinel yu'un Baal.