Levítico 25:43 - Bible in Tzeltal Bachajón

⁴³ Ma me toyoluc xawac' aba ta scuentahinel, ya me axi' te Dios awu'une.

Bible in Tzeltal de Oxchuc y Tenejapa

⁴³ Ma me tulanuc ya awac' aba ta stojolic, ya me sc'an te ja' ya awac' ta ilel te awich'ojon ta muc' jo'on te Dioson awu'une.

Levítico 25:43 Referans Kwoze

Colosenses 4:1

Ha'ex yajwalex, ha xapasic te bin toj soc te bin lec ta stojol amosohic, como ana'ojic te ha nix hich ay Ajwalil awu'unic ta ch'ulchan.

Levítico 25:46

Ya xhu' yac awa'beyic hilel te mosohetic ta scuenta awal-anich'nabic te c'alal ya xchamex, scuenta yu'unic ya xhilic; spisil ora ya xhu' yac awa'batinic; pero ma me xawa'batin te awermanotac ta Israel, ma me toyoluc xawac' aba ta scuentahinel.

Levítico 25:17

Ma me ayuc mach'a ya slo'loy te spat-xuhc, ya me axi'ic te Dios awu'unique; como ho'on, Jehovahon, te Dioson awu'unique.

Efesios 6:9

Soc ha'ex ajwalilex, hichuc nix xapasbeyic, hiluc me awu'unic xiwtesel ta c'op, como ana'ojic te pajal ay Awajwalic soc ta ch'ulchan, te ma tsahbiluc nax mach'a ay ta cuenta yu'un.

Ezequiel 34:4

Ma ba la awa'beyic yip te mayuc yipic soc ma ba la apoxtayic te ayic ta chamel; ma ba la apotsic te banti waq'uem, ma ba la awiq'uic suhtel tal te howiyemic bahel, ma ba la alehic te ch'ayemique, tulan la acuentahinic soc la awuts'inic.

Levítico 25:53

Hich ya xc'oht awu'un te bin ut'il jtuhl jle-a'tel te yaloj te ta ha'bil ya x'a'teje. Ya me awil te ma ba ya x'uts'inot yu'un te yajwale.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Isaías 58:3

Hich ya yalic: ¿Bin yu'un ya jcom jwe'elcotic, pero ma ba yac awich' ta cuenta; ya jpehc'an jbahcotic pero mayuc ta cuenta awu'un? xchihic. Ilawil, ta sc'ahc'alel te yac acom awe'elic yac alehic bin yac amulanic soc yac atenic ta a'tel te j'a'teletic awu'unique.

Isaías 47:6

Ilinon ta stojol te pueblo cu'un, la jbohlobtesbe sc'oblal te bintic ay cu'un, la jcac' ochuc ta ac'ab, ma ba la ana'be yo'bolil sbahic; la awa'be ta stojol mamaletic te yugo awu'un te mero al.

Deuteronomio 25:18

ha te bin ut'il loc' tal stahat ta be soc te la slajinlan te mach'atic pehc'ajem yipic te patil yacalic ta talel awu'un, te c'alal ay aluhbel soc lajem awip a; jc'axel ma ba la xi' te Diose.

Éxodo 5:14

Soc la smajic te jsujawetic te ha snich'nab Israel te a'bot ya'telic yu'un te jtsobawetic yu'un faraón, hich la yalbeyic: ¿Bin yu'un ma ba ts'acal la apasic adobe wojey soc te naxe hich te bin ut'il ta nahil to? la yutic.

Éxodo 3:9

Te yawic te snich'nab Israel c'ohtix ta jtojol, soc quilojix te swocolic a'botic yu'un te egipciohetique.

Éxodo 3:7

Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique.

Éxodo 2:23

Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil.

Éxodo 1:21

Te bin ut'il la xi'ic Dios te jtam-alaletic, la yac' p'ohluc te mach'atic ay yu'unique.

Éxodo 1:17

Pero te jtam-alaletic la xi'ic te Diose, ma ba la spasic te bin pasotic ta mandar yu'un te ajwalil yu'un Egipto, la yac' cuxajuc te tut queremetique.

Génesis 42:18

Ta yoxebal c'ahc'al te José hich la yalbe: Pasahic ini, hich ya xcuxajex a, yu'un te ho'one jxi'oj te Diose:

Levítico 25:42

como ha a'batetic cu'un te la jloq'ues tal ta sq'uinal Egipto; ma me xyich'ic chonel hich bin ut'il moso.

Levítico 25:44

Te moso-winic soc te moso-ants awu'un ha ya xtalic ta yantic nacionetic te ayic ta ajoyobal; tey ya xhu' yac aman a te mosohetic awu'une.

2 Crónicas 28:10

Yo'tic la anopic te yac awaq'uic ta mosohil te ants-winiquetic yu'un Judá soc Jerusalén. Pero ¿yu'un bal ma ba atahoj amulic ta stojol Jehová te Dios awu'unique?

Job 31:13

Teme mayuc sc'oblal c'oht ta co'tan te bin stojil la sc'an pasel ta stojol te a'bat soc criada cu'un te c'alal la stijonic ta c'op,

Job 31:14

¿bin ya jpas yu'un te c'alal ya xhahch tal te Diose? ¿Bin ya calbe te c'alal ya yich'on ta c'op?