Levítico 25:23 - Bible in Tzeltal Bachajón

²³ Te q'uinal ma xhu' ta chonel ta jc'axel, como ho'on cu'un te q'uinale; te ha'exe jbehyom soc jyanlum c'ohemex ta jtojol.

Bible in Tzeltal de Oxchuc y Tenejapa

²³ “Te q'uinal ma me xju' ta chonel ta jc'axel. Melel te q'uinal jo'on cu'un; te ja'exe c'axel nax ayex, jich nax c'oemex te bit'il ula'il cu'une.

Levítico 25:23 Referans Kwoze

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

Salmos 39:12

A'iybon jc'op, Jehová, a'iybon awa'iy caw. Ma me xch'abat ta stojol te oq'uel cu'un, como hichon te bin ut'il jyanlum ta atojol, soc jbehyomon, hich te bin ut'il spisil te jme'jtate.

Ezequiel 48:14

Ma ba ya schonic soc ma ba ya sjelic, ma ba ya xc'ax ta stojol te tsahbil q'uinal ini, como ch'ultesbil yu'un te Jehová.

Salmos 24:1

Ha yu'un Jehová te q'uinal soc spisil bintic ay tey a, te bahlumilal soc spisil mach'atic nahinemic tey a;

1 Crónicas 29:15

Como jyanlumotcotic soc jbehyomalotcotic ta atojol hich te bin ut'il spisil te jme'jtatcotique. Te jayeb c'ahc'al cuxulotic ta bahlumilal hich c'ohem te bin ut'il axinal te ma xhalaj.

Deuteronomio 32:43

¡Nacionetic, tse'eluc me awo'tanic soc te pueblo yu'un Dios, yu'un ha ya ya'be spacol te sch'ich'el te a'batetic yu'une, ya ya'be spacol te scontratac, soc ya spasbe te stojel mulil yu'un te sq'uinal te pueblo yu'une! xchi ta c'ayoj te Moisés.

Éxodo 19:5

Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

Joel 3:2

ya jtsob tal spisil te nacionetic, ya quic'ticlan cohel ta spamlej yu'un Josafat; tey ya jchahpan a ta scaj te pueblo cu'un, ha te Israel, te ha cu'un, te la spucticlanic bahel ta yohlil te nacionetic, soc la spucbe sbahic te jq'uinale.

Joel 2:18

Te Jehová, te bin ut'il xut'et yo'tan ta scuenta te q'uinal yu'un, ya me sna'be yo'bolil sba te pueblo yu'une.

Oseas 9:3

Ma ba ya xhilic ta sq'uinal Jehová, te Efraín ya suht bahel ta Egipto, soc ta Asiria me ya swe'elin we'elil te bohloben sc'oblale.

Salmos 85:1

Jehová, lec awo'tan ta stojol te lumq'uinal awu'un; la awac' te suht xan tal ta chuquel te Jacob.

2 Crónicas 7:20

ho'on ya jbulat loq'uel ta jq'uinal te ca'beyejex soc ya jch'oj loq'uel ta jtojol te Na te ch'ultesbilix cu'un yu'un te jbihile, soc ya cac' ta labanel soc ta tse'layel yu'un spisil pueblohetic.

Levítico 25:10

Ya me ach'ultesic te slajunebal yoxwinic (50) ha'bil, yac awalic ta bayuc te libre ay spisil mach'atic nahinemic tey a. Ha te ha'bil ya xhilex ta libre; jujutuhl ya suht bahel ta sq'uinal, jujutuhl ya suht bahel ta yohlil mach'atic ay yu'un.

Isaías 8:8

ya xc'ax bahel ta stojol Judá, ya xmulot yu'un, ya xnoj c'alal ta snuc'. Ya slich' bahel xic', ya snojesbat sjamalil aq'uinal, ha'at Emanuel, xchi.

Salmos 119:19

Jbehyemon ta q'uinal; ma me xanac' ta jtojol te mandariletic awu'une.

1 Reyes 21:3

Pero te Nabot la sjac'be te Acab: Ma hichuc ya sc'an Jehová te ya ca'bat te bin ya'beyejon hilel jme'jtat, xchi.

Génesis 47:9

Te Jacob hich la sjac'be sc'op te faraón: Te jayeb ha'bil behenon ta q'uinal ha lajuneb shucwinic (130) ha'bil. Com soc wocol te jayeb ha'bil cuxulon, ma la jta hich te jayeb ya'bilalic behenic ta q'uinal te jme'jtate, xchi.

Génesis 23:4

Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Éxodo 2:22

Te antse ayin stut querem-al; te Moisés la ya'be sbihil Gersón, como la yal: Jbehyomal ayon ta yan q'uinal, xchi.

Levítico 25:24

Ha yu'un, ta spisil te q'uinal awu'untayejic ya me awaq'uic te ya xhu' ya suht te q'uinale.

Salmos 39:13

Ma xawilonix, scuenta yu'un ya to ca'iy xan yutsil q'uinal te c'alal ma to xchamon a, xchihon ta stojol.