Levítico 25:21 - Bible in Tzeltal Bachajón

²¹ Ya ca'beyex bendición ta swaquebal ha'bil, te jayeb ya yac' tic' ya xtuhun awu'unic scuenta oxeb ha'bil.

Bible in Tzeltal de Oxchuc y Tenejapa

²¹ Melel jo'on me ya cac'beyex bendición te ya xc'ax te swaquebal ja'wile, te bila ya xloc' awu'unic, tic' ya xc'ax oxeb ja'wil awu'unic a.

Levítico 25:21 Referans Kwoze

Deuteronomio 28:8

Te Jehová ya me sticon tal bendición ta stojol te snahul sit ats'unub-awawal soc ta stojol spisil te bintic yac apas; ya ya'bat bendición tey ta q'uinal ya ya'bat te Jehová te Dios awu'une.

Proverbios 10:22

Te bendición yu'un Jehová ya yac' c'ulejalil, soc ma ba ya yac' mel-o'tan.

2 Corintios 9:10

Te mach'a ya ya'be sts'unub te mach'a ya ya'iy ts'umbajel soc te ya ya'be pan te mach'a ya xwe', ha nix ya me yac' sitinuc soc ya me yac' p'ohluc te ts'unubiletic awu'unic, soc ya me yac' xp'ohl te sit yu'un te stojil awa'telic,

Salmos 133:3

Pajal soc te sts'ujulel wits Hermón te ya xco tal ta sba te witsiltic yu'un Sión, yu'un tey ya yac' tal bendición a te Jehová soc cuxlejal scuenta sbahtel q'uinal.

Deuteronomio 28:3

Bayel me yutsil ac'oblal ta pueblo soc bayel me yutsil ac'oblal ta q'uinal.

Éxodo 16:29

Ilawil, te Jehová la ya'beyex te sc'ahc'alel cux-o'tan, ha scuentahil ta swaquebal c'ahc'al ya ya'beyex pan scuenta cheb c'ahc'al. Ta shuquebal c'ahc'al jujutuhl ac'a ayinuc te banti ay, ma me ayuc mach'a ya xloc' bahel tey a, xchi.

Génesis 41:47

Te huqueb ha'bil te bayel bintic ay, c'ax bayel sitin te ts'unub-awalil.

Génesis 26:12

Te Isaac la sts'un sts'unub-yawal tey a; ha nix ta ha'bil la sc'ajbe ho'winic (100) buelta te site; a'bot bendición yu'un Jehová.

Levítico 25:4

Pero ta shuquebal ha'bil ya me scux yo'tan te lumq'uinal, ha cux-o'tan ta scuenta Jehová; ma me xawa'iy ts'umbajel ta aq'uinal soc ma me xaloq'uesbe staquin c'ab te ats'usubile.

Levítico 25:6

Te sit ya yac' ta stuquel nax te lumq'uinal te c'alal ay ta cux-o'tan, tic' ya xwe'at a soc awa'bat, acriada, te j'a'tel awu'un soc te jyanlum sjoquinejat ta nahinel,

Ezequiel 34:26

Ya ca'be bendición ta stojolic soc ta sjoyobal te tsehl cu'un, soc ya cac' te ya xtal ha'al ta yorahil; ha'al yu'un bendición ya xc'oht.

Éxodo 16:5

Yan ta swaquebal c'ahc'al ya stsobic scuenta cheb c'ahc'al, xchi.