Levítico 24:5 - Bible in Tzeltal Bachajón

⁵ Ya me atsac lequil harina soc yac ata'ajtes lahchaypehch pan, cheb ta slajunebal efa te jujupehche.

Bible in Tzeltal de Oxchuc y Tenejapa

⁵ “Tsaca mero lequil harina, tac'ajtesa lajchaypejch' waj, olil yo'eb kilo te juju-jpejch'e.

Levítico 24:5 Referans Kwoze

Éxodo 25:30

Ya me awac' ta mesa spisil ora te pan ac'bil ta jtojole.

Éxodo 40:23

tey la scholticlan a te pan ac'bil ta stojol Jehová, hich te bin ut'il halbot yu'un Jehová te Moisés.

1 Reyes 18:31

La stsac lahchayeb tonetic, hich te bin ut'il yahtalul te jaychahp te snich'nab Jacob, te hich halbot yu'un Jehová: Israel abihil ya xc'oht, te xchihe.

Santiago 1:1

Santiago, ya'bat te Dios soc te Cajwaltic Jesucristo, ya jpatbeyex awo'tanic te lajchaychahp sts'umbal Israel te puhquemex ta bayuc.

Hechos 26:7

ha te bin halbil ta jamal te yacalic ta smahliyel te lahchaychahp jts'umbaltic te ya xc'oht ta pasel, te c'alal yac yac'bel sbahic spisil ora ta a'batinel yu'un Dios c'ahc'al ahc'abal. Ta scuenta te smuc'ul-o'tanil ini te la slehbonic jmul te judíohetic, ajwalil Agripa.

San Mateo 12:4

ha te och ta sna Dios, la swe' te pan ac'bil ta stojol Dios, te ma hichuc ya sc'an pasel te ya swe' te David o te mach'atic sjoquinej, te ha nax ya xhu' ya swe'ic te sacerdotehetique?

Hebreos 9:2

como hich chahpambil te Nahilpac' Templo: te sba-tsahlal, te Ch'ul Awilal sbihil, tey ay a te scajtajib c'ahc', te mesa soc te panetic ac'bilic ta stojol Dios.

Éxodo 39:36

te mesa soc spisil te bintic ya xtuhun tey a, soc te pan ac'bil ta stojol Dios;

Números 4:7

Ya smuquic ta yaxal pac' te mesa yu'un te pan ac'bil ta stojol Dios, ta sba ya spahchan te platohetic, cucharahetic, tazahetic, soc te yawilic te mahtanil ya yich' malel; soc tey ya xhil a ta pan ta spisil ora.

1 Samuel 21:6

Hich te sacerdote la ya'be te ch'ultesbil pan, como mayuc yan pan, ha nax te pan te ac'bil ta stojol Dios, te loq'uesbil tal ta stojol Jehová yu'un ya yich' otsesel q'uixin pan tey a.

1 Crónicas 9:32

Ay cha'oxtuhl yermanotac ta sts'umbal Coat te ay ta scuentahic spasel te pan ya yich' aq'uel ta stojol Dios te ya scholic ta mesa jujun sc'ahc'alel cux-o'tan.

1 Crónicas 23:29

Soc ay ta scuentahic te pan ya yich' aq'uel ta stojol Dios; te harina scuenta mahtanil, te jayal pan te ma ba yich'oj levadura, te bin pasbil ta sartén soc te bin woch'obtesbil, soc spisil te bintic ya yich' p'isel soc ahtayel.

2 Crónicas 13:11

Ha'ic ya schiq'uic te scohtol chic'bil mahtaniletic ta jujun sab soc jujun tibiltic soc ya schiq'uic te pom te sumet yic' ta stojol Jehová; ya yaq'uic te pan ta ch'ul mesa soc ya stsunic te c'ahc' ta scajtajib c'ahc' pasbil ta oro yu'un ya xtihl jujun tibiltic. Como te ho'otcotic jcanantayejcotic te mandariletic yu'un Jehová te Dios cu'uncotic, yan te ha'exe la awihquitayiquix.

Nehemías 10:33

yu'un te pan ya yich' aq'uel ta stojol Dios, te mahtanil harina soc te scohtol chic'bil mahtanil te ya yich' aq'uel jujun c'ahc'al soc ta sc'ahc'alel cux-o'tan, ta yach'il u, te yantic q'uinetic, soc yu'un te bintic ch'ultesbil, te milbil mahtaniletic scuenta stojel mulil yu'un Israel, soc ta spisil te a'teliletic ya yich'ic pasel ta sna te Dios cu'untique.

Éxodo 40:4

Otsesa te mesa soc chahpana ta lec; otsesa te scajtajib c'ahc' soc chahpanlana te yawil c'ahq'ue.

1 Samuel 21:7

Ha nix yorahil te tey macbil a ta stojol Jehová jtuhl a'bat yu'un Saúl, Doeg sbihil, talem ta Edom, ha jtsobaw yu'un te jcanan-tuminchijetic yu'un Saúl.

Nehemías 10:34

Soc te sacerdotehetic, levitahetic soc spisil te pueblo la jpastic seña ta na'el mach'a sna te ya yich' tal mahtanil yu'un si' yu'un te sna te Dios cu'untic ta yorahil ta jujun ha'bil, scuenta yu'un ya yich' chiq'uel mahtaniletic ta scajtajib ta chiq'uel smahtan Jehová te Dios cu'untic, hich te bin ut'il ts'ihbabil ta Ley.