Levítico 24:16 - Bible in Tzeltal Bachajón

¹⁶ Te mach'a ya sbohlc'optaybe sbihil te Jehová ya me xlaj yu'un; spisil te pueblo ya ch'ojic ta ton. Teme jyanlum o slumal nix, teme ya sbohlc'optay te Bihilile, ya me xlaj.

Levítico 24:16 Referans Kwoze

San Mateo 12:31

Ha yu'un ya calbeyex, spisil muliletic soc spisil sbohlc'optayel Dios ay perdón yu'un; yan te sbohlc'optayel te Ch'ul Espíritu, mayuc perdón yu'un stuquel.

Santiago 2:7

¿Ma bal ha'uc te ya sbohlc'optaybeyic te yutsil sbihil te mach'a ayex ta scuentahe?

1 Timoteo 1:13

aunque ha jbohlc'optaywanejon, j'uts'inwanejon soc j'ixta'c'optaywanejon ta nahil to; pero la jquich' c'uxultayel yu'un te ma ba la jna' bin la jpas soc mayuc sch'uhunel co'tan a.

Hechos 26:11

Bayel buelta la jcac'ticlambe castigo ta spisil sinagogahetic, soc la jsujticlan ta sbohlc'optayel Dios; c'ax c'ahc'ubon ta scontrahinel, ay nix bohon ta yuts'inlanel ta pueblohetic yu'un jyanlumetic.

San Mateo 26:66

¿Bin xchihex yu'un? xchi. ¡Te awa'iye mulil scuenta lajel! xchihic.

Salmos 139:20

Ya sbohlc'optayat, ya stojoltabe ta halel abihil te acontrataque.

Salmos 74:18

Na'a me, Jehová, te la slabanat te contra, te pueblo te ma sna' q'uinal la slabambat abihil.

Salmos 74:10

Dios cu'un, ¿jayeb xan c'ahc'al ya xtse'lawan te contrahe? ¿Stalel bal ya sbohlc'optaybat abihil te contrahe?

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

San Marcos 14:64

La awa'iyic te sbohlc'optayel te Diose; ¿bin xchihex yu'un? xchi. Spisilic la yal te ay smul, te ya sc'an ya xlaj.

San Juan 19:7

La sjaq'uic te judíohetic: Ay ley cu'uncotic, tey ya yal a te ya me xlaj, como la yal sba te ha Snich'an Dios, xchihic.

Hechos 7:58

la sloq'uesic ta ti'pueblo soc la sch'ojic ta ton. Te testigohetic la sc'ohtsan hilel sc'u'ic ta banti teq'uel jtuhl jcolel winic, Saulo sbihil.

Éxodo 22:28

Ma me xabohlc'optay te Dios soc ma me xabohlobtesbe sc'oblal te príncipal yu'un te alumale.

2 Samuel 6:2

Hahch bahel ta Baala ta Judá soc spisil te winiquetic sjoquinej, yu'un ya yich' mohel tey a te scaxahul te chapbil-c'op yu'un Dios, te banti ya yich' halbeyel sbihil te Jehová te scuentahinej spisil, te hucul ta yohlil te querubinetique.

Levítico 20:2

Halbeya te snich'nab Israel: Mach'ayuc winiquil ta Israel, o jyanlum te nahinem ta Israel, teme ya ya'be smahtanin Moloc jtuhluc snich'an, ya me xlaj; ya yich' ch'ojel ta ton yu'un te slumale.