Levítico 24:11 - Bible in Tzeltal Bachajón

¹¹ Te yal israel-ants la slaban soc la sbohlc'optay te Bihilil; ha yu'un la yiq'uic bahel ta stojol Moisés. (Selomit sbihil te snane, ha yantsil-nich'an Dibri, sts'umbal Dan).

Levítico 24:11 Referans Kwoze

Isaías 8:21

Ay swocolic soc swi'nalic a ya xc'axic ta q'uinal; c'alal ay swi'nalic a ya me x'ilinic, ya x'ilinic soc ya yalbeyic chopol sc'oblal te ajwalil soc te Dios yu'unique.

Job 2:5

Pero hacha ac'ab yo'tic, ehchantesbeya sbaquel soc sbaq'uetal, ya me awil teme ma ba ya sbohlc'optayat ta atojol, xchi.

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Éxodo 18:26

Ha'ic la ya'iyic chahpanwanej ta spisil ora te banti ma ba tulan sc'oblal. Yan te banti chuhcul te c'op, la yich'ic tal ta stojol Moisés.

Éxodo 18:22

Ha'ic ac'a schahpanic te pueblo ta spisil ora te banti ma ba tulan sc'oblal. Yan te banti tulan te c'ope, ya yich'ic tal ta atojol. Hich ya xpehc'aj yalal a te ihcatsil ay ta acuenta, ha'ic ya scoltayat ta spasel te a'tele.

Éxodo 3:15

Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Apocalipsis 16:21

Xtitet cohel tal ta ch'ulchan ta stojol ants-winiquetic niwac bat te jun talento yalal te jujune. Te ants-winiquetic la sbohlc'optayic Dios yu'un te wocol yu'un te bate, como c'ax tulan te wocole.

Apocalipsis 16:11

soc la sbohlc'optayic Dios te ay ta ch'ulchan ta scaj sc'uxul te swocolic soc te schacalique; ma ba la suhtes yo'tanic yu'un te bintic spasojique.

1 Timoteo 1:13

aunque ha jbohlc'optaywanejon, j'uts'inwanejon soc j'ixta'c'optaywanejon ta nahil to; pero la jquich' c'uxultayel yu'un te ma ba la jna' bin la jpas soc mayuc sch'uhunel co'tan a.

Romanos 2:24

como hich ts'ihbabil: Ta acajic ya stoybac'optaybeyic te sbihil Dios te jyanlumetic, te xchihe.

San Mateo 26:65

Ha yu'un te muc'ul sacerdote la sch'i' sc'u', hich la yal: ¡La sbohlc'optayix Dios! ¿Bin xan stuc cu'untic yan testigohetic? La awa'iyiquix te la sbohlc'optay te Diose.

Salmos 74:22

¡Dios cu'un, hahchan, c'opojan atuquel! ¡Na'a me bin ut'il ya slabanat jujun c'ahc'al te mach'atic ma sna'ic q'uinal!

Salmos 74:18

Na'a me, Jehová, te la slabanat te contra, te pueblo te ma sna' q'uinal la slabambat abihil.

Job 1:22

Ta spisil ini ma ba la sta smul te Job soc ma ba la ya'be smulin te Diose.

Job 1:11

Pero te yacuc ahach ac'ab yo'tic ta spojbeyel spisil te bintic ay yu'une, ya me awil teme ma ba ya sbohlc'optayat ta atojol, xchi.

Job 1:5

Ta jujun buelta te ya xlaj te q'uin yu'unic, te Job ya sticon ta iq'uel soc ya slecubtesbe sc'oblalic. Ya xhahch ta sab, ya yac' scohtol chic'bil mahtaniletic ta scuenta jaytuhlic, yu'un hich ya yal te Job: Ay wan la sta smulic te jnich'nab soc ay wan la slabanic Dios ta yo'tanic, xchi. Hich la spasulan ta spisil ora.

2 Reyes 19:22

¿Mach'a a te la awixta'c'optay, soc mach'a a te la abohlc'optay? ¿Mach'a a te la atoy ac'op ta scontrahinel, soc te la ahach mohel asit scuenta toybahil? ¡Ha la acontrahin te Ch'ul Dios yu'un Israel!

2 Reyes 19:10

Hich yac awalbe te Ezequías ajwalil yu'un Judá: Ma me xawac' slo'loyat te Dios awu'un te ha smuc'ulinej awo'tan, te hich ya yal: Ma ba ya x'och ta sc'ab te ajwalil yu'un Asiria te Jerusalén, te xchihe.

2 Reyes 19:6

hich halbotic yu'un: Hich me xawalbeyic te ajwalil awu'unic: Hich ya yal te Jehová: Ma xiwat yu'un te sc'op te la awa'iy, te la sbohlc'optayon a te a'batetic yu'un te ajwalil yu'un Asiria.

2 Reyes 18:37

Te mayordomo Eliaquim snich'an Hilcías, te Sebna te jts'ihbajel soc Joa te secretario talic ta stojol Ezequías, sch'i'ojix sc'u'ic a la yalbeyic ya'iy te bin la yal te mach'a tulan ya'tel.

2 Reyes 18:35

¿Mach'a diosil ta spisil te diosetic yu'un te q'uinaletic ini te hu' scoltaybel loq'uel ta jc'ab? ¿Bin ut'il ya xhu' yu'un te Jehová te ya scoltay loq'uel ta jc'ab te Jerusalén? xchi.

2 Reyes 18:30

Ma me xya'beyex smuc'ulin awo'tanic te Jehová te Ezequías te hich ya yal: Ta mero melel ya me yac'otic ta libre te Jehová soc ma ba ya yac' te ya x'och ta sc'ab ajwalil yu'un Asiria te pueblo ini, te xchihe.

1 Reyes 21:13

Talic cha'tuhl chopol winiquetic, la shuhcan sbahic ta stojol. La yalic testigo c'op ta scontra Nabot ta stojol te pueblo, hich la yalic: Te Nabot la yixta'c'optay Dios soc te ajwalil, xchihic. Hich la sloq'uesic bahel ta ti'pueblo, tey c'oht smilic ta ch'ojel ta ton a.

1 Reyes 21:10

Ac'a cha'tuhl chopol winiquetic ta stojol te hich ya yalic ta testigo ta scontrahinel: Ha'at la awixta'c'optay Dios soc te ajwalil, xchihic. Hich yac aloq'uesic te Nabot, yac amilic ta ch'ojel ta ton, xchi.

2 Samuel 12:14

Pero te bin ut'il hich la ap'aj a te Jehová, te alal te ayinemix ya me xcham, xchi.

Éxodo 22:28

Ma me xabohlc'optay te Dios soc ma me xabohlobtesbe sc'oblal te príncipal yu'un te alumale.

Levítico 24:10

Ta hich ora ay jtuhl winic te ha yal jtuhl israel-ants, pero ha egipcio-winic te state, loc' bahel ta yohlil te snich'nab Israel. Te yal israel-ants soc jtuhl israel-winic la stsac sbahic ta campamento.