Levítico 23:40 - Bible in Tzeltal Bachajón

⁴⁰ Ta sba c'ahc'al yac awich'ic tal te sit yu'un te mero lequil te'etic, soc ya'binal xahn, sc'ab te'etic te bayel ya'binal soc sauce-te'etic ay ta ti'ti'ha'etic; huqueb c'ahc'al buen tse'eluc me awo'tanic ta stojol Jehová te Dioson awu'unique.

Bible in Tzeltal de Oxchuc y Tenejapa

⁴⁰ Ta sbabial c'aal ya me awich'ic tel te sc'abc'ab mero t'ujbil te'etic, yabenal xanetic, yabenal mero t'ujbil muc'ul te'etic soc sauce-te'etic ta ti'ti'ja'etic. Juqueb c'aal binuc nax me awo'tanic ta jtojol jo'on te Ajwalilon te Dioson awu'unique.

Levítico 23:40 Referans Kwoze

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

Filipenses 4:4

Spisiluc me ora tse'eluc awo'tanic ta stojol te Cajwaltique. Ya jcha'halbeyex xan: ¡Tse'eluc me awo'tanic!

Romanos 5:11

Soc ma ha'uc nax ini, ha tse'elix co'tantic ta stojol Dios ta scuenta te Cajwaltic Jesucristo, te ha ta scuenta te junix co'tan jbahtic soque.

San Juan 16:22

Ha nix hichex, ayex ta mel-o'tan ta ora ini, pero ya jcha'ilex xan, hich ya xtal stse'elil awo'tanic yu'un, soc mayuc mach'a ya sloq'uesbeyex te stse'elil awo'tanique.

San Juan 12:13

la yich'ic bahel ya'binal xahn soc baht stahic tal te Jesús, hich la yalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltic, te Ajwalil yu'un Israel! xchihic ta aw.

San Mateo 21:8

Te bayel ants-winiquetic la slimticlan smuc'ul-c'u'ic ta be; ay yantic te la sbojticlanic tal ya'binal te', la sji'ic bahel ta be.

Isaías 35:10

Te mach'atic colemic ta libre yu'un te Jehová yaquic ta c'ayoj a ya suhtic tal ta Sión; spisil ora tse'el yo'tanic. Ay yutsil q'uinal ya ya'iyic soc tse'el-o'tanil, ya x'ahn bahel te mel-o'tan soc ahcan.

1 Pedro 1:8

Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Isaías 66:10

Bayeluc me yutsil awo'tanic soc Jerusalén, tse'eluc me awo'tanic yu'un, apisilic te c'ux yac awa'iy ta awo'tanic; nojeluc me yutsil awo'tanic, apisilic te yac amel awo'tanic ta scuenta,

Salmos 92:12

Te mach'a toj yo'tan hich me ya xnichinic te bin ut'il xahn, hich ya xmuc'ubic te bin ut'il cedro ta Líbano;

Levítico 23:39

Ta yo'lajunebal c'ahc'al ta shuquebal u, te c'alal tsobilix awu'unic a te sit ya yac' te lumq'uinal, ya me apasic q'uin huqueb c'ahc'al ta stojol Jehová. Ya me acux awo'tanic ta sba c'ahc'al soc ta swaxaquebal c'ahc'al.

Levítico 23:41

Ta jujun ha'bil ya me apasic q'uin ta stojol Jehová huqueb c'ahc'al. Ha mandaril te ma xlaj sc'oblal ta cajalcaj ats'umbalic. Ya me apasic ta shuquebal u.

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Salmos 137:2

La johc'antic ta sauce-te'etic te arpahetic cu'untique.

Isaías 44:4

hich ya xcolic tal te bin ut'il ha'mal, hich te bin ut'il sauce-te'etic ta ti' muc'ul-ha'.

Deuteronomio 12:12

Buen tse'eluc me awo'tanic ta stojol te Jehová te Dios awu'unic, ha'at soc awal-anich'nab, te a'batetic soc criadahetic awu'unic, soc te levita te ya xnahin ta pueblohetic awu'unic, como ma ba pajal a'bot sq'uinalic soc te ha'exe.