Levítico 23:39 - Bible in Tzeltal Bachajón

³⁹ Ta yo'lajunebal c'ahc'al ta shuquebal u, te c'alal tsobilix awu'unic a te sit ya yac' te lumq'uinal, ya me apasic q'uin huqueb c'ahc'al ta stojol Jehová. Ya me acux awo'tanic ta sba c'ahc'al soc ta swaxaquebal c'ahc'al.

Bible in Tzeltal de Oxchuc y Tenejapa

³⁹ “Ta yo'lajunebal c'aal sjajch'el te sjuquebal u, te c'alal la atsobiquix a te sit awawal-ats'unubic, ya me apasic juqueb c'aal q'uin swenta quich'jibal ta muc' jo'on te Ajwalilone. Soc ya me acux awo'tanic ta sbabial c'aal soc nix ta swaxaquebal c'aal.

Levítico 23:39 Referans Kwoze

Éxodo 23:16

Soc ya me apas te Q'uin yu'un C'ajoj, ha te sba sit awa'tel, te bin la ats'un ta aq'uinal. Soc ya me apas te Q'uin yu'un Tsobel ta slajel te ha'bil te c'alal yac atsob te sit awa'tele.

Deuteronomio 16:13

Ya me apas huqueb c'ahc'al te Q'uin yu'un Yaxnahetic, te c'alal lajix awo'tan ta sbojel a te atrigo soc ta spits'el ats'usub.

Levítico 23:34

Halbeya te snich'nab Israel: Ta yo'lajunebal c'ahc'al ta shuquebal u, ya me yich' pasel scuenta huqueb c'ahc'al te Q'uin yu'un Yaxnahetic ta stojol Jehová.

Levítico 23:36

Huqueb c'ahc'al yac awa'beyic chic'bil mahtanil te Jehová; ta swaxaquebal c'ahc'al ay ch'ul tsoblej awu'unic soc yac awa'beyic chic'bil mahtanil te Jehová. Ha q'uin, ma me xapas awa'telic a.

Levítico 23:24

Halbeya te snich'nab Israel: Ta sba c'ahc'alil ta shuquebal u ay me sc'ahc'alel cux-o'tan awu'unic, ha ch'ul tsoblej awu'unic te c'alal ya x'oc' xulubiletic.

Levítico 23:38

soc xan te sc'ahc'alel cux-o'tan yu'un Jehová, te yan mahtaniletic awu'unic, te bin yac awaq'uic yu'un te bin achapojic, soc spisil te mahtaniletic scuenta sc'anojel awo'tanic te c'ahyemex ta ya'beyel te Jehová.

Levítico 23:40

Ta sba c'ahc'al yac awich'ic tal te sit yu'un te mero lequil te'etic, soc ya'binal xahn, sc'ab te'etic te bayel ya'binal soc sauce-te'etic ay ta ti'ti'ha'etic; huqueb c'ahc'al buen tse'eluc me awo'tanic ta stojol Jehová te Dioson awu'unique.