Levítico 23:32 - Bible in Tzeltal Bachajón

³² Ha sc'ahc'alel cux-o'tan awu'unic, ya me acom awe'elic; ya xhahch ta stibiltayel q'uinal ta sbalunebal c'ahc'al yu'un te u; ta stibiltayel q'uinal c'alal ta yan stibiltayel q'uinal ya me acux awo'tanic, xchi.

Bible in Tzeltal de Oxchuc y Tenejapa

³² Sc'aalelal me cux-o'tan soc scomel awe'elic; ya me xjajch' awajtayic ta yijc'ubel q'uinal ta sbalunebal c'aal sjajch'el a te u, c'alal to ta yijc'ubel q'uinal ta xchebal c'aal —xi'.

Levítico 23:32 Referans Kwoze

Hebreos 4:11

Ha yu'un ac'a me cac'tic fuersa te yacuc x'ochotic ta banti ay te cux-o'tanil, scuenta yu'un mayuc mach'a ya xyahl ta scuenta sc'axuntayel c'op hich te bin ut'il la spasique.

Hebreos 4:3

Yan te jayebotic te jch'uhunejtiquix ya xhu' ya x'ochotic ta banti ay te cux-o'tanil, hich te bin ut'il yaloj te Diose: Ha yu'un la jcal ta jamal ta scuenta quilimba: Mayuc bin ora ya x'ochic ta banti ay te cux-o'tanil cu'une, xchi, aunque hu'emix ya'tel c'alal to ta shahchibal te bahlumilale,

1 Corintios 11:31

Ha yu'un teme ya jtsahtay co'tantic, ma ba ya jtahtic ich'el ta c'op.

San Mateo 5:4

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Salmos 51:17

Te mahtaniletic ya sc'an te Diose, ha te pich'il-o'tanile; ma ba yac ap'aj, Dios cu'un, te mach'a pich'il yo'tan soc te ya smel yo'tan yu'un te smule.

Salmos 35:13

Pero te ho'one, te c'alal tsacotic ta chamel, la jlap pac' yu'un mel-o'tan; la jcac' jwocol ta scomel jwe'el, suht ta jtojol te bin la jc'ambe Dios.

Levítico 23:27

Ta slajunebal c'ahc'alil ta shuquebal u, ha me te Sc'ahc'alel Stojel Mulil; ay me ch'ul tsoblej awu'unic, ya me acom awe'elic soc ya me awa'beyic chic'bil mahtanil te Jehová.

Levítico 16:31

Ha sc'ahc'alel cux-o'tan awu'unic soc te yac acom abahic ta spasel te bin scuenta abaq'uetal; ha mandaril te ma xlaj sc'oblal.

Levítico 23:31

Ma me ayuc bin a'telil yac apasic a; ha mandaril te ma xlaj sc'oblal ta cajalcaj ats'umbal ta bayuc te ya xnahinex.

Levítico 23:33

Te Jehová la yalbe te Moisés:

Nehemías 13:19

C'alal yac ta ihc'ubel bahel q'uinal a, ma to stahoj yorahil sc'ahc'alel cux-o'tanil a, la jcal mandar te ac'a yich'ticlan maquel te puertahetic yu'un Jerusalén soc ma ba ya yich' jamel ha to c'alal c'axix a te sc'ahc'alel cux-o'tanil. Soc la jcac' a'batetic cu'un ta puertahetic scuenta yu'un ma ba ya x'och tal ihcatsil ta sc'ahc'alel cux-o'tanil.

Levítico 16:29

Ha mandaril awu'unic ini te ma xlaj sc'oblal: Ta lajuneb c'ahc'al yu'un te shuquebal u ya me acom abahic ta spasel te bin scuenta abaq'uetal, soc ma ba yac apas awa'telic a, te mach'a ha nix slumal soc te jyanlum nahinem ta awohlilique,