Levítico 23:27 - Bible in Tzeltal Bachajón

²⁷ Ta slajunebal c'ahc'alil ta shuquebal u, ha me te Sc'ahc'alel Stojel Mulil; ay me ch'ul tsoblej awu'unic, ya me acom awe'elic soc ya me awa'beyic chic'bil mahtanil te Jehová.

Bible in Tzeltal de Oxchuc y Tenejapa

²⁷ —Ta slajunebal c'aal sjajch'el te sjuquebal u, ya me xc'ot Sc'aalelal Perdón. Ya me sc'an te ya apasic ch'ul tsoblej, soc ya me acom awe'elic ta sjunal c'aal. Ya me achiq'uic majt'anil swenta quich'jibal ta muc' jo'on te Ajwalilone.

Levítico 23:27 Referans Kwoze

Éxodo 30:10

Jun buelta ta jujun ha'bil te Aarón ya me yac' ta sba te xulubetic te sch'ich'el te milbil mahtanil scuenta stojel mulil. Ya me spas te stojel mulil tey a jun buelta ta jujun ha'bil ta cajalcaj ats'umbalic. Ha mero ch'ultesbil yu'un Jehová, xchi.

Levítico 16:24

Ya x'atin ta lugar te ch'ultesbil, patil ya slap sc'u' spac' soc ya xloc' bahel, ya yac' te scohtol chic'bil mahtanil yu'un soc yu'un te pueblo, hich ya spasbe te stojel smul soc te smul te pueblohe.

Levítico 16:15

Patil ya smil te tat tentsun scuenta mahtanil yu'un smul te pueblo, ya yich'be ochel te sch'ich'el ta yutil te tsalul pac'; hich ya spas te bin ut'il la spasbe te sch'ich'el te jcolel toro, ya stsihtsimbe ta sba soc ta stojol te yawil stahel perdón.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Isaías 58:5

¿Hich bal scomel we'elil te la jc'an, te ay jun c'ahc'al te ya spehc'an sba te winic, te ha nax ya snijan sba hich te bin ut'il jalal soc te ya xway ta ch'ixal-pac' soc ta tan? ¿Ha bal scomel we'elil sbihil awu'unic soc sc'ahc'alel te lec yo'tan yu'un te Jehová?

Esdras 8:21

La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Levítico 25:9

Ya me awac' ta tulan oq'uesinel xulubil ta slajunebal c'ahc'alil yu'un te shuquebal u; ta Sc'ahc'alel Stojel Mulil yac awoq'uesinic xulubil ta spahmal aq'uinal.

Levítico 16:11

Te Aarón ya yic' tal te jcolel toro te ya xtuhun scuenta mahtanil yu'un smul, ya smil te jcolel toro scuenta milbil mahtanil yu'un smul soc smul te mach'atic ay yu'un ta sna.

Santiago 4:9

Mela awo'tanic, oq'uetaya abahic. Ac'a sutp'ijuc ta oq'uel te atse'ejic, soc ac'a sutp'ijuc ta mel-o'tan te stse'elil awo'tanique.

Salmos 35:13

Pero te ho'one, te c'alal tsacotic ta chamel, la jlap pac' yu'un mel-o'tan; la jcac' jwocol ta scomel jwe'el, suht ta jtojol te bin la jc'ambe Dios.

Hechos 27:9

C'axix bayel c'ahc'al a, yorahilix wocol behel ta barco a, te bin ut'il c'axix yorahil te scomel we'elil, ha yu'un te Pablo la ya'be sna'ic te bin lec ta pasel, hich la yal:

Levítico 23:26

Te Jehová la yalbe xan te Moisés:

Levítico 23:28

Ma me ayuc bin a'telil yac apasic a, como ha Sc'ahc'alel Stojel Mulil, yu'un ya yich' tojel amulic ta stojol Jehová te Dios awu'unique.

Levítico 16:16

Hich ya slecubtesbe sc'oblal a te ch'ul awilal ta scaj sbohlilic te snich'nab Israel soc stoybahilic soc spisil smulic. Hich nix ya spasbe te Nahilpac' Templo yu'un tahojibal te ay ta yohlil te sbohlilique.