Levítico 23:11 - Bible in Tzeltal Bachajón

¹¹ Te sacerdote ya stuchilan te sba tohmol ta stojol Jehová scuenta yu'un hich ay ta cuenta ya xc'ohex a; ya stuchilan ta schebal c'ahc'al te sc'ahc'alel cux-o'tan.

Bible in Tzeltal de Oxchuc y Tenejapa

¹¹ Ta xchebal c'aal te sc'aalelal cux-o'tan, te sacerdote ya me stoyilay ta jtojol jo'on te Ajwalilone, swenta yu'un jich me ya stsacbot a.

Levítico 23:11 Referans Kwoze

Éxodo 29:24

Ya me awa'be spisil ta sc'ab Aarón soc ta sc'ab te snich'nab, ya me atuchilan scuenta tuchilambil mahtanil ta stojol Jehová.

Levítico 10:14

Ha'at soc te aquerem-nich'nab soc awantsil-nich'nab te sjoquinejat, tey ta lugar te lec sc'oblal yac awe'ic te stahn la yich' tuchilanel soc te ya' te a'bibil, como ha te bin ac'bil ta acuentahic soc anich'nab te loq'uem ta milbil mahtanil scuenta lamal q'uinal te ya yaq'uic te snich'nab Israel.

Levítico 9:21

pero ta schebal stahn soc te swa'el ya' la stuchilan te Aarón scuenta tuchilambil mahtanil ta stojol Jehová, hich te bin ut'il halbot te Moisés.

Éxodo 28:38

Hich ay ta sti'ba te Aarón, ha ya scuch te mulil ya xchicnaj ta scuenta spisil te bintic ch'uhltesbilic te ya yaq'uic te snich'nab Israel ta scuenta ch'ul mahtaniletic yu'unic. Spisil me ora ay ta sti'ba scuenta yu'un lecuc me sc'oblalic ta stojol te Jehová.

Levítico 23:10

Halbeya te snich'nab Israel: Te c'alal ya x'ochex bahel ta q'uinal te ya ca'beyex, te c'alal yac awa'iyic c'ajoj, ya me awich'be tal ta stojol sacerdote te sba tohmol yu'un te ac'ajoje.

Levítico 23:12

Te bin c'ahc'alil yac awac' te jtohm, ya me awac' jcoht jcolel tuminchij te ay jun ya'bilal, te mayuc bin jihnem yu'un, scuenta scohtol chic'bil mahtanil ta stojol Jehová.

Rut 1:22

Hich suht tal te Noemí, joquinot tal yu'un Rut te yalib, te moab-ants; loq'uic tal ta sq'uinal Moab, hulic ta Belén ta yorahil shahchel ta bojel te cebada.