Levítico 22:21 - Bible in Tzeltal Bachajón

²¹ Ha nix hich, teme ay mach'a ya ya'be milbil mahtanil scuenta lamal q'uinal te Jehová scuenta sc'ohtesel ta pasel te bin schapoj, o mahtanil scuenta nax sc'anojel yo'tan, teme wacax, tuminchij o tentsun, scuenta yu'un ya x'ich'bot ta cuenta a ma me ayuc bin jihnem yu'un te bin ya yaq'ue.

Bible in Tzeltal de Oxchuc y Tenejapa

²¹ “Mach'auc a teme ya yac'bon milbil majt'anil swenta lamal-o'tanil, o teme yu'un jich ya yac' c'otuc ta pasel te bila chapal yu'un, o teme majt'anil swenta nax spasemal yo'tan, ya me sc'an te toro ya yac', o chij, pero ja' me te ma'yuc bila boloben ta sbaq'uetal, melel teme ay bila boloben ta sbaq'uetal te chambalame, ma me stsacbot stuquel.

Levítico 22:21 Referans Kwoze

Números 15:8

Teme yac awa'be jcoht toro yu'un scohtol chic'bil mahtanil o milbil mahtanil scuenta bin la yich' chapel o scuenta lamal q'uinal ta stojol Jehová,

Números 15:3

soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

Levítico 3:6

Yan teme ya ya'be Jehová milbil mahtanil scuenta lamal q'uinal jcoht tuminchij o tentsun, teme stat o yantsilel, ya me yac' te ban mayuc bin jihnem yu'une.

Levítico 3:1

Teme ha ya yac' milbil mahtanil scuenta lamal q'uinal, teme ya yac' wacax, teme stat o yantsilel, ya me yac' ta stojol Jehová te mayuc bin jihnem yu'un.

Proverbios 7:14

Caloj te ya cac' milbil mahtanil scuenta lamal-o'tanil, nax to c'oht ta pasel cu'un te bin caloj ta jamal.

Salmos 50:14

Ha'uc me smahtan awu'un ta stojol Dios te yalbeyel wocol, soc pasa te bin awalbeyej ta jamal te Dios te mero toyol ay.

Génesis 28:20

Hich la yal ta jamal te Jacob: Teme yu'un ya sjoquinon te Dios, soc teme ya scanantayon ta banti ya xbohon, teme ya ya'bon jwe'el soc jc'u' jpac',

Éxodo 35:29

Spisil te snich'nab Israel, winiquetic soc antsetic, te la sc'an yo'tanic te ay bin ya yich'ic tal yu'un te a'tel te halbot yu'un Jehová te Moisés te ya yich' pasele, ta stuquel-o'tanic la yich'beyic tal smahtan te Jehová.

Levítico 22:22

Ma me xawa'beyic Jehová chambahlam te ts'o'sit, te waq'uem yoc, ay bin jihnem, ay sch'ohquil, ay salul o te ay schinul, ma me xawaq'uic ta chic'bil mahtanil ta scajtajib ta chiq'uel mahtanil yu'un Jehová.