Levítico 22:2 - Bible in Tzeltal Bachajón

² Halbeya te Aarón soc te snich'nab te ya me stsahtay sbahic ta lec yu'un te bintic ch'ultesbil te ya ya'bonic te snich'nab Israel, ma me sbohlobtesbonic sc'oblal te jch'ul bihile. Ho'on, Jehovahon.

Bible in Tzeltal de Oxchuc y Tenejapa

² —Albeya te Aarón soc snich'nab, te ya me sc'an ya stsajtay sba ta lec yu'un te bitic ch'ultesbil ya yac'bonic te israeletic, swenta yu'un ma me sboltesbonic sc'oplal te jch'ul-biile. Jo'on Ajwalilon.

Levítico 22:2 Referans Kwoze

Deuteronomio 15:19

Parte me xawac' ta stojol Jehová te Dios awu'un teme squelmal te sba-al wacaxetic, tuminchijetic soc tentsunetic awu'une. Ma me xawac' x'a'tejuc te squelmal sba-al j'a'tel-wacax awu'un soc ma me xaloq'uesbe stsotsel te squelmal sba-al tuminchijetic o tentsunetic awu'un.

Levítico 18:21

Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

Números 18:32

Ma ba yac ata amulic a teme la awaq'uic ta banti leque. Hich ma ba yac abohlobtes te bintic ch'ultesbil yu'un te snich'nab Israel, soc ma ba ya xchamex yu'un, xchi.

Levítico 22:32

Ma me xabohlobtesbonic sc'oblal te jch'ul bihil, scuenta yu'un ch'ul Dioson ya xc'ohon ta yohlil te snich'nab Israel. Ho'on, Jehovahon, te ya jch'ultesex,

Levítico 19:12

Ma me ayuc bin jc'axel yac awalic ta jamal ta lot te yac atahbonic ta halel jbihil a, te hich yac ajimbe sc'oblal a te sbihil te Dios awu'unique. Ho'on, Jehovahon.

Éxodo 28:38

Hich ay ta sti'ba te Aarón, ha ya scuch te mulil ya xchicnaj ta scuenta spisil te bintic ch'uhltesbilic te ya yaq'uic te snich'nab Israel ta scuenta ch'ul mahtaniletic yu'unic. Spisil me ora ay ta sti'ba scuenta yu'un lecuc me sc'oblalic ta stojol te Jehová.

Éxodo 13:12

ya me awa'be te Jehová spisil te ba-alal queremetic; soc ha nix hich spisil te sba-quelmal te achanabahlamic, ha me yu'un Jehová.

Levítico 21:6

Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Levítico 20:3

Ma lecuc co'tan yu'un te winique, ya jloq'ues bahel ta yohlil te slumal yu'un te la ya'be smahtanin Moloc te snich'ane, hich la yac' bohlobuc sc'oblal te ch'ul templo cu'un soc la yac' jihnuc sc'oblal te jch'ul bihile.

Levítico 15:31

Hich parte yac awaq'uic a te snich'nab Israel yu'un te bin bohloben sc'oblal yu'une, scuenta yu'un ma ba ya xchamic yu'un te bin bohloben sc'oblal te ya sbohlobtesbe sc'oblal a te nahilpac' cu'un te ay ta yohlilique, xchi te Jehová.

Levítico 22:1

Te Jehová la yalbe te Moisés:

Esdras 8:28

Hich la jcalbeyic: Ha'ex soc te bintic ya xtuhun, ch'ultesbilex ta stojol Jehová; te plata soc te oro ha mahtaniletic te ac'bilic ta sc'anojel-o'tanil ta stojol Jehová te Dios yu'un te jme'jtatique.

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

Ezequiel 44:8

Ma ba ach'uhunejic spasel te bintic chahpambil sc'oblal te bintic ch'uhltesbilic cu'un, la awa'beyic scuentahin jyanlumetic te templo cu'une.