Levítico 22:18 - Bible in Tzeltal Bachajón

¹⁸ Halbeya te Aarón soc snich'nab soc spisil te snich'nab Israel: Mach'ayuc winiquil ta Israel o jyanlum ay ta Israel te ya yac' mahtanil scuenta sc'ohtesel ta pasel te bin schapoj, o ta scuenta nax sc'anojel yo'tan ya ya'be scohtol chic'bil smahtan te Jehová,

Bible in Tzeltal de Oxchuc y Tenejapa

¹⁸ —C'opona te Aarón soc snich'nab soc ta spisil te israeletic, jich me xawalbey: “Teme ay israel o jyanlum te nainem ta awolilic te ya yac'bon ta jtojol jcojt' chambalam swenta jmajt'an te scojt'ol ya yich' chiq'uel, teme yu'un jich ya xc'ot ta pasel a te bila xchapoj, o teme yu'un swenta nax spasemal yo'tan ya yac'bon jmajt'an,

Levítico 22:18 Referans Kwoze

Deuteronomio 12:6

Tey yac awaq'uic a te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic, te mahtaniletic yu'un te bin jc'axel awalojic ta jamal, te mahtaniletic yac awaq'uic scuenta sc'anojel awo'tanic, soc te sba-al te wacaxetic, tuminchijetic soc tentsunetic awu'unique.

Números 15:3

soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

Levítico 1:2

Halbeya te snich'nab Israel: Teme ay mach'a ya ya'be smahtan te Jehová, ya xhu' ya yac' wacax, tuminchij o tentsun.

Hechos 18:18

Bayel c'ahc'al halaj tey a te Pablo. Patil la sc'opon hilel te yermanotac, och ta barco, baht ta sq'uinal Siria, sjoquinej bahel te Priscila soc Aquila. Ta Cencrea te Pablo la yac' ta quits'el sjol yu'un ay bin schapoj ta stojol Dios.

Nahúm 1:15

¡Ilawil, tey ta sba witsiltic ay te yoc te mach'a ya yich' tal te lec yach'il c'op, te ya yalbe sc'oblal te lamal q'uinale! Pasa te q'uinetic awu'un, Judá, c'ohtesa ta pasel te bintic awaloj ta jamal, como mayuquix bin ora ya yochintayat te mach'a chopol yo'tan; jc'axel la yich'ix lajinel.

Jonás 2:9

Pero te ho'one, ta scuenta yalel wocol, ya ca'bat milbil mahtanil; ya jpas te bin caloj ta jamal ta atojol. ¡Yu'un Jehová te colele! xchi ta sc'oponel Dios.

Jonás 1:16

Hich te winiquetic bayel la xi'ic te Jehová; la ya'beyic milbil smahtan soc ay bin la yalic ta jamal ta stojol.

Eclesiastés 5:4

Teme ay bin yac awal ta stojol Dios, ma me xhalajat ta spasel, como ma smulan te mach'a ma sna' q'uinal. Pasa te bin awaloje.

Salmos 116:18

Ya jpas te bintic caloj ta stojol Jehová ta stojol spisil te pueblo yu'un,

Salmos 116:14

Ya jpas te bintic caloj ta stojol Jehová ta stojol spisil te pueblo yu'une.

Salmos 66:13

Ya x'ochon ta templo awu'un soc scohtol chic'bil mahtanil, ya jpas te bin caloj ta atojol,

Salmos 65:1

Dios cu'un, ha'at awu'un te ya yich' halbeyel yutsil ac'oblal ta Sión, ya me xc'oht ta pasel cu'uncotic te bintic calojcotic ta atojole.

Salmos 61:8

Hich me ya jc'ayojtaybat abihil spisil ora, soc jujun c'ahc'al ya cac' c'ohtuc ta pasel te bintic ya cal ta jamal ta atojole. Yu'un jach-c'ayoj; ta stojol Jedutún. Salmo yu'un David.

Salmos 61:5

Como ha'at Dios cu'un, awa'iyej te bin caloj ta atojol, la awa'bon te bin ya yich'ic hilel te mach'atic ya xi'ic te abihile.

Salmos 56:12

Dios cu'un, ay ta jtojol te bintic calbeyejat ta jamal; ya ca'bat amahtan yu'un yalel wocol ta atojol,

Salmos 22:25

Ya xtal ta atojol te bin ya calbe yutsil sc'oblal yu'un ta yohlil te muc'ul tsoblej; te bin jchapoj ya cac' c'ohtuc ta pasel ta stojol te mach'atic ya yich'at ta muc'.

Deuteronomio 16:10

Ya me apas te Q'uin yu'un Semanahetic ta scuenta yich'el ta muc' te Jehová te Dios awu'un; a'beya mahtaniletic yu'un sc'anojel awo'tan, chican te jayeb bendición ya'beyejat Jehová te Dios awu'une.

Deuteronomio 12:17

Ma me xawe' ta pueblohetic awu'un te jun ta slajunebal te trigo, vino, aceite, te sba-al wacaxetic, tuminchijetic o tentsunetic, te mahtaniletic jc'axel awaloj ta jamal yac awac', te mahtaniletic yac awac' ta sc'anojel awo'tan, o te tuchilambil mahtaniletic awu'un te yac awac',

Levítico 23:38

soc xan te sc'ahc'alel cux-o'tan yu'un Jehová, te yan mahtaniletic awu'unic, te bin yac awaq'uic yu'un te bin achapojic, soc spisil te mahtaniletic scuenta sc'anojel awo'tanic te c'ahyemex ta ya'beyel te Jehová.

Levítico 17:13

Mach'ayuc winiquil ta Israel o jyanlum nahinem ta awohlilic te ya snuts chambahlam o mut te lec ta we'ele, ya me smalbe sch'ich'el soc ya smucbe ta lum,

Levítico 17:10

Mach'ayuc winiquil ta sna Israel o jyanlum te nahinem ta awohlilic te ya swe' ch'ich', ma lecuc co'tan yu'un te mach'a ya swe' ch'ich, ya me jloq'ues ta yohlil te slumale.

Levítico 7:16

Yan teme ha mahtanil yu'un sc'op schapoj, o teme scuenta nax sc'anojel yo'tan, ya yich' we'el ta sc'ahc'alel nix te la yich' aq'uele; teme ay to hile, ya xhu' ya swe'ic ta schebal c'ahc'al;

Levítico 1:10

Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Éxodo 12:5

Te chambahlam ma me ayuc bin jihnem yu'un soc ha me stat te ay jun ya'bilal. Ya xhu' yac atsaquic tuminchij o tentsun.

Levítico 22:17

Te Jehová la yalbe xan te Moisés:

Amós 4:5

Ac'a pan te yich'oj levadura scuenta mahtanil ta yalel wocol, soc pucbeyahic ta bayuc sc'oblal te mahtaniletic te sc'anojel awo'tan yac awaq'uique, como hich yac ac'anic, snich'nabex Israel, xchi te Jehová, te Ajwalil.

Malaquías 1:14

Chopol sc'oblal te mach'a ya xlo'loywan, te ay stat tuminchijetic ta jtsohb yu'un te yaloj te ya yaq'ue, pero ha ya ya'be smahtanin Jehová te bin ma lecuque. Como ho'on Muc'ul Ajwalilon, xchi te Jehová te scuentahinej spisil, soc xi'bil te jbihil ta yohlil te nacionetique.

2 Crónicas 31:14

Te levita Coré snich'an Imna, te jcanan-ti'nahil ta stojol banti ya xloc' tal c'ahc'al, scuentahinej te mahtaniletic yac'ojic ta sc'anojel yo'tanic ta stojol Dios, soc scuentahinej spuquel te mahtaniletic ac'bilic ta stojol Jehová soc te bintic ch'ultesbilique.