Levítico 22:11 - Bible in Tzeltal Bachajón

¹¹ Yan teme ya sman jtuhl ya'bat te sacerdote, ya xhu' ya swe' stuquel, hich nix te bin ut'il te mach'a ayinem ta sna ya xhu' ya swe' te we'elil yu'une.

Bible in Tzeltal de Oxchuc y Tenejapa

¹¹ “Teme ay ya sman ta staq'uin yabat te sacerdote, ya me xju' ya swe' stuquel te bila ch'ultesbil te abate. Ja' nix jichic te mach'atic tey ayinix ta q'uinal ta sna te sacerdote, ya me xju' ya swe'bey swe'el te sacerdote.

Levítico 22:11 Referans Kwoze

Génesis 17:13

Te mach'a ya x'ayin ta ana soc te mach'a mambil awu'un ta ataq'uin, ya me yich' te circuncisión. Ha seña ta abaq'uetalic te chapbil-c'op cu'un te stalel ay.

Éxodo 12:44

Pero spisil te a'batetic te mambilic ya xhu' ya swe'ic stuquelic, teme nahil la awa'be circuncisión.

Génesis 12:5

Te Abram la yic' bahel te Sarai ha te yihnam, soc Lot te snich'an yihts'in, soc spisil sbiluc stahoj soc spisil mach'atic la sta ta Harán, loq'uic bahel, bahtic ta sq'uinal Canaán. C'ohtic ta sq'uinal Canaán,

Levítico 22:12

Te yantsil-nich'an sacerdote teme, ya xnuhpun soc te mach'a ma sacerdotehuc, ma xhu' ya swe' te mahtanil yu'un te bintic ch'ultesbilique.

Levítico 21:22

Ya xhu' ya swe' te we'elil yu'un Dios, te bin mero ch'ultesbil soc te bintic ch'ultesbile.

Números 18:9

Ha awu'un ya xc'oht te mahtanil yu'un te bintic ch'ultesbil te ma ba ya xlaj ta chiq'uel, spisil te mahtaniletic ya yaq'uic, ha te mahtanil harina, te mahtaniletic yu'un stojel mulil, soc mahtaniletic yu'un stahel falta, ha mero ch'ultesbil awu'un soc anich'nab ya xc'oht.