Levítico 22:10 - Bible in Tzeltal Bachajón

¹⁰ Ma mach'ayuc nax ya xhu' ya swe' te bin ch'ultesbile. Te yula' te sacerdote o te mach'a yac ta stojel ta a'tel ma xhu' ya swe' te bin ch'ultesbil.

Bible in Tzeltal de Oxchuc y Tenejapa

¹⁰ “Ma me xju' ya swe' te bila ch'ultesbil te mach'a ma ochemuc ta sacerdoteile. Ni ja'uc te yula' te sacerdote, soc ni ja'uc te mach'a yac ta at'el yu'un, ma me xju' ya swe' te bila ch'ultesbile.

Levítico 22:10 Referans Kwoze

San Mateo 12:4

ha te och ta sna Dios, la swe' te pan ac'bil ta stojol Dios, te ma hichuc ya sc'an pasel te ya swe' te David o te mach'atic sjoquinej, te ha nax ya xhu' ya swe'ic te sacerdotehetique?

1 Samuel 21:6

Hich te sacerdote la ya'be te ch'ultesbil pan, como mayuc yan pan, ha nax te pan te ac'bil ta stojol Dios, te loq'uesbil tal ta stojol Jehová yu'un ya yich' otsesel q'uixin pan tey a.

Éxodo 29:33

Ya swe'ic te bintic tuhun yu'un stojel mulil c'alal la yich' ya'telic soc la yich'ic ch'ultesel. Pero ma me ayuc yan mach'a ya swe', como ch'ultesbil.

Éxodo 12:45

Te jyanlum o te jle-a'tel ma xhu' ya swe'ic.

Levítico 22:13

Yan teme hil ta me'ba' te yantsil-nich'an te sacerdote, o ihquitaybil yu'un smamalal, soc teme mayuc yalatac, teme suht xan tal ta sna stat, hich te bin ut'il c'alal ach'ix to a, ya xhu' ya swe'be te we'elil yu'un te state. Pero ma mach'ayuc nax ya xhu' ya swe'.

Números 3:10

Te Aarón soc te snich'nab ya me awac' te ya x'a'tejic ta sacerdotehil. Te mach'a yan ya xnohpoj tal, ya me xcham, xchi.

Éxodo 12:43

Te Jehová hich la yalbe te Moisés soc te Aarón: Ha te ley ini scuenta te Pascua: Mayuc jtuhluc jyanlum te ya swe'.

Levítico 21:22

Ya xhu' ya swe' te we'elil yu'un Dios, te bin mero ch'ultesbil soc te bintic ch'ultesbile.

1 Samuel 21:7

Ha nix yorahil te tey macbil a ta stojol Jehová jtuhl a'bat yu'un Saúl, Doeg sbihil, talem ta Edom, ha jtsobaw yu'un te jcanan-tuminchijetic yu'un Saúl.

Esdras 2:63

Te gobernador la yalbe te ma xhu' ya swe'ic te ch'ultesbil we'eliletic ha to teme ay jtuhl sacerdote te ya sjoc'oy ta scuenta Urim soc Tumim.

Ezequiel 44:8

Ma ba ach'uhunejic spasel te bintic chahpambil sc'oblal te bintic ch'uhltesbilic cu'un, la awa'beyic scuentahin jyanlumetic te templo cu'une.