Levítico 21:9 - Bible in Tzeltal Bachajón

⁹ Te yantsil-nich'an sacerdote teme ya sbohlobtes sba yu'un te ya xhahch yac' sba ta antsinel, ya sbohlobtesbe sc'oblal te state, ya me yich' chiq'uel.

Bible in Tzeltal de Oxchuc y Tenejapa

⁹ “Teme ya sboltes sba, teme ya sc'atp'un sba ta jmulawil ants te yantsil-nich'an sacerdote, ya sboltesbey sc'oplal te state, ja' yu'un cuxul me a ac'a yich' chiq'uel.

Levítico 21:9 Referans Kwoze

Génesis 38:24

Oxeb wan u ta patil c'oht ta halbeyel te Judá: La yac' sba ta antsinel te awalib Tamar; hahchemix yal, xchi sc'oblal. Hich la yal te Judá: ¡Tsacahic loq'uel tal, ac'a yich' chiq'uel! xchi.

Levítico 19:29

Ma me xawac' ta bohlobtesbeyel sc'oblal te awantsil-nich'an yu'un yac awac' ta antsinel, scuenta yu'un ma ba ya xchicnaj j'antsinel-ants ta q'uinal te hich ya xnoj ta bintic chopol.

Tito 1:6

Te anciano ya sc'an te mayuc bin ya sutot ta c'op yu'un, te jtuhluc nax yihnam, te sch'uhunej Dios te yal-snich'nab soc ma ba ya xhalbot sc'oblalic te ha chopol stalelic soc jc'axun-mandaretic.

Malaquías 2:3

Ya jtij ta c'op ats'umbal, ya jch'ojbeyex tsa' ta asit awelawic, ha te stsa' chambahlametic te yac awaq'uic scuenta milbil mahtaniletic, soc pajal ya xch'ojotex loq'uel soc.

Ezequiel 9:6

Milticlanahic mamaletic, queremetic, ach'ixetic, alaletic soc antsetic, pero ma me xawuts'inic te mach'atic yich'oj te señahe. Ya me xhahchex ta ch'ul awilal cu'un, xchi. Ha yu'un nahil hahchic ta banti ay te mamaletic ta stojol te templo.

Isaías 33:14

Te jmulawiletic ta Sión ya xiwic, ya xnihquic te mach'atic ma tojuc yo'tanic, hich ya yalic: ¿Mach'ahotic a te ya xhu' ya xnahinotic soc te c'ahc' te ya xlajinwan? ¿Mach'ahotic a te ya xhu' ya xnahinotic soc te yat c'ahc' te sbahtel q'uinal ay? xchihic.

1 Samuel 2:34

Ha me seña awu'un ini te bin ya xc'oht ta pasel ta stojol te cha'tuhl anich'nab, ha te Ofni soc Finees: ta schebalic ya me xlajic ta junax c'ahc'al.

1 Samuel 2:17

Ha yu'un te smul te winiquetic ini mero muc' c'oht ta stojol Jehová, como mayuc scuentahil ta yo'tanic te mahtaniletic yu'un Jehová.

Josué 7:25

Te Josué hich la yalbe: ¿Bin yu'un la awac' jwocolcotic? Te Jehová ac'a ya'bat awocol yo'tic, xchi. Hich spisil te snich'nab Israel la sch'ojic ta ton soc la schiq'uic te c'alal laj sch'ojbelic ta ton.

Josué 7:15

Te mach'a yich'oj te bin parte ac'bil ta scuenta lajel ya me yich' chiq'uel soc spisil bintic ay yu'un, ta scaj te la sc'axuntay te chapbil-c'op yu'un Jehová soc la spas te bin c'ax chopol ta yohlil Israel, xchi te Jehová.

Levítico 20:14

Te winic te ya yic' yihnamin jtuhl ants soc snan, mero chopol bin ya spas; ya me yich'ic chiq'uel te winic soc te antsetic, scuenta yu'un mayuc hich schopolil ta awohlilic a.

Éxodo 31:14

Ya me acanantayic te sc'ahc'alel cux-o'tan, como ch'ultesbil ta acuentahic. Te mach'a ya sbohlobtesbe sc'oblal ya me xlaj; mach'ayuc a te ya spas biluc a'telil a, ya me yich' loq'uesel ta yohlil te pueblo yu'une.

Deuteronomio 22:21

ya me sloq'uesic bahel ta sti'il sna stat, te winiquetic ta pueblo yu'un ya me smilic ta ch'ojel ta ton, como la spas te bin chopol ta Israel, la yac' sba ta antsinel ta sna stat. Hich me yac aloq'ues te bin chopol ta awohlil.