Levítico 21:6 - Bible in Tzeltal Bachajón

⁶ Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Bible in Tzeltal de Oxchuc y Tenejapa

⁶ ac'a me xch'ultes sbaic ta mero melel ta jtojol te Dioson yu'unique, ma me xyaq'uic bolobuc sc'oplal te jbiil, melel ja'ic te ya yaq'uic ta jtojol te majt'anil ya yich' chiq'uel, ja' te we'elil cu'un. Ja' yu'un ya me sc'an te spisil ora ch'ultesbil ya x'ainique.

Levítico 21:6 Referans Kwoze

Levítico 18:21

Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

Levítico 3:11

Te sacerdote ya schic'ticlan ta scajtajib scuenta mahtanil we'elil te ya yich' chiq'uel ta stojol Jehová.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Ezequiel 44:7

La awaq'uic ochel jyanlumetic ta ch'ul awilal cu'un, ha te mach'atic ma ba yich'ojic circuncisión ta yo'tanic soc ta sbaq'uetalic, la abohlobtesbeyic sc'oblal te ch'ul awilal cu'un c'alal yac awa'bonic jmahtanin we'elil, sjuhp'el soc ch'ich', soc la ajimbonic te chapbil-c'op cu'un ta scuenta spisil te bintic ilobtic sba awu'unique.

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

Esdras 8:28

Hich la jcalbeyic: Ha'ex soc te bintic ya xtuhun, ch'ultesbilex ta stojol Jehová; te plata soc te oro ha mahtaniletic te ac'bilic ta sc'anojel-o'tanil ta stojol Jehová te Dios yu'un te jme'jtatique.

Levítico 21:8

Ch'ultesbiluc me ya xc'oht awu'un, como ha ya yac' te we'elil yu'un te Dios awu'une. Ch'ultesbiluc me ta atojol, como ho'on, Jehovahon, ch'ul Dioson te ya jch'ultesex.

Levítico 19:12

Ma me ayuc bin jc'axel yac awalic ta jamal ta lot te yac atahbonic ta halel jbihil a, te hich yac ajimbe sc'oblal a te sbihil te Dios awu'unique. Ho'on, Jehovahon.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Éxodo 29:44

Ya jch'ultes te Nahilpac' Templo yu'un tahojibal soc te scajtajib ta chiq'uel mahtanil; soc ya jch'ultes Aarón soc te snich'nab scuenta yu'un ha sacerdotehetic ya xc'ohtic cu'un.

Éxodo 28:36

Soc ya me apas jun jayal pehchel ta puro oro, ts'ihbaya ochel tey a hich te bin ut'il ya yich' ts'ihbayel ochel sellohetic: CH'ULTESBIL TA STOJOL JEHOVÁ.

Éxodo 19:22

Soc ac'a sch'ultes sbahic te sacerdotehetic te ya xnohpojic tal ta stojol te Jehová scuenta yu'un ma ba ya xlajinotic yu'un, xchi.

Levítico 21:17

Halbeya te Aarón: Ni jtuhluc te ats'umbal ta cajalcaj bahel te ay banti ma lecuc sbaq'uetal te ya xnohpoj tal ta yaq'uel te we'elil yu'un te Dios yu'une.

Levítico 21:21

Ma me ayuc jtuhluc te sts'umbal sacerdote Aarón te ay bin jihnem yu'un te ya xhu' ya xnohpoj tal ta yaq'uel te chic'bil mahtaniletic ta stojol Jehová. Ay bin jihnem yu'un, ma me xnohpoj tal ta yaq'uel te we'elil yu'un te Dios yu'une.

Levítico 20:3

Ma lecuc co'tan yu'un te winique, ya jloq'ues bahel ta yohlil te slumal yu'un te la ya'be smahtanin Moloc te snich'ane, hich la yac' bohlobuc sc'oblal te ch'ul templo cu'un soc la yac' jihnuc sc'oblal te jch'ul bihile.

Levítico 21:23

Pero ma xhu' ya xnohpoj ta spat te tsalul pac', soc ma xhu' ya xnohpoj tal ta stojol te scajtajib ta chiq'uel mahtanil, como ay banti ma lecuc sbaq'uetal, scuenta yu'un hich ma ba ya sbohlobtesbe sc'oblal a te ch'ul awilal cu'une, como ho'on, Jehovahon, te ya jch'ultes, xchi.

Números 16:5

La yalbe te Coré soc spisil te mach'a sjoquinejic: Pajel te Jehová ya me yac' ta ilel mach'a a te ha yu'un soc te ch'ultesbil, ha ya yac' te ya xnohpoj tal ta stojol. Te mach'a tsahbil yu'un, ha ya yac' ya xnohpoj tal ta stojol.

Números 28:2

Pasa ta mandar te snich'nab Israel: Ya me awil te yac awa'bonic ta mero yorahil te mahtaniletic cu'un, ha te mahtaniletic scuenta sumet yic' te ya yich' chiq'uel ta jtojol.