Levítico 21:20 - Bible in Tzeltal Bachajón

²⁰ c'ujul spat, mero com, ay tocal ta sit, ay sac'al chinul, ay spintohil ta snuhculel, o teme t'usem te sbaq'ue.

Bible in Tzeltal de Oxchuc y Tenejapa

²⁰ c'ujul spat, mero ch'in, ay tocal ta sit, ay sac'al chin, ay spintoil ta snujc'ulel, o teme boloben stonil sbaq'uetal.

Levítico 21:20 Referans Kwoze

Deuteronomio 23:1

Ma xhu' ya x'och ta tsoblej yu'un Jehová te mach'a t'usbil stomutil sbac', o teme xot'bil loq'uel ste'el.

Isaías 56:3

Te jyanlum te yac'oj sba ta stojol Jehová ma me hichuc ya yal: Te Jehová ya me sloq'ueson ta yohlil te pueblo yu'une, ma me xchihuc. Soc ma me hichuc ya yal te eunuco: Ho'on taquin te'on, ma me xchihuc.

Levítico 21:19

o winic te c'ajem yoc o c'ajem sc'ab,

Levítico 22:22

Ma me xawa'beyic Jehová chambahlam te ts'o'sit, te waq'uem yoc, ay bin jihnem, ay sch'ohquil, ay salul o te ay schinul, ma me xawaq'uic ta chic'bil mahtanil ta scajtajib ta chiq'uel mahtanil yu'un Jehová.

Levítico 22:24

Ma xawa'beyic smahtanin Jehová chambahlam te ehchenajem te sbac', o te t'usbil, jot'bil o set'bil. Ma me hichuc xapasic ta aq'uinalic.

Deuteronomio 23:2

Te al-nich'anil te hich nax tahbil ma xhu' ya x'och ta tsoblej yu'un Jehová, ni ha'uc ta slajuncajal sts'umbal ma xhu' ya x'och ta tsoblej yu'un Jehová.