Levítico 20:9 - Bible in Tzeltal Bachajón

⁹ Mach'ayuc a te ya sbohlc'optay stat o snan, ya me xlaj; la sbohlc'optay te stat o snan, ha nix ta scuenta smul te ya xlaje.

Bible in Tzeltal de Oxchuc y Tenejapa

⁹ “Mach'auc a te ya sbolc'optay te sme'-stat, ya me yich' aq'uel ta lajel. Melel la sbolc'optay te state o te sme'e, ja' yu'un ja' nix ta swenta smul te ya xlaje.

Levítico 20:9 Referans Kwoze

Éxodo 21:17

Te mach'a ya yixta'c'optay stat o snan, ya me yich' milel.

San Marcos 7:10

como hich la yal te Moisés: Ich'a ta muc' te atat soc anan, soc: Te mach'a ya sbohlc'optay te stat o snan ya me xlaj yu'un, xchi,

Deuteronomio 27:16

Chopol sc'oblal te mach'a ya sjimbe sc'oblal te sme'stat, xchihic. Hichuc, xchihic me spisil te pueblo.

San Mateo 15:4

Como hich la yal ta mandar te Dios: Ich'a ta muc' te ame'atat, xchi, soc: Te mach'a ya sbohlc'optay te stat o te snan ya me xlaj yu'un, xchi.

Proverbios 20:20

Te mach'a ya sbohlc'optay sme'stat, ya xtup'bot stsumbil c'ahc' ta yihc'al q'uinal.

Proverbios 30:17

Te sit te ma lecuc ya yil te stat soc te ma sc'an ya sch'uhumbe smandar te snan, ya xloq'uesot yu'un te jojetic yu'un sjuclej soc ya xti'ot yu'un hosetic.

Proverbios 30:11

Ay mach'atic ya sbohlc'optay static soc ma xyalbeyic lec sc'oblal te snanique.

2 Samuel 1:16

Hich halbot yu'un David: Ay ta acuenta te ach'ich'ele, como ha'at nix la awal ta testigo ta acontra te c'alal hich la awal: La jmil te mach'a tsahbil yu'un Jehová, te xchihate, xchi.

Jueces 9:24

scuenta yu'un te bin chopol pasbotic te lajuneb schanwinic (70) ta tuhl snich'nab Jerobaal, soc te sch'ich'elic, ya xc'oht ta stojol Abimelec, te bin ut'il la smilticlan, soc te ya xc'oht ta stojol te winiquetic yu'un Siquem yu'un te la scoltayic ta smilel te yermanotac.

San Mateo 27:25

Hich la sjac' spisil te pueblo: Ac'a c'ohtuc ta jtojolcotic soc ta stojol te cal-jnich'ancotic te sch'ich'ele, xchihic.

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

Josué 2:19

Mach'ayuc a te ya xloc' bahel ta sti'il ana, ay ta scuenta stuquel te sch'ich'ele, ma jmulcoticuc ya xc'oht. Pero mach'ayuc a te sjoquinejat ta ana, ay ta jcuentacotic te sch'ich'el teme ay bin ya xpasbote.

Levítico 20:27

Te winic o ants te ya sc'opon sch'uhlel mach'atic chamenic o te ya x'ochic ta jna'ojel, ya me xlajic; ya yich'ic ch'ojel ta ton; ha nix ta scuentahic te ya xlajic, xchi te Jehová.

Levítico 20:16

Teme ay ants te ya yac' sba ta cuchel yu'un chambahlam, ya me amil te ants soc te chambahlam. Ha nix ay ta scuentahic te ya xlajique.

Ezequiel 22:7

P'ajbilic te me'iltatiletic ta awohlil; ya yuts'inic te jyanlumetic ta awohlil, soc ma ba toj bin ya spasbeyic te me'ba' alaletic soc me'ba' antsetique.

Ezequiel 18:13

ya sc'ambe sjol te staq'uin ya yac' ta majanel; ¿ya bal xcuxaj te winic ini? ¡Ma ba ya xcuxaj! La spasticlan spisil te bintic ilobtic sba ini, ya me xcham; ha nix ta scuenta ya xc'oht te sch'ich'ele.