Levítico 20:8 - Bible in Tzeltal Bachajón

⁸ Pasahic te bintic chapal cu'un, a'telinahic me spasel. Ho'on, Jehovahon, te ya jch'ultesex.

Bible in Tzeltal de Oxchuc y Tenejapa

⁸ Pasaic me te mandaliletic cu'une, t'unaic ta pasel. Jo'on Ajwalilon te ya jch'ultesexe.

Levítico 20:8 Referans Kwoze

Éxodo 31:13

Ya me awalbe te snich'nab Israel: Ta mero melel ya me acanantayic te c'ahc'aletic yu'un cux-o'tan cu'un, como ha seña ya xc'oht ta jtojol soc ta atojolic soc te cajalcaj ats'umbalic, scuenta yu'un ya me ana'ic te ho'on Jehovahon te ya jch'ultesex.

Santiago 1:22

Pasahic te bin ya yal te sc'op Dios, ma ha'uc nax te yac awa'iyic, te hich yac alo'loy abahic a.

2 Tesalonicenses 2:13

Ya sc'an te spisil ora ya calbecotic wocol Dios ta acuentahic, quermanotac te c'uxex ta yo'tan te Cajwaltic, te bin ut'il ta shahchibal to tsahbilex yu'un Dios yu'un ya xcolex ta scuenta te ch'ultesel yu'un te Espíritu soc ta scuenta sch'uhunel te smelelil c'ope.

1 Tesalonicenses 5:23

Te Dios yu'un lamal q'uinal ts'acal ac'a sch'ultesex; soc ac'a yich' canantayel spisil acuxlejalic, ha te espíritu awu'unic, ach'uhlelic soc abaq'uetalic, te mayuc amulic a te c'alal ya xtal te Cajwaltic Jesucristo.

Levítico 21:8

Ch'ultesbiluc me ya xc'oht awu'un, como ha ya yac' te we'elil yu'un te Dios awu'une. Ch'ultesbiluc me ta atojol, como ho'on, Jehovahon, ch'ul Dioson te ya jch'ultesex.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

San Juan 13:17

Teme hich ana'ojic, bayel me awutsilic teme hich yac apasique.

San Mateo 12:50

Como spisil te mach'atic ya spasbeyic te bin ya sc'an yo'tan te Jtat ay ta ch'ulchan, ha quihts'inab soc ha jnan stuquel, xchi.

San Mateo 7:24

Mach'ayuc a te ya ya'iy te c'op ini soc te ya spas te bin ya yal, ha ya jpaj soc jtuhl p'ijil winic te la spas sna ta sba muc'ul ton.

San Mateo 5:19

Ha yu'un mach'ayuc a te ya sc'axuntay junuc te tut mandariletic ini soc teme hich ya ya'be snop spasel te yantique, peq'uel sc'oblal ya xc'oht te banti ay te cuentahinel yu'un te ch'ulchane. Yan te mach'a ya spas soc hich ya ya'be snop, ha me toyol sc'oblal ya xc'oht stuquel te banti ay te cuentahinel yu'un te ch'ulchane.

Ezequiel 37:28

Ya me sna'ic te nacionetic te ho'on Jehovahon ya jch'ultes te Israel, como sbahtel q'uinal ay ta yohlilic te ch'ul awilal cu'une, xchi te Jehová.

Ezequiel 20:12

Soc la jca'be te sc'ahc'alel cux-o'tan cu'un scuenta seña ya xc'oht ta jtojol soc ta stojolic, scuenta yu'un ya sna'ic te ho'on Jehovahon ya jch'ultesic.

Levítico 19:37

Canantaya te bintic chapal cu'un soc spisil te bintic caloje, ya me awa'telinic spasel. Ho'on, Jehovahon, xchi.

San Mateo 23:17

¡Sonso ts'o'sitex! ¿Binti a te tulan sc'oblal, ha bal te oro o ha bal te Templo te ya sch'ultes te oro?

Levítico 19:19

Ya me apas te bintic chapal cu'une. Te chambahlametic awu'un ma xawa'be scuch sba soc yantic chambahlametic te yan sts'umbale. Ma xacap soc yan awalil te awawal ta aq'uinal. Ma xalap c'u'ul te capal snahul jalbil a.

Levítico 20:26

Ch'ultesbiluquex me ta jtojol, como ho'on, Jehovahon, ch'ul Dioson, parte la jcaq'uex yu'un te yantic nacionetic scuenta yu'un ho'on cu'un ya xc'ohex.

Levítico 22:32

Ma me xabohlobtesbonic sc'oblal te jch'ul bihil, scuenta yu'un ch'ul Dioson ya xc'ohon ta yohlil te snich'nab Israel. Ho'on, Jehovahon, te ya jch'ultesex,