Levítico 20:6 - Bible in Tzeltal Bachajón

⁶ Te mach'a ya xbaht ta stojol te mach'atic ya sc'oponic ch'uhlelal soc mach'atic jna'ojeletic, te ya yac' sbahic ta antsinel ta stojolic c'ohem, ma lecuc co'tan ta stojol te mach'a hich ya spas, ya me jloq'ues bahel ta yohlil te slumale.

Bible in Tzeltal de Oxchuc y Tenejapa

⁶ Teme ay mach'a bajt' ta stojol te mach'atic ya sc'oponic ch'ulelal soc te mach'atic ay bila ya sna'ic syoljoltayel, te ya xbolob ta scaj st'unele, ya me jcontroin te mach'a jich ya spase, ya me jloq'ues ta yolil te slumale.

Levítico 20:6 Referans Kwoze

Levítico 19:31

Ma me xbahex ta stojol te mach'atic ya sc'oponic ch'uhlelal, o ta stojol te jna'ojeletique; ma me ayuc bin yac ajoc'obeyic, como ya me xbohlob ac'oblalic yu'un. Ho'on, Jehovahon, te Dioson awu'unique.

Isaías 8:19

Teme hich ya yalbeyex: Joc'obeyahic te jmonawetic soc te jna'ojeletic te ya xc'opojic ta sajsaj-c'op, teme xchihique, hich yac awalbe: Te pueblo ¿ma bal yacuc sjoc'obe te Dios yu'une? ¿Ya bal sjoc'obe te mach'atic chamenic ta scuenta te mach'atic cuxulic? xchihan me.

Levítico 20:27

Te winic o ants te ya sc'opon sch'uhlel mach'atic chamenic o te ya x'ochic ta jna'ojel, ya me xlajic; ya yich'ic ch'ojel ta ton; ha nix ta scuentahic te ya xlajic, xchi te Jehová.

Salmos 73:27

Te mach'atic ya xnamijic ta atojol, ya me xlajic; ha'at yac alajinlan spisil mach'atic ma junuc yo'tanic ta atojol.

Oseas 4:12

Te pueblo cu'un ya sjoc'obe te loc'omba yu'un te pasbil ta te', te si' ya sjac'be sc'opic; como ac'otic ta howiyel yu'un te yantsiwejic, la yihquitayic te Dios yu'unic ta scuenta yantsiwejic.

Ezequiel 6:9

Ha'ex te ya xloq'uex ta ahnel ya me ana'onic ta nacionetic ta banti ya xbahex ta chuquel; como c'ax jwocol ta scaj te ay ta yo'tanic antsiwej te hich la yihquitayonic hilel, soc ta scaj sitic te la st'unic te loc'ombahetic yu'unique. Ha'ic nix ya xq'uexawic ta scaj te bintic chopol la spasic ta scuenta spisil te bintic ilobtic sba yu'unique.

Números 15:39

Ya xtuhun awu'unic te stsihtsimal, yu'un te c'alal yac awilic tey yac ana'ic a spisil te mandariletic yu'un Jehová; hich yac ach'uhunic spasel soc ma ba yac at'unic bahel te bin ya sc'an awo'tanic soc te bin ya yil te asit, te ha la yac' te yac awac' aba ta antsinel c'ohem.

Levítico 19:26

Ma me xawe'ic ti'bal te ay to sch'ich'ele. Ma me x'ochex ta sc'asesel chopol señahetic, soc ma me x'ochex ta jna'ojel.

Hechos 16:16

Ay jun buelta te c'alal yacotic ta bahel ta banti ya jc'opontic Dios, loc' tal stahotcotic jtuhl ach'ix te ay espíritu yu'un na'ojel ta yo'tan; bayel ya spasic ganar te yajwalic te ach'ix yu'un te bin ya sna'e.

Éxodo 22:18

Te j'ac'-chamel-ants ma me xawac' cuxajuc.

Levítico 17:10

Mach'ayuc winiquil ta sna Israel o jyanlum te nahinem ta awohlilic te ya swe' ch'ich', ma lecuc co'tan yu'un te mach'a ya swe' ch'ich, ya me jloq'ues ta yohlil te slumale.

Levítico 20:5

ma lecuc co'tan ta stojol te winic soc te mach'atic ay yu'un, ya jloq'ues bahel ta yohlil te slumal soc spisil mach'atic te ha nix hich ya yac' sbahic ta antsinel yu'un Moloc.

Jeremías 44:11

Ha yu'un hich yaloj te Jehová te scuentahinej spisil, te Dios yu'un Israel: Ilawil, jnopoj te ya cac' tal bin chopol ta atojolic yan buelta, ya jin spisil Judá.

Éxodo 22:17

Yan teme ma ba ya yac' te stat te ya xnuhpun soc, ya me yac' te jayeb taq'uin ya xc'ambot hich te bin ut'il stojol ach'ixetic.