Levítico 20:24 - Bible in Tzeltal Bachajón

²⁴ Pero hich la jcalbeyex te ha'exe: Ya me awu'untayic te slum sq'uinalic, ho'on ya ca'beyex yu'un yac awu'untayic, ha te q'uinal te banti ya x'oquin leche soc chab. Ho'on, Jehovahon, te Dioson awu'unic te parte la jcaq'uex yu'un te yantic nacionetique.

Bible in Tzeltal de Oxchuc y Tenejapa

²⁴ Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

Levítico 20:24 Referans Kwoze

Deuteronomio 14:2

Como te ha'ate ch'ul pueblohat yu'un te Jehová te Dios awu'un, soc te Jehová la stsahat loq'uel ta yohlil spisil te pueblohetic ta q'uinal scuenta yu'un ha'at nax atuquel pueblohat yu'un ya xc'ohat.

Deuteronomio 7:6

Como te ha'ate, ch'ul pueblohat yu'un Jehová te Dios awu'une. Ha la stsahat ta yohlil spisil te pueblohetic ta swohlol bahlumilal scuenta yu'un mero pueblohat yu'un ya xc'ohat.

Éxodo 6:8

Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Levítico 20:26

Ch'ultesbiluquex me ta jtojol, como ho'on, Jehovahon, ch'ul Dioson, parte la jcaq'uex yu'un te yantic nacionetic scuenta yu'un ho'on cu'un ya xc'ohex.

Éxodo 33:16

¿Bin ut'il ya xchicnaj teme lec c'ohemon ta atojol soc te pueblo awu'une? ¿Ma bal ha'uc ya xchicnaj yu'un te ha'at yac ajoquinon bahel, soc te bin ut'il te ho'on soc te pueblo awu'un parte ac'bilotcotic ta yohlil spisil te yantic pueblohetic ta swohlol bahlumilal? xchi.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

1 Reyes 8:53

como ha'at parte la awac' ta yohlil spisil te pueblohetic ta bahlumilal yu'un ha'at awu'un ya xc'oht, hich te bin ut'il la awal ta scuenta te awa'bat Moisés te c'alal la awic' loq'uel tal te jme'jtatcotic ta Egipto, Cajwal Jehová, xchi ta sc'oponel Dios te Salomón.

Números 23:9

C'alal ta sba tontiquil ya quil, c'alal ta tsehltsehltic ya xchicnaj cu'un: ha jun pueblo te parte nahinem, te ma ba jun ayic soc te yantic nacionetique.

Éxodo 33:3

Bahanic tey ta q'uinal te banti ya x'oquin leche soc chab. Yan te ho'one ma ba ya joquinex bahel, teme repente ya jlajinex hilel ta be, como ha'ex pueblohex te tulan awo'tanic, xchi.

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

San Juan 15:19

Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.

Éxodo 33:1

Te Jehová la yalbe te Moisés: Bahan, loc'an bahel soc te pueblo te la aloq'ues tal ta sq'uinal Egipto, bahan tey ta q'uinal te la jcalbe ta jamal te Abraham, Isaac soc Jacob: Ya ca'be te ats'umbal, te xchihone.

Levítico 14:34

Te c'alal ochemexix ta sq'uinal Canaán a, ha te ya ca'beyex awu'untayic, teme ay ya jticon tal stotol ta na tey ta aq'uinalique,