Levítico 20:2 - Bible in Tzeltal Bachajón

² Halbeya te snich'nab Israel: Mach'ayuc winiquil ta Israel, o jyanlum te nahinem ta Israel, teme ya ya'be smahtanin Moloc jtuhluc snich'an, ya me xlaj; ya yich' ch'ojel ta ton yu'un te slumale.

Bible in Tzeltal de Oxchuc y Tenejapa

² —Albeya te israeletic te bila ya calbate: “Mach'auc israelil, o jyanlumil te nainem ta Israel, teme ya yac'bey snich'an te dios Moloc, ac'a me yich' milel ta ch'ojel ta ton yu'un te slumale.

Levítico 20:2 Referans Kwoze

Deuteronomio 21:21

Ha yu'un spisil te winiquetic yu'un te pueblo ya me sch'ojic ta ton, hich ya xlaj. Hich yac aloq'ues a te bin chopol ta awohlil, soc spisil Israel ya me ya'iyic soc ya me xi'ic.

Levítico 24:23

Te Moisés la sc'opon te snich'nab Israel, hich la sloq'uesic bahel ta campamento te jbohlc'optaywanej, la sch'ojic ta ton. Te snich'nab Israel la spasic hich te bin ut'il halbot yu'un Jehová te Moisés.

Levítico 24:14

Ic'a loq'uel ta campamento te jbohlc'optaywanej. Spisil te mach'atic la ya'iyic bin la yal ac'a scajan sc'abic ta sjol soc ac'a sch'ojic ta ton spisil te pueblo.

Levítico 20:27

Te winic o ants te ya sc'opon sch'uhlel mach'atic chamenic o te ya x'ochic ta jna'ojel, ya me xlajic; ya yich'ic ch'ojel ta ton; ha nix ta scuentahic te ya xlajic, xchi te Jehová.

Levítico 18:21

Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

Hechos 7:43

La awich'beyic bahel te nahilpac' templo yu'un Moloc, soc te ec' yu'un te Renfán te dios awu'unic, ha loc'ombahetic pasticlambil awu'unic scuenta yu'un yac ach'uhuntayic. Ha yu'un ya me caq'uex bahel ta sjehchelul Babilonia, te xchihe.

Ezequiel 23:39

Te c'alal la yaq'uic ta milbil mahtaniletic te yal-snich'nabic ta stojol te loc'ombahetic yu'unic, ha nix yorahil a ochic talel ta ch'ul awilal cu'un, hich la sbohlobtesbeyic sc'oblal. ¡Hich la spasic ta jna!

Ezequiel 23:37

Como la yac' sbahic ta antsinel soc ay ch'ich' ta sc'abic. La yac' sbahic ta antsinel soc te loc'ombahetic yu'unic, soc la yaq'uic c'axuc ta c'ahc' ta chiq'uel te yal-snich'nabic te la yalatayic ta jcuenta.

Ezequiel 20:31

Como te c'alal yac awac' te mahtaniletic awu'unic, ha te yac ac'ases ta c'ahc' te awal-anich'nabic, la abohlobtes abahic ta scuenta spisil te loc'ombahetic awu'unic c'alal ora. ¿Ya bal sc'an te ya jac'beyex ac'opic, ha'ex sna Israel? ¡Ho'on cuxulon, xchi te Jehová te Ajwalil, ma ba ya jac'beyex!

Ezequiel 20:26

La jbohlobtesbe sc'oblalic ta scuenta te mahtaniletic yu'unic, ha te c'alal la sc'asesic ta c'ahc' te ba-alaletic yu'unic, scuenta yu'un ya jnojesbe yo'tanic ta xiwel soc ya ca'be sna'ic te ho'on Jehovahon.

Jeremías 32:35

La spasbeyic toyol awilaletic yu'un Baal ta sjuclej yu'un Ben-hinom, yu'un ya yaq'uic scuenta chic'bil mahtaniletic te queremetic soc ach'ixetic yu'unic ta stojol Moloc, ha te bin ma ba la jpas ta mandar. ¡Mayuc banti tal ta co'tan te hich ya spasic te bin c'ax ilobtic sba, te hich ya ya'be sta smul a te Judá!

Jeremías 7:31

La spasic scajtajib ta chiq'uel mahtanil ta Tofet ta sjuclej yu'un Ben-hinom yu'un ya schiq'uic tey a te squerem-nich'anic soc yantsil-nich'anic, te bin ma hichuc calbeyej ta mandar, soc mayuc talem ta co'tan.

Salmos 106:38

La smalbeyic sch'ich'el mach'a mayuc smul, ha te sch'ich'elic te querem soc ach'ixetic yu'unic, ha te la yaq'uic ta milbil mahtanil ta stojol te loc'ombahetic yu'un Canaán; bohlob te q'uinal yu'un te sch'ich'elique.

2 Crónicas 33:6

La yac' c'axuc ta c'ahc' te snich'nab ta sjuclej Ben-hinom, la spasbe ya'tel j'ilojel, jna'ojel soc jpas señahiletic, soc la sjoc'obe te mach'a ya sc'opon ch'uhlelaletic soc bohl espirituhetic. C'ax bayel chopol bintic la spas ta stojol Jehová, ha to c'alal la shachbe yilimba.

2 Crónicas 28:3

La schic' pom ta sjuclej yu'un Ben-hinom soc la schic' te snich'nab, hich te bin ut'il te ihlaybil ya'telic te yantic nacionetic te tenotic loq'uel yu'un Jehová ta stojol te snich'nab Israel.

2 Reyes 23:10

Soc la sbohlobtesbe sc'oblal te Tofet te ay ta sjuclej yu'un Ben-hinom, scuenta yu'un mayuquix mach'a ya schic' te squerem o yantsil-nich'an ta stojol te Moloc.

2 Reyes 17:17

La yac' c'axuc ta c'ahc' te queremetic soc ach'ixetic yu'unic; la yac' sbahic ta jna'ojel soc jwoyaw; la yac' sbahic ta spasel te bintic chopol ta stojol Jehová, hich la shachbeyic yilimba.

Deuteronomio 18:10

Ma me xchicnaj ta awohlilic te mach'a ya yac' c'axel ta c'ahc' te squerem o yantsil-nich'an, o te mach'a ya x'a'tej ta jna'ojel, te mach'a ya spasbe seña sna'el te bin chopol ya xc'oht ta pasel, te mach'a ya sna' spasel chopol señahetic, j'ac'-chamel,

Deuteronomio 12:31

Ma me hichuc xapasbe te Jehová te Dios awu'un, como spisil te bintic ilobtic sba te ya yihlay te Jehová, la spasbeyic te diosetic yu'unique; ha la schiq'uic ta c'ahc' ta stojol te diosetic yu'unic te queremetic soc te ach'ixetic yu'unique.

Levítico 17:15

Mach'ayuc a, teme ha nix slumal o jyanlum, teme ya swe'be sbaq'uetal chamen chambahlam o te ixtalambil yu'un ti'awal chambahlam, ya me sac' sc'u' spac' soc ya me x'atin, bohloben sc'oblal ya xhil c'alal ta yihc'ubel q'uinal; patil lec sc'oblal ya xhil.

Levítico 17:13

Mach'ayuc winiquil ta Israel o jyanlum nahinem ta awohlilic te ya snuts chambahlam o mut te lec ta we'ele, ya me smalbe sch'ich'el soc ya smucbe ta lum,

Levítico 17:8

Soc hich yac awalbe xan: Mach'ayuc winiquil ta Israel o jyanlum te nahinem ta awohlilic te ya yac' scohtol chic'bil mahtanil o milbil mahtanil,

Levítico 20:1

Te Jehová la yalbe te Moisés:

1 Reyes 11:7

Ta wits te ay ta stojol sloq'uib c'ahc'al yu'un Jerusalén te Salomón la spasbe toyol awilal te Quemos te ihlaybil loc'omba yu'un Moab, soc te Moloc te ihlaybil loc'omba yu'un te snich'nab Amón.

Levítico 24:16

Te mach'a ya sbohlc'optaybe sbihil te Jehová ya me xlaj yu'un; spisil te pueblo ya ch'ojic ta ton. Teme jyanlum o slumal nix, teme ya sbohlc'optay te Bihilile, ya me xlaj.

Deuteronomio 17:2

Ta bayuc pueblohetic awu'unic te ya ya'bat te Jehová te Dios awu'un, teme ay ya xchicnaj winic o ants ta awohlilic te ay bin chopol la spas ta stojol Jehová te Dios awu'un, te ya sc'axuntaybe te chapbil-c'op yu'une,

Deuteronomio 22:21

ya me sloq'uesic bahel ta sti'il sna stat, te winiquetic ta pueblo yu'un ya me smilic ta ch'ojel ta ton, como la spas te bin chopol ta Israel, la yac' sba ta antsinel ta sna stat. Hich me yac aloq'ues te bin chopol ta awohlil.