Levítico 2:4 - Bible in Tzeltal Bachajón

⁴ C'alal yac awac' mahtanil harina te ta'ajem ta horno, ha me pimil pan te pasbil ta lequil harina te ma ba yich'oj levadura soc wots'bil ta aceite, o jayal pan ma ba yich'oj levadura te jaxbil nax ta aceite.

Bible in Tzeltal de Oxchuc y Tenejapa

⁴ “Teme la awac'bon jmajt'anin harina te wobil ta horno, pimil waj me xawac'bon soc ja'uc me pasbil a te buen lequil harina wots'bil soc aceite, pero ma me ayuc slevadurail, o teme ja' te jayal waj ma ba yich'oj levadura te yich'oj tsijts'anel ta aceite.

Levítico 2:4 Referans Kwoze

Éxodo 29:2

soc ich'a panetic te ma ba yich'oj levadura, pimil pan te ma ba yich'oj levadura te wots'bil soc aceite, soc jayal pan te ma ba yich'oj levadura te jaxbil ta aceite; ya me apasticlan ta lequil harina yu'un trigo.

Salmos 22:14

Malbilonix hich te bin ut'il ha', pitc'ujemiquix spisil te jbaquele. Te co'tan hich c'ohem te bin ut'il chabec', yac ta uhlel ta yutil te jbaq'uetale.

1 Pedro 2:22

Mayuc la sle smul soc mayuc lotil c'op loc' ta ye.

1 Pedro 2:1

Ha yu'un jc'axel me ac'a hiluc awu'unic spisil bintic chopol, lo'loyel, chebal-o'tanil, ti'ti'o'tantaywanej, soc spisil lehaw ta c'op.

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.

San Juan 12:27

Ta ora ini, bayel ayon ta wocol ya ca'iy. ¿Bin ya cal yu'un? ¿Jtat, coltayawon loq'uel ta jwocol ta ora ini, xchihon bal? como ha nix talemon yu'un a.

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

San Mateo 26:38

Te Jesús hich la yalbe: Bayel ay ta mel-o'tan te jch'uhlel, ya xchamonix ya ca'iy; hilanic li'i, pajaluc me cuxul co'tantic, xchi sc'oblalic.

Isaías 42:1

Ha ini te a'bat cu'un, te jtsacoj ta jc'ab, te mach'a tsahbil cu'un te lec co'tan yu'une. Cac'oj ta stojol te espíritu cu'un, ha ya yac' c'ohtuc ta pasel ta stojol te nacionetic te bin toj ta pasele.

Levítico 10:12

Te Moisés la yalbe te Aarón soc te snich'nab te hilemic, ha te Eleazar soc Itamar: Ich'ahic te mahtanil harina te hilem yu'un te mahtaniletic la yich' chiq'uel ta stojol Jehová, mayuc slevadurahil a ya me awe'ic ta nopol scajtajib ta chiq'uel mahtanil, como mero ch'ultesbil.

Ezequiel 46:20

Hich la yalbon: Ha te banti te sacerdotehetic ya sta'ajtesic te mahtanil yu'un stahel falta soc te mahtanil yu'un stojel mulil; soc tey ya spayic a te mahtanil harina, scuenta yu'un ma ba ya yich' loq'uesel bahel ta shahchibal amac', te hich ya yich' ch'ultesel a te ants-winiquetique, xchi.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Levítico 7:12

Teme ya yich' aq'uel ta scuenta yalel wocol, ha ya yich' aq'uel soc pimil pan ma ba yich'oj levadura te wots'bil ta aceite, soc jayal pan ma ba yich'oj levadura te jaxbil ta aceite, soc pimil pan pasbil ta lequil harina wots'bil ta aceite.

Levítico 6:17

Ma ba ya yich' ta'ajtesel soc levadura. Ha ca'beyej te Aarón soc te snich'nab te jayeb hilem yu'un te chic'bil mahtanil cu'une; ha mero ch'ultesbil, hich te bin ut'il te milbil mahtanil yu'un mulil soc te milbil mahtanil yu'un stahel falta.

Levítico 1:11

Ya smil ta stojol norte yu'un te scajtajib ta chiq'uel mahtanil, ta stojol te Jehová. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal te scajtajib ta chiq'uel mahtanil.

Éxodo 16:31

Te pueblo Israel la ya'beyic sbihilin maná. Hich sacal te bin ut'il sbac' culanta soc hich sbuhts' te bin ut'il jayal pan pasbil soc chab.

Éxodo 12:8

Ha nix yorahil ta ahc'abal a, ya me swe'ic te ti'bal wohbil ta c'ahc' soc ya swe'ic pan te ma ba yich'oj levadura, soc ch'ahal itaj.

Números 6:15

Soc jun moch pan ma ba yich'oj levadura pasbil ta harina wots'bil ta aceite, jayal pan te ma ba yich'oj levadura te jaxbil ta aceite, mahtanil harina soc malbil mahtaniletic yu'un.