Levítico 19:36 - Bible in Tzeltal Bachajón

³⁶ Ya sc'an te stojiluc ta chahpanel te balanza, ts'acal ya xlihcawan, soc ts'acal sp'isol awu'unic. Ho'on, Jehovahon, te Dioson awu'unic te la jloq'uesex tal ta sq'uinal Egipto.

Bible in Tzeltal de Oxchuc y Tenejapa

³⁶ Ya me sc'an te ja' ya atuuntesic te p'isolic te mero ts'acalique. Jo'on Ajwalilon, Dioson awu'unic te la jloq'uesex tel ta Egipto.

Levítico 19:36 Referans Kwoze

Proverbios 11:1

Te Jehová ya yihlay te bin ma ts'acaluc ta p'isel, pero lec yo'tan yu'un teme ts'acale.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Proverbios 20:10

Te yalal soc te sp'isojibal te ma ts'acaluc, ta schebal ihlaybil yu'un Jehová.

Levítico 19:37

Canantaya te bintic chapal cu'un soc spisil te bintic caloje, ya me awa'telinic spasel. Ho'on, Jehovahon, xchi.

1 Crónicas 23:29

Soc ay ta scuentahic te pan ya yich' aq'uel ta stojol Dios; te harina scuenta mahtanil, te jayal pan te ma ba yich'oj levadura, te bin pasbil ta sartén soc te bin woch'obtesbil, soc spisil te bintic ya yich' p'isel soc ahtayel.

Ezequiel 45:10

Ts'acaluc me sp'isol yalal awu'unic, soc ts'acaluc me te efa soc te bato.

Miqueas 6:11

¿Ya bal cal te mayuc smul te mach'a ay sp'isojibal te ma ts'acaluc, soc yawil te yich'oj yalal te ma meleluc?

Zacarías 5:6

La joc'obe: ¿Bin a ini? xchihon. Ha jun efa te ya xloc' talel, xchi. Soc la yal xan: Ha ini te schopolil spisil mach'atic ayic ta q'uinal, xchi.

Levítico 11:45

Ho'on Jehovahon te la jloq'uesex tal ta sq'uinal Egipto scuenta yu'un ho'on Dioson ya xc'ohon awu'unic; ha yu'un ch'ultesbiluquex me, como ho'on ch'ul Dioson, xchi.

Proverbios 16:11

Yu'un Jehová te ts'acal ta p'isel yalal; ha ya'tel stuquel spisil te sp'isojibaletique.