Levítico 19:32 - Bible in Tzeltal Bachajón

³² Ya me atehc'an aba ta stojol te mach'a saquix sjol, ya me awich' ta muc' te me'el mamal; soc ya me axi' te Dios awu'une. Ho'on, Jehovahon.

Bible in Tzeltal de Oxchuc y Tenejapa

³² “Ya me atejc'an aba soc ich'a ta muc' te mach'a me'el-mamale; jo'on ni me la awich'on ta muc' c'oem a te Dioson awu'une. Jo'on te Ajwalilone.

Levítico 19:32 Referans Kwoze

1 Timoteo 5:1

Ma me xatij ta c'op te mamal, hichuc yac atsits bin ut'il atat; te mach'a queremetic, hichuc me ta awo'tan te bin ut'il awihts'inabe;

Lamentaciones 5:12

Te snich'nab ajwalil la yich'ic jipanlanel ta sc'abic; ma ba la yich'ic ta muc' te mamaletique.

Proverbios 16:31

Te mach'a saquix sjol ha scorona te ich'el ta muc'; ay ta tahel ta scuenta spasel te bin toj.

Proverbios 20:29

Te yutsilal te queremetic, ha te yipic, te st'ujbilal te mamaletic, ha te sacal sjolic.

Job 32:6

Hich la yal te Eliú snich'an Baraquel, te talem ta Buz: Ho'on queremon to, mamalexix te ha'exe, ha yu'un xiwon ta yalel te bin jnopoje.

Job 32:4

Te Eliú la smahliy te ya sten ta c'op te Job como ha mamaliquix te yantique.

1 Pedro 2:17

Ich'ahic ta muc' spisil yantic. C'ux me xawa'iy ta awo'tanic te awermanotac. Xi'ahic me te Diose. Ich'ahic me ta muc' te ajwalile.

Romanos 13:7

Tojahic me spisil teme ay mach'atic ay abetic yu'un: teme ha patanil, a'beyahic; teme ha spatanil biluc, a'beyahic; te mach'a ay ta ich'el ta cuenta, ich'ahic me ta cuenta; te mach'a ay ta ich'el ta muc', ich'ahic me ta muc'.

Isaías 3:5

Talel c'axel me ya yuts'in sbahic, jtuhlultuhl ya scontrahin te spat-xuhc; te ach'ix-querem ya scontrahin te me'el-mamal, te mach'a peq'uel ya scontrahin te mach'a ich'bil ta muc'.

Levítico 19:14

Ma xabohlc'optay te mach'a cohc, soc ma me ayuc bin yac awa'be sc'ohchin ta sbe te ts'o'sit, ya me axi' te Dios awu'une. Ho'on, Jehovahon.

1 Reyes 2:19

Hich te Betsabé baht sc'opon te ajwalil Salomón ta scuenta te Adonías. Te ajwalil la stehc'an sba, la yic' ta stojol soc la snijan sba ta stojol te snane, la shuhcan xan sba ta shuctajib, la yac' ta ich'beyel tal silla yu'un ya xhuhcaj a te snan ta swa'el-c'ab.

Génesis 31:35

Te Raquel la yalbe te stat: Jtat, ma x'ilinat yu'un te ma xhu' ya xhahchon, como hich ayon te bin ut'il stalel antsetic te ya yil schamel ta jujun u, xchi. Hich te Labán la sle xan te yahcanan pero ma ba la sta.

2 Reyes 17:36

Ha nax me xawich'ic ta muc' te Jehová te la sloq'uesex tal ta sq'uinal Egipto ta scuenta smuc'ul yu'el soc te shachoj sc'ab, ya me aquejan abahic ta stojol soc ya me awa'beyic milbil mahtaniletic.

Proverbios 23:22

A'iybeya sc'op te atat te la snich'antayat; soc ma me xap'aj te anan te c'alal me'elix a.

Génesis 48:12

Ha yu'un te José la sjits loq'uel te snich'nab ta sjol yacan te stat, la squejan sba.