Levítico 19:28 - Bible in Tzeltal Bachajón

²⁸ Ma me xawehchentes abaq'uetalic ta scaj te ay mach'a cham; soc ma me xapas loc'ombahetic ta anuhculelic. Ho'on, Jehovahon.

Bible in Tzeltal de Oxchuc y Tenejapa

²⁸ “Ma me xawejch'entes abaq'uetalic ta scaj te mach'a ya xlaje. Ma me bila xaloc'tayic ta snujc'ulel abaq'uetalic. Jo'on Ajwalilon.

Levítico 19:28 Referans Kwoze

Deuteronomio 14:1

Te ha'ex yal-snich'nabex Jehová te Dios awu'unic, ma me xawehchentes abaq'uetalic, soc ma me xajoch stsotsel ajolic ta ati'bahic ta scaj te ay mach'a cham.

1 Reyes 18:28

Hahchic xan ta tulan aw, soc hahch yehchentes sbaq'uetalic ta cuchillo soc lanza, hich te bin ut'il scostumbrehic, ha to c'alal la yatin sch'ich'elic.

Levítico 21:5

Ma me st'axan sjolic, ma me set' sni'il yisimic, soc ma me xyehchentes sbaq'uetalic.

Jeremías 16:6

Muc' biq'uitetic ya me xlajic ta q'uinal ini. Ma ba ya yich'ic muquel soc ma ba ya x'oq'uetayotic; mayuc mach'a ya yehchentes sbaq'uetal o te ya squits' loq'uel stsotsel sjolic yu'unic.

Levítico 21:1

Te Jehová la yalbe te Moisés: Halbeya te sacerdotehetic, ha te snich'nab Aarón, te ma ba ya sbohlobtes sbahic ta scaj te ay jtuhl slumal te cham.

San Marcos 5:5

C'ahc'al ahc'abal behen ta ha'maltic soc ta muquenaletic, yac ta aw soc yac yehchenteslambel sba ta ton.

Jeremías 48:37

Como loq'uesbil stsotsel sjolic spisilic, soc spisil yisimic loq'uesbilic; ehchentesbil spisil sc'abic soc spisil slapojic ch'ixal pac'.

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 16:2

Hich baht te primer ch'ul a'bat, la smal ta lumq'uinal te sbahl te copa yu'un, chicnaj chacaletic te chopol soc c'ux ta stojol te mach'atic yich'ojic te marca yu'un te chambahlam te xiweltic sba soc te la sch'uhuntayic te sloc'ombahile.

Apocalipsis 15:2

Soc la jquil jun mar sjel ta cristal capal soc c'ahc', soc tec'ajtic ta ti'mar te sjel ta cristal te mach'atic hu'em yu'unic stsalel te chambahlam te xiweltic sba soc te sloc'ombahil soc te snumerohil te sbihile. Yich'ojic arpahetic te a'botic yu'un Dios

Apocalipsis 14:11

Sbahtel q'uinal xtomomet ya xmo sch'ahilel te swocolique. Ma ba ya scux yo'tanic c'ahc'al ahc'abal te mach'atic ya sch'uhuntayic te chambahlam te xiweltic sba soc te sloc'ombahil, soc te ya yich'be te marca yu'un te sbihile, xchi.

Apocalipsis 14:9

Tap'al tal ta spatic te yoxebal ch'ul a'bat te hich la yal ta tulan: Teme ay mach'a ya sch'uhuntay te chambahlam te xiweltic sba soc te sloc'ombahil, soc te ya yich'be smarca ta sti'ba o ta sc'ab,

San Juan 20:25

Hich halbot yu'un te yantic jnopojeletic: La jquilcotiquix te Cajwaltique, xchihic. La yal te Tomás: Teme ma ba ya quil te banti och lawux ta sc'ab soc teme ma ba ya cotses yal jc'ab te banti och, soc teme ma ba ya cotses jc'ab te banti lowbot smochbaquel, ma ba ya jch'uhun, xchi.

Levítico 19:27

Ma me xjoyetuc yac aset' ajolic, soc ma me xaset' te sni'il awisimique.

Levítico 19:29

Ma me xawac' ta bohlobtesbeyel sc'oblal te awantsil-nich'an yu'un yac awac' ta antsinel, scuenta yu'un ma ba ya xchicnaj j'antsinel-ants ta q'uinal te hich ya xnoj ta bintic chopol.

Levítico 21:11

ma me x'och ta banti ay mach'a chamen, aunque ha stat o snan, ma xyac' bohlobuc sc'oblal yu'un.