Levítico 19:26 - Bible in Tzeltal Bachajón

²⁶ Ma me xawe'ic ti'bal te ay to sch'ich'ele. Ma me x'ochex ta sc'asesel chopol señahetic, soc ma me x'ochex ta jna'ojel.

Bible in Tzeltal de Oxchuc y Tenejapa

²⁶ “Ma me xati'ic te bila ay to xch'ich'ele. “Ma me xacuy aba te ay bila ya ana' syoljoltayel, ma me xacuy aba te ya xju' awu'un sna'el te bila ya to xc'ot ta pasele.

Levítico 19:26 Referans Kwoze

2 Reyes 17:17

La yac' c'axuc ta c'ahc' te queremetic soc ach'ixetic yu'unic; la yac' sbahic ta jna'ojel soc jwoyaw; la yac' sbahic ta spasel te bintic chopol ta stojol Jehová, hich la shachbeyic yilimba.

2 Crónicas 33:6

La yac' c'axuc ta c'ahc' te snich'nab ta sjuclej Ben-hinom, la spasbe ya'tel j'ilojel, jna'ojel soc jpas señahiletic, soc la sjoc'obe te mach'a ya sc'opon ch'uhlelaletic soc bohl espirituhetic. C'ax bayel chopol bintic la spas ta stojol Jehová, ha to c'alal la shachbe yilimba.

2 Reyes 21:6

Soc la yac' ta chiq'uel te snich'an; la spasbe seña ta ilel soc j'ac'-chamel, la sc'oponlan te mach'a ya sc'opon ch'uhlelaletic soc te j'ilojel. Hich p'ohl yu'un te bin chopol ta stojol Jehová te la shachbe yilimba a.

Deuteronomio 12:23

Ha nax hichuc stalel awo'tan te ma ba yac awe' ch'ich', como ha cuxlejal te ch'ich', ma me pajaluc yac awe' soc scuxlejal te sti'balule.

Levítico 7:26

Soc ta bayuc ya xnahinex, ma me xawe'beyic sch'ich'el mutetic o chambahlametic.

Levítico 3:17

Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

Jeremías 10:2

Hich ya yal te Jehová: Ma me xanopbeyic stalel te yantic nacionetic, soc ma me xaxi' te señahiletic ta ch'ulchan, aunque ha ya xi'ic te nacionetique.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Daniel 2:10

La sjaq'uic te mach'atic ay sp'ijilic: Mayuc jtuhluc ta bahlumilal te ya xhu' ya yal te bin yac sc'ambel te ajwalile. Soc mayuc jtuhluc ajwalil o príncipal te hich ya sc'ambe jtuhluc jpas-señahil, jmonaw o te mach'a ay sp'ijile.

1 Samuel 15:23

Como te toybahil ha pajal mulil soc te bin ay ta lom-na'el, te tulan-o'tanil ha pajal mulil soc sch'uhuntayel loc'ombahetic. Te bin ut'il la ap'ajbe sc'op te Jehová, ha nix hich la sp'ajat te ma ba ya xhilatix ta ajwalil, xchi.

Éxodo 8:7

Pero te j'ilojeletic hich nix la spasic ta scuenta te sc'oblaltesel yu'unic; la yaq'uic tal xch'uch'etic ta sq'uinal Egipto.

Éxodo 7:11

Ha yu'un te faraón la yic' tal te p'ijil winiquetic soc te j'ac'-chameletic, hich nix la spasic te j'ilojeletic yu'un Egipto ta scuenta sc'oblaltesel yu'unic:

Hechos 15:20

pero ya jts'ihbabetic te manchuc ya yac' sbahic a te bintic bohloben yu'un te loc'ombahetic, ma me xya'iyic antsiwej o ma me xyac' sbahic ta antsinel, ma me swe'ic chambahlametic te ts'otbil nax ta snuc', soc ma me swe'ic ch'ich';

Génesis 9:4

Yan te ti'bal te yich'oj to sch'ich'el, te ha scuxlejal, ma me xawe'ic stuquel,

Génesis 44:5

¿Ma bal ha'uc te yuch'ib te cajwal, soc te ay bin ya xhu' sna'bel a? Ma lecuc te bin la apasic, xchihat me ta stojolic, xchi.

Levítico 19:25

Pero ta yo'ebal ha'bil ya xhu' yac alo'beyiquix a te site, hich bayel sit ya ya'beyex a. Ho'on, Jehovahon, te Dioson awu'unique.

Deuteronomio 12:16

ha nax ma me xawe'ic te ch'ich'e, ya me amal ta lum hich te bin ut'il ha'.

Deuteronomio 15:23

ha nax ma me xawe'be sch'ich'el, ya me amal ta lum hich te bin ut'il ha'.

1 Samuel 14:32

Ha yu'un hahch stsaquic ta ora te bintic pojbilic, la stsaquic tuminchijetic, wacaxetic, bic'tal wacaxetic, la smilic ta lum, la swe'ic soc sch'ich'el.

1 Samuel 14:33

Pero ay mach'atic baht yalbeyic te Saúl: Yac stahbel smulic ta stojol Jehová te winiquetic, como yacalic ta swe'el ti'bal soc sch'ich'el, xchihic c'ohel. La yal te Saúl: ¡Ma ba jun awo'tanic! Tselbonic tal jun muc'ul ton, xchi.