Levítico 19:15 - Bible in Tzeltal Bachajón

¹⁵ Ma xapas te bin ma stojiluc ta chahpanel, ma xana'be yo'bolil sba te mach'a pobre soc ma xacoltay te mach'a muc' sc'oblal; stojil me xachahpan te apat-axuhc.

Bible in Tzeltal de Oxchuc y Tenejapa

¹⁵ “Stojil me xachajban yu'un smul te mach'a ya atabey smule, ma me ja'uc ya ana'bey yo'bolil sba te mach'a ma'yuc yipe, soc ma me xbic'tajat ta stojol te mach'a bayal yipe. Ja' me xat'un ta pasel te bila stojil te c'alal ya awac'bey castigo yu'un smul te mach'a ya atabey smule.

Levítico 19:15 Referans Kwoze

Deuteronomio 1:17

Ma me tsahbiluc awu'unic te mach'a ya xtal ta chahpanel, pajal me xawa'iybeyic sc'op te mach'a peq'uel soc te mach'a muc' sc'oblal. Ma me ayuc mach'a yac axi'ic, como ha yu'un Dios te chahpanele. Te c'op te chuhcul yac awa'iyic ya me awich'ic tal ta jtojol, ho'on ya chahpan, xchihon.

Proverbios 24:23

Ha nix tsahbil c'opetic ini yu'un te mach'atic ay sp'ijil yo'tanic: Ma lecuc teme tsahbil nax mach'a ya x'ich'ot ta cuenta ta chahpajibal.

Deuteronomio 27:19

Chopol sc'oblal te mach'a ya sjimbe te bin stojil ay ta pasel ta stojol jyanlum, me'ba' alal o me'ba' ants, xchihic. Hichuc, xchihic me spisil te pueblo.

Levítico 19:35

Ma me ayuc bin ma stojiluc yac achahpan, o bin ma stojiluc ta sp'isel q'uinal, ta sp'isel yalal, o biluc ay ta p'isel.

Proverbios 18:5

Ma lecuc te lec awo'tan yu'un te mach'a chopol, soc sch'aybeyel te bin toj ta pasel ta stojol te mach'a mayuc smul.

Deuteronomio 16:19

Ma me xahowiytes te bin stojil ta pasel; ma me tsahbiluc nax mach'a yac awich' ta cuenta, ma me xatsac taq'uin teme ya x'a'botat, como te taq'uin ya smacbe sit te mach'atic ay sp'ijilic soc ya showiytesbe sc'opic te mach'atic toj yo'tanique.

Salmos 82:2

Hich ya yal: ¿Jayeb xan ora te ma stojiluc yac achahpanic, te lec awo'tanic ta stojol mach'atic chopolic? Selah

Éxodo 18:21

Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

San Juan 7:24

Ma me xawilbe ya'tel yan ta scuenta nax bin yilel stalel, tojuc me xawa'iyic chahpanwanej, xchi.

Hechos 23:3

Ha yu'un la yal te Pablo: ¡Dios me ya smajat, ha'at bombil saquil pahc'! ¿Ha'at bal huculat yu'un yac achahpanon ta scuenta te Ley, pero ha'at yac ac'axuntay te Ley yu'un te yac awac'on ta majel? la yut.

Deuteronomio 10:17

Como te Jehová, te Dios awu'unic, ha Dios yu'un diosetic, soc ha Ajwalil yu'un ajwaliletic, ha muc'ul Dios, ay yu'el soc ay ta xi'el, ma tsahbiluc nax te mach'a ay sc'oblal ta yo'tan, soc ma stsac smahtan scuenta chahpanwanej;

Job 13:8

¿Ya bal acoltayic ta c'op te Diose? ¿Ya bal xc'opojex yu'un?

Job 32:21

Mayuc mach'a tsahbil nax cu'un, mayuc mach'a ya calbe lec sc'oblal.

Job 34:19

te pajal ay ta yo'tan te príncipaletic, te pajal c'ohem ta yo'tan te jc'ulej soc te pobre, como spisilic ha ya'tel sc'ab stuquel?

Proverbios 31:9

C'opojan, chahpana ta stojil; coltaya te pobre soc te mach'a mayuc bin ay yu'un.