Levítico 19:14 - Bible in Tzeltal Bachajón

¹⁴ Ma xabohlc'optay te mach'a cohc, soc ma me ayuc bin yac awa'be sc'ohchin ta sbe te ts'o'sit, ya me axi' te Dios awu'une. Ho'on, Jehovahon.

Bible in Tzeltal de Oxchuc y Tenejapa

¹⁴ “Ma me xawixta'c'optay te mach'a macal xchiquine. “Ma me ayuc bila ya awac'bey ta sbe yu'un ya sc'ojch'in yacan a te ma'site. Ac'a me ta ilel te awich'ojon ta muc' jo'on te Dioson awu'une. Jo'on Ajwalilon.

Levítico 19:14 Referans Kwoze

Deuteronomio 27:18

Chopol sc'oblal te mach'a ya showiytes ta be te ts'o'sit, xchihic. Hichuc, xchihic me spisil te pueblo.

Levítico 19:32

Ya me atehc'an aba ta stojol te mach'a saquix sjol, ya me awich' ta muc' te me'el mamal; soc ya me axi' te Dios awu'une. Ho'on, Jehovahon.

1 Pedro 2:17

Ich'ahic ta muc' spisil yantic. C'ux me xawa'iy ta awo'tanic te awermanotac. Xi'ahic me te Diose. Ich'ahic me ta muc' te ajwalile.

Romanos 14:13

Ha yu'un ma me talel c'axeluc ya jlehbe jba jmultic, ha lec ac'a jnoptic bin ut'il ma ba ya ca'betic sc'ohchinojibal o te bin ya xyahlic yu'un te quermanotique.

Levítico 25:17

Ma me ayuc mach'a ya slo'loy te spat-xuhc, ya me axi'ic te Dios awu'unique; como ho'on, Jehovahon, te Dioson awu'unique.

Apocalipsis 2:14

Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

1 Pedro 1:17

Teme yac awal te ha Atat te mach'a pajal ya yich' ta c'op ta tuhlutuhl ha chican bin yilel ya'tel, ha yu'un socuc me xiwel ya xcuxajex te jayeb c'ahc'al jbehyomex ta q'uinal;

Romanos 12:14

Halbeyahic lec sc'oblal te mach'atic ya yuts'inex; halbeyahic lec sc'oblal, ma me xabohlobtesbeyic sc'oblal.

Génesis 42:18

Ta yoxebal c'ahc'al te José hich la yalbe: Pasahic ini, hich ya xcuxajex a, yu'un te ho'one jxi'oj te Diose:

1 Corintios 10:32

Ma me ha'uc sc'ohchinojibal ya xc'ohex yu'un te judíohetic, jyanlumetic o te iglesia yu'un Dios.

Levítico 19:15

Ma xapas te bin ma stojiluc ta chahpanel, ma xana'be yo'bolil sba te mach'a pobre soc ma xacoltay te mach'a muc' sc'oblal; stojil me xachahpan te apat-axuhc.

Salmos 111:10

Te shahchibal te p'ijil-o'tanil ha te yich'el ta muc' te Jehová; spisil te mach'atic ya spasic te mandariletic yu'un ya sna'ic q'uinal ta lec. ¡Ay ta halbeyel yutsil sc'oblal sbahtel q'uinal!